POLISI Y'U RWANDA

Itsinda ry’intumwa za EASF zasoje amahugurwa y’iminsi itanu mu Rwanda

Kuri uyu wa Gatanu tariki 28 Nyakanga,bamwe mu bagize Itsinda ry’umutwe w’ingabo na Polisi washyiriweho gutabara mu Karere k'Afurika y’Iburasirazuba (EASF), basoje amahugurwa bari bamazemo iminsi itanu abera mu murenge wa Kagarama mu Karere ka Kicukiro.

Ubwo yasozaga aya mahugurwa ku mugaragaro, umuyobozi wa Polisi wungirije ushinzwe ubutegetsi n’abakozi (DIGP) Jeanne Chantal Ujeneza, yashimiye abapolisi bayitabiriye ubwitange n’umurava bagaragaje mu gihe bamaze muri aya mahugurwa. Inkuru irambuye 

Itsinda ry'abagize umutwe wa EASF batangiye amahugurwa mu Rwanda

Mu gitondo cyo kuri uyu wa Mbere tariki ya 24 Nyakanga, mu murenge wa Kagarama mu  Karere ka Kicukiro, hatangijwe amahugurwa y'abagize Itsinda ry’umutwe w’ingabo na Polisi washyiriweho  gutabara mu Karere k'Afurika y’Iburasirazuba (EASF- East African Stand-by Force).

Ni amahugurwa azamara iminsi itanu, yitabiriwe n’abapolisi bagera kuri 23 baturutse mu bihugu bitandukanye by’Afurika birimo; u Rwanda rwakiriye aya mahugurwa, u Burundi, Seychelles, Djibouti, Kenya, Ibirwa bya Comores, Ethiopia, Somalia, Uganda n’ibindi. Inkuru irambuye

GERAYO AMAHORO: Abakozi ba Airtel biyemeje kugaragaza uruhare rwabo mu gukumira impanuka

Kuri uyu wa Gatanu tariki ya 28 Nyakanga, ubukangurambaga bw’umutekano wo mu muhanda ‘Gerayo Amahoro’ bwakomereje ku bakozi ba Sosiyete y’itumanaho ya Airtel mu Rwanda, ku cyicaro cyayo giherereye mu murenge wa Kinyinya mu Karere ka Gasabo.

Ubu bukangurambaga bwahawe izina rya Gerayo Amahoro bwatangijwe mu mwaka wa 2019, hagamijwe gukumira impanuka zibera mu muhanda n’ubwo bwaje guhagarikwa nyuma y’ibyumweru 39 mu mwaka wa 2020, biturutse ku cyorezo cya Covid-19, bwongeye gusubukurwa mu kwezi k’Ukuboza umwaka ushize, bukaba bukomeje hirya no hino mu gihugu.Inkuru irambuye

Polisi irakangurira abantu kwirinda impanuka zo mu mazi

Polisi y’u Rwanda irashishikariza abaturarwanda kubahiriza amabwiriza yo kugenda mu mazi birinda uburangare bwateza impanuka zahitana ubuzima bwabo mu gihe bakoresha amazi magari.

Byakunze kugaragara ko uburangare bwa bamwe mu babyeyi bareka abana bakegera inkengero z’ibiyaga, inzuzi ndetse n’ahandi hari ibidendezi by’amazi bituma habaho impanuka zo kurohama zigatuma bahatakariza ubuzima, aho abenshi mu bahitanwa n’izi mpanuka usanga bari mu kigero cy’imyaka 15 no munsi yayo.Inkuru irambuye 

Polisi yafashe ucyekwaho kwiba imodoka akayikuramo moteri

Polisi y’u Rwanda yagaruje imodoka yo mu bwoko bwa Toyota Hilux yari yibwe umuturage, hafatwa umugabo w’imyaka 39 y’amavuko ucyekwaho kuyiba ubwo yari agiye kugurisha moteri yayo mu Karere ka Rubavu.

Uwafashwe usanzwe ari umukanishi w’imodoka muri imwe mu magaraje yo mu Mujyi wa Kigali, yari agiye kugurisha moteri y’iyo modoka mu murenge wa Gisenyi mu Karere ka Rubavu, ari naho yafatiwe ku Cyumweru tariki ya 23 Nyakanga.Inkuru irambuye 

MU MAFOTO: Gerayo Amahoro yakomereje mu muganda no mu nsengero

Ubukangurambaga bw'umutekano wo mu muhanda 'Gerayo Amahoro' kuri uyu wa Gatandatu tariki ya 29 Nyakanga, bwakomereje mu bitabiriye umuganda rusange ngarukakwezi wabereye hirya no hino mu gihugu no mu bakirisitu bateraniye mu nsengero zitandukanye.

Ibyiciro byose by’abitabiriye umuganda rusange mu duce dutandukanye tw’igihugu bibukijwe kwirinda Impanuka zihitana ubuzima bw'abantu basabwa kuzirikana amategeko n'amabwiriza agenga umuhanda n'uburyo bwo kuwugendamo kandi bakitoza kubigira umuco atari ugutinya ibihano.Inkuru irambuye 

HUYE: Umuturage yafashwe yigabije ishyamba rya Leta

Polisi y’u Rwanda ku bufatanye n’inzego z’ibanze mu karere ka Huye, yafashe umuturage wari urimo kwangiza ishyamba rya Leta nyuma yo gutemamo ibiti bigera kuri 52.

Uwafashwe ni umugabo w’imyaka 55 y’amavuko, wafatiwe muri iryo shyamba riherereye mu mudugudu wa Kinyana, akagari ka Mutunda mu murenge wa Mbazi, ahagana saa munani n’igice z’igicamunsi cyo ku Cyumweru tariki ya 23 Nyakanga.Inkuru irambuye