POLISI Y'U RWANDA

IGP Namuhoranye ari mu ruzinduko rw’akazi mu Butaliyani

Umuyobozi Mukuru wa Polisi y’u Rwanda (IGP) Felix Namuhoranye, ari mu Butaliyani mu ruzinduko rw'akazi rw'iminsi 3 ku butumire bwa mugenzi we, Lt. Gen Teo Luzi, Umuyobozi Mukuru wa Carabinieri.

Kuri uyu wa Kabiri tariki ya 6 Kamena, IGP Namuhoranye na Lt. Gen. Luzi bagiranye ibiganiro bigamije gushimangira ubufatanye busanzwe hagati y’inzego zombi.Inkuru irambuye

Itsinda ry’Intumwa zo muri Guinea zasuye Polisi y’u Rwanda

Mu gitondo cyo kuri uyu wa Mbere tariki ya 5 Kamena,  itsinda ry’intumwa zo muri Guinea ziyobowe n’Umunyamabanga Mukuru muri Minisiteri yo gutwara abantu n’ibintu; Mamadou Saliou Diaby ziri mu ruzinduko rw'akazi mu Rwanda ruzamara iminsi itanu, zasuye Polisi y’u Rwanda.

Bakiriwe n’Umuyobozi Mukuru wungirije wa Polisi ushinzwe ubutegetsi n'abakozi, DIGP Jeanne Chantal Ujeneza ku Cyicaro gikuru cya Polisi ku Kacyiru, bagirana ibiganiro byibanze ku mikorere ya Polisi y’u Rwanda by’umwihariko ku birebana n’umutekano wo mu muhanda. Inkuru irambuye

NYARUGENGE: Hatangijwe ubukangurambaga bwo kurwanya ibiyobyabwenge

Minisiteri y'ubuzima ku bufatanye na Polisi y'u Rwanda n'izindi nzego, kuri uyu wa Kane tariki ya 8 Kamena, yatangije ubukangurambaga bwo kurwanya ibiyobyabwenge.

Ni ubukangurambaga bwahawe insanganyamatsiko igira iti: "IKUNDE! Gukoresha ibiyobyabwenge byangiza ubuzima.BYIRINDE!",bugamije kugaragariza urubyiruko ingaruka z'ibiyobyabwenge ku buzima. Inkuru irambuye

GISHARI: Hatangijwe amahugurwa ajyanye n'imicungire y'intwaro

Kuri uyu wa Mbere tariki ya 5 Kamena, mu ishuri ry'amahugurwa rya Polisi y'u Rwanda (PTS) riherereye i Gishari mu Karere ka Rwamagana hatangijwe amahugurwa y'iminsi itanu ajyanye no gucunga umutekano no kugenzura ububiko bw'intwaro nto n'amasasu.

Ni amahugurwa yateguwe ku bufatanye n'ikigo cyo mu karere gishinzwe kugenzura intwaro nto n'amasasu (RECSA), yitabiriwe n'abagera kuri 24 baturutse mu nzego zitandukanye zirimo Polisi y'u Rwanda, Ingabo z'u Rwanda (RDF) no mu rwego rw'Igihugu rw'igorora (RCS).  Inkuru irambuye

Gerayo Amahoro yakomereje ku bakozi ba Volkswagen Rwanda

Ubukangurambaga bw’umutekano wo mu muhanda buzwi ku izina rya ‘Gerayo Amahoro’ kuri uyu wa Kane tariki ya 8 Kamena, Polisi y’u Rwanda yabukomereje mu kigo cya Volkswagen Rwanda, mu cyanya cyahariwe inganda i Masoro mu Karere ka Gasabo. 

Ni ubukangurambaga bugamije kurwanya impanuka, abakoresha umuhanda bibutswa ko umutekano wo mu muhanda ari inshingano za buri wese. Inkuru irambuye

MU MAFOTO: Gerayo Amahoro yakomereje mu nsengero

Ubukangurambaga bw'umutekano wo mu muhanda 'Gerayo Amahoro' kuri iki Cyumweru tariki ya 4 Kamena, yakomereje mu bakirisitu bateraniye mu nsengero zitandukanye hirya no hino mu gihugu.

Amwe mu  matorero y'abihayimana yatangiwemo ubutumwa bwa Gerayo Amahoro arimo; Abangilikani, Zion Temple, ADEPR na Restauration Church mu turere dutandukanye tw'igihugu. Inkuru irambuye

KICUKIRO: Polisi yafashe magendu y’inzoga za likeri zifite agaciro hafi miliyoni 20Frw

Polisi y’u Rwanda, Ishami rishinzwe kurwanya ubucuruzi bwa magendu (ASOC), ku mugoroba wo ku wa Kabiri tariki ya 6 Kamena, yafatiye mu Karere ka Kicukiro, abantu babiri bafatanywe amacupa 474 ya magendu y’inzoga za likeri zitandukanye.

Abafashwe ni umugabo w’imyaka 40 wari utwaye zimwe muri izo nzoga kuri moto, na mugenzi we w’imyaka 27 y’amavuko wafatiwe iwe, ahari ububiko bw’inzoga zifite agaciro ka Frw19,810,000. Inkuru irambuye