POLISI Y'U RWANDA

Minisitiri Gasana yasabye abapolisi basoje amahugurwa kutazateshuka

Mu muhango wo gusoza amasomo y’icyiciro cya 11 cy’amahugurwa y’ibanze ajyanye n’ibikorwa bya Polisi byihariye (Basic Special Forces Course), yitabiriwe n’abapolisi 228, Minisitiri w’Umutekano w’imbere mu gihugu; Alfred Gasana yababwiye ko bagomba gukurikiza amasomo uko bayize bakirinda guteshuka.

Ni amahugurwa yari amaze amezi icyenda abera mu kigo gitangirwamo amahugurwa yo kurwanya Iterabwoba (CTTC) giherereye i Mayange mu Karere ka Bugesera, yasojwe ku mugaragaro kuri uyu wa Kane tariki 14 Nzeri, umuhango wanitabiriwe n’Umuyobozi Mukuru wa Polisi y’u Rwanda (IGP) Felix Namuhoranye. Inkuru irambuye 

Ibigo byigenga bicunga umutekano byasabwe kurushaho kwigenzura no gukora kinyamwuga

Ku gicamunsi cyo kuri uyu wa Mbere tariki ya 11 Nzeri 2023, Polisi y'u Rwanda, Ishami rishinzwe umutekano w’ibikorwaremezo n’ibigo byigenga bicunga  umutekano (ISPSP) n'abayobozi b'ibigo byigenga bicunga umutekano  bagiranye ibiganiro byabereye ku cyicaro gikuru cya Polisi ku Kacyiru.

Ni ibiganiro byibanze ku gukangurira abayobozi b’ibi bigo kwigenzura kugira ngo barusheho gutanga serivisi nziza byari biyobowe na Commissioner of Police (CP) John Bosco Kabera, uyobora Ishami rya Polisi rishinzwe umutekano w’ibikorwaremezo n’ibigo byigenga bicunga  umutekano.Inkuru irambuye 

RUBAVU: Abapolisi 27 basoje amahugurwa y’ibanze ku gucunga umutekano wo mu mazi

Kuri uyu wa Gatanu tariki ya 15 Nzeri 2023, mu Karere ka Rubavu habereye umuhango wo gusoza amahugurwa y’ibanze y’amezi abiri ku bijyanye no gucunga umutekano wo mu mazi.

Ni amahugurwa y’icyiciro cya gatanu, yateguwe na Polisi y’u Rwanda ku bufatanye n’ Ikigo cy’Igihugu cy’Iterambere (RDB), yatangiye ku itariki 12 Nyakanga, yitabirwa n’abagera kuri 27 barimo abapolisi n’abashinzwe umutekano wa Pariki z’igihugu. Inkuru irambuye 

KIGALI: Hatangijwe ibiganiro nyunguranabitekerezo ku kurwanya ihohoterwa

Mu gitondo cyo kuri uyu wa Kabiri tariki 12 Nzeri, ku cyicaro gikuru cya Polisi ku Kacyiru, habereye ibiganiro nyunguranabitekerezo byahuje abafatanyabikorwa batandukanye, hagamijwe guhuza imbaraga mu kurwanya ihohoterwa rishingiye ku gitsina n’irikorerwa abana.

Iyi nama yabereye mu kigo cy’akarere cy’icyitegererezo mu guca ihohoterwa rishingiye ku gitsina n’irikorerwa abana (RCOE), yahuje Polisi y’u Rwanda, n’abahagarariye inzego zitandukanye zirimo; Minisiteri y’uburinganire n’iterambere ry’umuryango, Urwego rw’Igihugu rw’Ubugenzacyaha (RIB), Ishami ry’Umuryango w’Abibumbye ryita ku bana (UNICEF), Action Aid, n’Ikigo cya Dallaire kigamije kurengera abana no kwimakaza amahoro n'umutekano. Inkuru irambuye 

RULINDO: Bane bafashwe bacukura amabuye y’agaciro binyuranyije n’amategeko

Polisi y’u Rwanda ifatanyije n’izindi nzego z’umutekano n’abaturage mu karere ka Rulindo, yafatiye mu cyuho abantu bane bacukuraga amabuye y’agaciro mu buryo bunyuranyije n’amategeko. 

Abafashwe ni abagabo bane bacukuraga amabuye yo mu bwoko bwa Gasegereti mu mirima y’abaturage iherereye mu mudugudu wa Burambi, akagari ka Mahaza, mu murenge wa Ntarabana kuri uyu wa Kabiri tariki 12 Nzeri, ahagana saa Kumi n’ebyiri za mu gitondo. Inkuru irambuye 

BURERA: Polisi yafashe umugabo wari wikoreye ibilo 20 by’urumogi

Polisi y’u Rwanda ku bufatanye n’izindi nzego z’umutekano mu Karere ka Burera, yafatanye umugabo w’imyaka 20, imifuka ibiri irimo ibilo 20 by’urumogi.

Yafashwe kuri uyu wa Gatanu tariki 15 Nzeri, ahagana ku isaha ya saa tanu z’amanywa mu mudugudu wa Kamatengu, akagari ka Ruconsho, mu murenge wa Rwerere, aturutse mu gihugu cy’abaturanyi cya Uganda.Inkuru irambuye