Kinyarwanda
English
KIGALI: Hatashywe ikigo cy’icyitegererezo cy’akarere mu kurwanya ibyaha by’ikoranabuhanga
Mu gitondo cyo kuri uyu wa Gatanu tariki ya 6 Ukwakira 2023, ku cyicaro gikuru cya Polisi y’u Rwanda ku Kacyiru hatashywe ku mugaragaro ikigo cy’icyitegererezo mu rwego rw’Akarere mu kurwanya ibyaha by’ikoranabuhanga.
Ni umuhango witabiriwe na Minisitiri w’Ubutabera akaba n’Intumwa Nkuru ya Leta, Dr. Emmanuel Ugirashebuja, Minisitiri w’Umutekano mu gihugu, Alfred Gasana, Ambasaderi w’Ubuyapani mu Rwanda, Isao Fukushima, Umunyamabanga Mukuru w’umuryango uhuza Polisi mpuzamahanga (Interpol) Jürgen Stock, Umuyobozi Mukuru wa Polisi y’u Rwanda, IGP Felix Namuhoranye n’Umunyamabanga Mukuru w’Urwego rw’Igihugu rw’Ubugenzacyaha (RIB), Col.(rtd) Jeannot Ruhunga.Inkuru irambuye
Polisi na RIB bagiranye ibiganiro n'itangazamakuru
Ku gicamunsi cyo kuri uyu wa Gatatu tariki ya 4 Ukwakira 2023, ku cyicaro gikuru cya Polisi y'u Rwanda ku Kacyiru habereye ibiganiro byahuje Polisi y'u Rwanda, Urwego rw'ubugenzacyaha (RIB) ndetse n'Itangazamakuru.
Ni ibiganiro byari biyobowe na Minisitiri w'Umutekano w'imbere mu Gihugu, Alfred Gasana na Minisitiri w'Ubutabera akaba n'Intumwa Nkuru ya Leta Dr. Emmanuel Ugirashebuja.Inkuru irambuye
IGP Namuhoranye yakiriye itsinda ry'intumwa zo muri Qatar
Umuyobozi Mukuru wa Polisi y'u Rwanda (IGP) Felix Namuhoranye, kuri uyu wa Kane tariki ya 5 Ukwakira, yakiriye ku cyicaro gikuru cya Polisi ku Kacyiru, itsinda ry'intumwa zo muri Qatar.
Ni intumwa zoherejwe na Minisiteri y'umutekano w'imbere mu gihugu, zari ziyobowe na Col. Khalid Ali H S Al - Kaabi, ushinzwe ubutwererane Mpuzamahanga muri iyo Minisiteri.Inkuru irambuye
DIGP Ujeneza yitabiriye inama ya Interpol muri Angola
Umuyobozi Mukuru Wungirije wa Polisi y'u Rwanda ushinzwe ubutegetsi n'abakozi (DIGP) Jeanne Chantal Ujeneza n'Itsinda ayoboye, bitabiriye inama ya 26 ya Polisi Mpuzamahanga (Interpol) ku mugabane w'Afurika ibera muri Angola.
DIGP Ujeneza n'itsinda ry'intumwa ayoboye zo muri Polisi y'u Rwanda n'Urwego rw'Igihugu rw'Ubugenzacyaha (RIB), bari mu murwa mukuru Luanda, ahateraniye inama y'iminsi itatu, yatangiye kuri uyu wa Kabiri tariki 3 Ukwakira. Inkuru irambuye
Hatangijwe ukwezi kwahariwe ibikorwa by'urubyiruko rw'abakorerabushake
Kuri iki Cyumweru tariki ya 1 Ukwakira 2023, mu Karere ka Gasabo, Umurenge wa Jali, akagari ka Nkusi, hatangijwe ukwezi kwahariwe ibikorwa by’urubyiruko rw’abakorerabushake ku rwego rw’igihugu.
Ni ibikorwa byatangijwe n’umuganda wo gucukura ibyobo bifata amazi y’imvura yasenyeraga abaturage mu muganda wahurije hamwe urubyiruko rw’abakorerabushake bo mu karere ka Gasabo n’abaturage batuye mu kagari ka Nkusi.Inkuru irambuye
GERAYO AMAHORO: Abatwara amagare basabwe kwirinda impanuka
Mu gitondo cyo kuri uyu wa Mbere tariki 2 Ukwakira 2023, Polisi y’u Rwanda mu Ntara y’Amajyaruguru yakomeje ubukangurambaga bw’umutekano wo mu muhanda, yibutsa abakora umwuga wo gutwara abagenzi ku magare bagera ku 2500 bo mu turere twa Rulindo, Gakenke na Musanze kwirinda impanuka.
Ubwo yaganirizaga abagera ku 1,300 baturutse mu Karere ka Rulindo na Gakenke bagahurira kuri Base, Umuyobozi wa Polisi mu Ntara y’Amajyarugur, Assistant Commissioner of Police (ACP) Edmond Kalisa yabagaragarije ko impanuka nyinshi zikorwa mu muhanda usanga ziterwa n'abatwara abagenzi ku magare.Inkuru irambuye
SUDANI Y'EPFO: Abapolisi b'u Rwanda bari mu butumwa bateye ibiti
Kuri uyu wa Gatanu tariki ya 6 Ukwakira, abapolisi b'u Rwanda bari mu butumwa bw'umuryango w'abibumbye muri Sudani y'Epfo (UNMISS), mu Ntara ya Upper Nile, agace ka Malakal, bazindukiye mu gikorwa cyo gutera ibiti.
Iki gikorwa bakoze mu rwego rwo kurengera ibidikikije, kitabiriwe n’abarimo umuyobozi wa Malakal Yohenes Kimo, bamwe mu bakozi b’umuryango w’abibumbye muri ako gace n’abandi bayobozi ndetse n’abaturage bahatuye. Inkuru irambuye
