POLISI Y'U RWANDA

Abarenga 630 basoje amahugurwa abinjiza mu kazi ku rwego rwa ba Ofisiye bato muri Polisi y’u Rwanda

Mu Ishuri rya Polisi ry’amahugurwa (PTS) i Gishari mu Karere ka Rwamagana kuri uyu wa Gatanu tariki ya 13 Ukuboza 2024, habereye umuhango wo gusoza amahugurwa y’abitegura kwinjira mu kazi ku rwego rwa ba ofisiye bato muri Polisi y’u Rwanda.

Ni amahugurwa y’icyiciro cya 13 yitabiriwe n’abagera kuri 635 barimo abahungu 527 n’abakobwa 108  bahawe ipeti rya Assistant Inspector of Police (AIP), mu muhango wayobowe na Minisitiri w’intebe Dr. Edouard Ngirente.  Inkuru irambuye...

KIGALI: Abakora irondo ry’umwuga basabwe kurangwa n’imyitwarire myiza no gukora kinyamwuga

Polisi y’u Rwanda irasaba abanyerondo b’umwuga kurangwa n’ubunyangamugayo no gukora kinyamwuga mu rwego rwo kurushaho kunoza akazi kabo no kwirinda ababiyitirira bagamije guhungabanya umutekano.

Ni mu mahugurwa amaze icyumweru abera mu turere twose tugize umujyi wa Kigali, yateguwe ku bufatanye bwa Polisi y’u Rwanda n’ubuyobozi bw’inzego z’ibanze; hagamijwe gukangurira abakora irondo ry’umwuga  kwita ku nshingano zabo birinda icyabahesha isura mbi. Inkuru irambuye...

GERAYO AMAHORO: Abatwara moto baributswa kubahiriza amabwiriza y’umuhanda birinda impanuka

Ubukangurambaga bw’umutekano wo mu muhanda buzwi ku izina rya 'Gerayo Amahoro' bwakomeje kuri uyu wa Kabiri tariki ya 10 Ukuboza 2024 mu Karere ka Rubavu.

Ubu bukangurambaga bugamije gushishikariza abakoresha umuhanda guhindura imyumvire birinda impanuka, bwatangiwemo ubutumwa bwagejejwe ku batwara amapikipiki bakabakaba 1000 bari bateraniye kuri sitade Umuganda.  Inkuru irambuye...

GASABO: Polisi yafashe babiri bibaga mu ngo bakoresheje ibikangisho no kwiyitirira inzego

Polisi y’u Rwanda mu Karere ka Gasabo yafashe kuri uyu wa Mbere tariki ya 9 Ukuboza 2024, abasore babiri bafite imyaka 27 na 30 y’amavuko, bakurikiranyweho kwiyitirira inzego no kwiba abaturage amafaranga n’ibikoresho bitandukanye bakoresheje kiboko. 

Umuvugizi wa Polisi mu Mujyi wa Kigali, Chief Inspector of Police (CIP) Wellars Gahonzire yavuze ko bafatiwe mu bikorwa bya Polisi byo kubashakisha biturutse ku makuru yatanzwe n’abaturage.  Inkuru irambuye...

Abanyeshuri ba Trinity Academy bigishijwe ku gukumira no kurwanya inkongi

Kuri uyu wa Kane tariki ya 12 Ukuboza 2024, Polisi y’u Rwanda, Ishami rishinzwe kurwanya inkongi n’ubutabazi (FRB), ryakiriye abanyeshuri biga mu Kigo cya Trinity International Academy giherereye mu murenge wa Remera mu Karere ka Gasabo ribahugura ku gukumira no kuzimya inkongi.

Abanyeshuri 76 biga kuva mu mwaka wa mbere kugeza mu wa Kane w’amashuri yisumbuye bari baherekejwe n’abarezi babo, nibo bageze ku Cyicaro gikuru cya Polisi, ku Kacyiru, ku isaha ya saa yine za mu gitondo, ari naho habereye aya mahugurwa.  Inkuru irambuye...