POLISI Y'U RWANDA

Polisi y'u Rwanda yasezeye ku bapolisi bagiye mu kiruhuko cy'izabukuru.

Ku mugoroba wo kuri uyu wa Gatanu tariki ya 29 Nzeri 2023, ku cyicaro gikuru cya Polisi y'u Rwanda ku Kacyiru, habereye umuhango wo gusezera ku bapolisi 112 baherutse koherezwa mu kiruhuko cy'izabukuru.

Ni umuhango witabiriwe na Minisitiri w'umutekano w'imbere mu gihugu Alfred Gasana ari nawe wari umushyitsi mukuru. Inkuru irambuye 

Kacyiru hateraniye inama ya 12 ihuza abapolisikazi

Kuri uyu wa Gatatu tariki ya 27 Nzeri 2023, ku cyicaro gikuru cya Polisi y’u Rwanda ku Kacyiru hateraniye inama ngarukamwaka  y’umunsi umwe  ihuza abapolisikazi. 

Ni inama ihuriramo abapolisikazi baba baturutse mu mashami atandukanye muri Polisi  y’u Rwanda, bakaganira ku ngingo zitandukanye zirebana n’ihame ry’uburinganire mu by’umutekano, yari ifite insanganyamatsiko igira iti:"Dukureho inzitizi ku buringanire n’ubwuzuzanye mu mwuga n’ibikorwa bya Polisi." Inkuru irambuye 

Abangiza ibikorwaremezo bafatiwe ingamba zikomeye

Kuri uyu wa Kane, tariki 28 Nzeri, Polisi y’u Rwanda yagiranye inama n’ikigo cy’igihugu gishinzwe ingufu (REG) n’Ikigo gishinzwe gukwirakwiza Amazi, Isuku n’Isukura (WASAC) hagamijwe gufata ingamba zo kurwanya ikibazo gikomeje kwiyongera cy’ubujura bw’ibikorwaremezo bikoreshwa mu gukwirakwiza umuriro n’amazi.

Ni inama yabereye ku cyicaro gikuru cya Polisi ku Kacyiru, yari iyobowe n’umuyobozi Mukuru wa Polisi y’u Rwanda (IGP) Felix Namuhoranye wari kumwe n’umuyobozi Mukuru wa REG, Armand Zingiro, n’umuyobozi Mukuru wa WASAC; Omar Munyaneza, abacuruza ibyuma bishaje ndetse n’abayobozi b’inganda zibitunganya.  Inkuru irambuye 

Abapolisi 35 basoje amahugurwa abagira abarimu bazahugura abandi

Kuri uyu wa Gatanu tariki 29 Nzeri 2023, mu ishuri ry’amahugurwa rya Polisi (PTS) riherereye mu murenge wa Gishari, akarere ka Rwamagana, hasojwe amahugurwa y’icyiciro cya 7  yitabiriwe n’abapolisi 35 bazahugura abandi. 

Ni amahugurwa yitwa Instructional Technology Course (ITC) mu rurimi rw’icyongereza, yahabwaga abapolisi bo ku rwego rwa ba ofisiye bato, mu gihe kingana n’ibyumweru 12, aho bigaga amasomo atandukanye abongerera ubushobozi mu gutegura no gutanga amahugurwa ndetse no gusuzuma uburyo agera ku ntego zayo.  Inkuru irambuye 

DIGP Sano yasuye abapolisi bakorera mu Ntara y'Amajyaruguru

Mu gitondo cyo kuri uyu wa Gatandatu tariki ya 30 Nzeri 2023, Umuyobozi Mukuru wa Polisi y'u Rwanda wungirije ushinzwe ibikorwa DIGP Vincent Sano yasuye abapolisi bakorera mu Ntara y'Amajyaruguru. 

Ni urizinduko rwatangiriye mu Karere ka Burera, imirenge ya Cyanika na Gahunga. Inkuru irambuye 

KIGALI: Abagize EAPCCO bateraniye mu nama yitezweho kwimakaza uburinganire

Ku cyicaro gikuru cya Polisi y’u Rwanda ku Kacyiru, kuva ku wa Kane, tariki 28 Nzeri, hateraniye inama y’iminsi ibiri ihuza abahagarariye komite yashyiriweho kwimakaza uburinganire mu muryango uhuza abayobozi ba Polisi zo mu bihugu byo mu  karere k’Afurika y’iburasirazuba (EAPCCO).

Ni inama igamije kwigira hamwe ingamba n’itegeko rigena imikorere y’ihuriro ry’abapolisi b’abagore muri uyu muryango yahuje impuguke mu by'amategeko n’abahagarariye komite yashyiriweho kwimakaza uburinganire zaturutse mu bihugu binyamuryango 14.Inkuru irambuye  

SUDANI Y’EPFO: Abapolisi b’u Rwanda bari mu butumwa bambitswe imidali y’ishimwe

Kuri uyu wa Gatatu tariki 27 Nzeri 2023, abapolisi b’u Rwanda 174 bari mu butumwa bw’umuryango w’abibumbye bwo kubungabunga amahoro mu gihugu cya Sudani y’Epfo (UNMISS) bambitswe imidali y’ishimwe.

Umuhango wo kwambika imidali aba bapolisi wabereye mu kigo kibamo itsinda ry’abapolisi b’u Rwanda bari mu murwa mukuru Juba (RWAFPU-3),  uyoborwa  n’ukuriye Polisi y’Umuryango w’Abibumbye muri iki gihugu, Madamu Christine Fossen.Inkuru irambuye