Kinyarwanda
English
Ba Ofisiye 45 bo mu nzego z'umutekano basoje amahugurwa
Ku wa Gatanu tariki 11 Nyakanga 2025, mu Ishuri rikuru rya Polisi (NPC) riherereye mu Karere ka Musanze, habereye umuhango wo gusoza amasomo y’amezi atanu yitabiriwe n’abagera kuri 45 baturutse mu nzego zishinzwe umutekano.
Abitabiriye aya mahugurwa bize amasomo atandukanye bakora n’urugendoshuri mu rwego rwo guhuza ubumenyi bigira mu masomo yo mu ishuri n’ibikorerwa mu kazi. Inkuru Irambuye...
Itsinda ry’intumwa ziturutse muri Uganda zasuye Polisi y’u Rwanda
Ku cyicaro gikuru cya Polisi ku Kacyiru, ku wa Kane tariki ya 10 Nyakanga, Komiseri ushinzwe Ibikorwa bya Polisi n'ituze rusange; Commissioner of police (CP) George Rumanzi, yakiriye mu izina ry'ubuyobozi bukuru bwa Polisi y'u Rwanda, itsinda ry’intumwa 18 zasuye u Rwanda ziturutse muri Uganda.
Ni itsinda rihagarariye ubuyobozi bw'Umujyi wa Kampala, umurwa mukuru w'igihugu (KCCA), rigizwe n’abagera kuri 18, bari mu rugendoshuri mu Rwanda, mu rwego rwo kwigira ku bikorerwa ahandi no kunoza imikorere yabo ya buri munsi. Inkuru Irambuye...
Imyaka 25 y’urugendo rwa Polisi y’u Rwanda mu bufatanye n’abaturage mu gucunga umutekano
Raporo iheruka gukorwa n’Ikigo cy’Igihugu cy’imiyoborere mu Rwanda (RGB), mu kwezi k’Ugushyingo 2024, igaragaza ko abaturage bafitiye icyizere Polisi y’u Rwanda ku kigero cya 93.82 %, byerekana neza ko u Rwanda rukomeje gushyira imbaraga mu kubumbatira umutekano binyuze mu bufatanye bw’inzego z’umutekano n’abaturage, kubaka ubwiyunge n’imiyoborere ishingiye ku baturage.
Inzego z'umutekano zikomeje kuba umusingi w’iterambere mu miyoborere y'u Rwanda, zigaragaza uruhare rw’ingenzi amahoro n'umutekano bigira mu mu iterambere ry’ikitegererezo ku gihugu. Inkuru Irambuye...
Abasaga 50 bagize urubyiruko rw’abanyarwanda baba hanze basuye Polisi y’u Rwanda
Ku wa Kabiri tariki ya 8 Nyakanga, itsinda ry’urubyiruko rw’abanyarwanda bagera kuri 50 baba mu bihugu bitandukanye byo ku Isi (Diaspora), basuye Polisi y’u Rwanda, ku cyicaro gikuru Kacyiru, muri gahunda ngarukamwaka bagira yo gusura igihugu bagamije kwiga amateka, umuco n’imikorere y’inzego zitandukanye.
Bakiriwe na Assistant Commissioner of Police (ACP) Khalid Kabasha, ushinzwe ubutwererane na porotokole, mu izina ry’ubuyobozi bukuru bwa Polisi y’u Rwanda, abasobanurira amavu n’amavuko, urugendo yagize mu kubaka ubushobozi, imikorere n’imikoranire n’izindi nzego n’abaturage mu kubaka igihugu. Inkuru Irambuye...
GERAYO AMAHORO: Abatwara abagenzi kuri moto basabwe gukoresha umuhanda neza birinda impanuka
Ku wa Mbere tariki ya 7 Nyakanga, abatwara abagenzi kuri moto basaga 1500 bakorera mu bice bitandukanye by’Umujyi wa Kigali, bibukijwe gukoresha neza umuhanda birinda impanuka.
Ni muri gahunda y’ubukangurambaga bw'umutekano wo mu muhanda bugamije kurwanya impanuka buzwi nka 'Gerayo Amahoro', bwabereye ahantu hatandukanye mu Mujyi wa Kigali harimo; i Remera, Nyabugogo, Nyanza n'i Kabuga. Inkuru Irambuye...
VOLLEYBALL: Amakipe ya Polisi yegukanye ibikombe byose by'irushanwa ryo Kwibohora 2025
Amakipe ya Polisi y'u Rwanda mu mukino w'intoki wa Volleyball mu bagabo (Police VC) no mu bagore (Police WVC) yitwaye neza yegukana kuri iki cyumweru tariki ya 6 Nyakanga, ibikombe byombi by’irushanwa ryo kwibohora.
Ni irushanwa ryaberaga muri Petit Stade Amahoro i Remera, kuva ku wa Gatanu, ryasojwe ku Cyumweru, hatangwa ibihembo ku makipe yitwaye neza. Inkuru Irambuye...
