POLISI Y'U RWANDA

Abapolisi bitegura gusimbura bagenzi babo mu butumwa bw’Amahoro muri Centrafrique na Sudani y’Epfo bahawe impanuro

Umuyobozi Mukuru wa Polisi y'u Rwanda (IGP), CG Felix Namuhoranye, kuri uyu wa Mbere tariki 6 Ugushyingo, yahaye impanuro abapolisi 340 bitegura kujya mu butumwa bw’Umuryango w’abibumbye bwo kubungabunga amahoro mu gihugu cya Centrafrique na Sudani y’Epfo.

Bagize amatsinda abiri; RWAFPU IV rigizwe n’abapolisi 180 bayoboye na Chief Superintendent of Police (CSP) Methode Munyaneza, bazerekeza ahitwa Bangassou muri Repubulika ya Centrafrique n’itsinda RWAFPU III rigizwe n’abagera ku 160 biganjemo umubare munini w’Abapolisikazi, rizerekeza muri Sudani y’Epfo mu murwa mukuru Juba, rirangajwe imbere na Senior Superintendent of Police (SSP) Angelique Uwamariya.Inkuru irambuye  

Abakoresha umuhanda bakomeje kwibutswa kwirinda amakosa ateza impanuka

Ibyiciro bitandukanye by'abakoresha umuhanda bikomeje kwibutswa kwirinda amakosa bakora akaba intandaro y'impanuka zo mu muhanda.

Ni muri gahunda y'ubukangurambaga bw'umutekano wo mu muhanda buzwi nka 'Gerayo Amahoro' bukomeje hirya no hino mu gihugu aho buri wese akangurirwa kumva ko ari inshingano ze gusigasira umutekano wo mu muhanda.Inkuru irambuye 

Polisi iraburira abishora mu cyaha cya ruswa

Polisi y’u Rwanda yaburiye abasaba, abatanga cyangwa abakira indonke kugira ngo bakore cyangwa badakora ibiri mu nshingano zabo, ko bahagurukiwe, mu rwego rwo gushyigikira gahunda y’igihugu y’imiyoborere myiza n’umurimo unoze.

Umuvugizi wa Polisi y’u Rwanda; Assistant Commissioner of Police (ACP) Boniface Rutikanga, yavuze ko icyaha cya ruswa gikunze kugaragara muri serivisi zijyanye n'umutekano wo mu muhanda, aburira abakomeje kuyishoramo n'abazayigaragaraho ko bazahura n'ibihano bikomeye nk'uko amategeko abiteganya.Inkuru irambuye  

U Rwanda rwasimbuje Abapolisi mu butumwa bw'amahoro muri Centrafrique

Kuri uyu wa Gatanu tariki ya 10 Ugushyingo, Polisi y'u Rwanda yasimbuje abapolisi bagize itsinda RWAFPU-III mu butumwa bw'Umuryango w'Abibumbye bwo kubungabunga amahoro muri Repubulika ya Centrafrique (MINUSCA). 

Ni itsinda rigizwe n’abapolisi 180 ryaje riyobowe na Senior Superintendent of Police (SSP) Desire Kanyamagare, bakaba bari bamaze igihe kingana n’umwaka bakorera ahitwa Bangassou mu bilometero bisaga 725 uturutse mu Murwa mukuru Bangui.Inkuru irambuye 

SUDANI Y’EPFO: Abapolisi b’u Rwanda bari mu butumwa bw’amahoro bakoze umuganda rusange

Abapolisi b’u Rwanda bari mu butumwa bw’Umuryango w’Abibumye bwo kubungabunga amahoro mu gihugu cya Sudani y’Epfo (UNMISS), bifatanyije n’abayobozi muri Guverinoma n’abaturage mu muganda wo gusukura Umujyi wa Malakal.

Ni igikorwa cyakozwe mu rwego rw’Ubukangurambaga bw’isuku n’amahoro bwahawe inyito igira iti:’Amahoro atangirana na Njye’, cyatangijwe ku mugaragaro na Guverineri w’Intara ya Upper Nile, James Odok Oyai, kuri uyu wa Gatanu tariki ya 10 Ugushyingo.Inkuru irambuye 

Ubukangurambaga bwa Gerayo Amahoro bwakomereje ku banyeshuri ba Destiny International School

Ubukangurambaga bw'umutekano wo mu muhanda 'Gerayo Amahoro' kuri uyu wa Gatanu tariki ya 10 Ugushyingo, bwakomereje ku banyeshuri n’abarimu b’Ishuri ry’incuke n’amashuri abanza rya Destiny International riherereye ahazwi nka Sopetrade mu murenge Nyarugenge mu Karere ka Nyarugenge.

Umuvugizi w’Ishami rya Polisi y’u Rwanda rishinzwe umutekano wo mu muhanda, Senior Superintendent of Police (SSP) Rene Irere mu butumwa yabagejejeho, yavuze ko gahunda ya Gerayo Amahoro igamije kwibutsa buri wese ko ari inshingano ze guharanira umutekano wo mu muhanda, abawukoresha bagakora ingendo zabo neza batekanye.Inkuru irambuye

Ibigo byigenga bicunga umutekano byasabwe kurushaho gukora kinyamwuga

Ibigo byigenga bicunga umutekano byasabwe kurushaho kunoza amahugurwa ahabwa abakozi mu rwego rwo guteza imbere imikorere y'ubunyanwuga.

Ni ubutumwa bwatanzwe kuri uyu wa Gatanu tariki 10 Ugushyingo, mu muhango wo gusoza amahugurwa y'ibanze yitabiriwe n'abagera ku 126 barimo ab'igitsina gore 31, bakorera ibigo byigenga bicunga umutekano bibiri ari byo; GardaWorld na High Sec, bikorera mu Mujyi wa Kigali.Inkuru irambuye