POLISI Y'U RWANDA

Minisitiri Dr Uwamariya yasuye ikigo cy'icyitegererezo mu kurwanya ihohoterwa rishingiye ku gitsina n’irikorerwa abana

Ku gicamunsi cyo kuri uyu wa Gatanu tariki 22 Nzeri 2023, Minisitiri w’uburinganire n’iterambere ry’umuryango   Dr. Valentine Uwamariya  yasuye ikigo cy’icyitegererezo mu Karere mu kurwanya ihohoterwa rishingiye ku gitsina n’irikorerwa abana. gikorera ku cyicaro gikuru cya Polisi y’u Rwanda ku Kacyiru.

Minisitiri Dr Uwamariya yakiriwe n’umuyobozi wungirije muri Polisi y’u Rwanda ushinzwe ubutegetsi n’abakozi (DIGP) Jeanne Chantal Ujeneza, wamugaragarije imikorere y’iki kigo cyubatse mu kigo cya Polisi y’u Rwanda ariko ko nta rwego urwo ari rwo rwose rukumiriwe kukigana.Inkuru irambuye 

Itsinda ry’intumwa zo muri Nigeria zasuye Polisi y’u Rwanda

Umuyobozi Mukuru wa Polisi y’u Rwanda (IGP) Felix Namuhoranye, kuri uyu wa Kabiri tariki ya 19 Nzeri 2023, yakiriye ku cyicaro gikuru cya Polisi ku Kacyiru, itsinda ry’intumwa 22 zasuye u Rwanda ziturutse muri Nigeria.

Ni Itsinda rigizwe n’abanyeshuri 15 n’abakozi b’Ikigo cy’igihugu gitangirwamo amasomo y’umutekano (NISS) mu murwa mukuru (Abuja) bari mu rugendoshuri mu Rwanda, mu rwego rwo guhuza amasomo biga n’ibikorwa n’inzego z’umutekano, rufite insanganyamatsiko igira iti: ‘Ukwihuza kw’Isi n’imiryango y’ibihugu byo mu Karere n’uruhare bigira mu iterambere rirambye muri Afurika.”Inkuru irambuye  

Urubyiruko rw’abakorerabushake rwahawe umukoro wo kuba umusemburo w’impinduka

Umuyobozi Mukuru wa Polisi y’u Rwanda (IGP) Felix Namuhoranye yashishikarije abagize ihuriro ry’urubyiruko rw’abakorerabushake mu gukumira no kurwanya ibyaha (RYVCP) guharanira kugeza umuryango nyarwanda ku mpinduka wifuza.

Ni mu butumwa yagejeje ku bahuzabikorwa b’urubyiruko rw’abakorerabushake ku rwego rw’uturere, kuri uyu wa Kane, tariki ya 21 Nzeri, ku cyicaro gikuru cya Polisi y’u Rwanda ku Kacyiru, aho yabasabye kwiha icyerekezo kizima mu gushyira mu bikorwa gahunda z’umutekano n’iterambere ry’igihugu. Inkuru irambuye 

GERAYO AMAHORO: Abatwara amagare bibukijwe ko bafite inshingano zo kwirinda icyateza impanuka

Ubwo ubukangurambaga bw’umutekano wo mu muhanda buzwi ku izina rya ‘Gerayo Amahoro’ bwakomerezaga mu turere twose tw’umujyi wa Kigali kuri uyu wa Gatandatu tariki ya 23 Nzeri 2023, Polisi y’u Rwanda yongeye kwibutsa abatwara amagare ko ari inshingano zabo kwirinda icyateza impanuka. 

Ubwo yabagezagaho ikiganiro, Umuyobozi w’Ishami rishinzwe ibikorwa bya Polisi n’ituze rusange, Commissioner of Police (CP) George Rumanzi, yavuze ko impanuka nyinshi ziterwa n’ibyo abakoresha umuhanda bafitiye ubushobozi bwo guhagarika ari nayo mpamvu ubutumwa bwa Gerayo Amahoro bugomba kugera ku bakoresha umuhanda bose by’umwihariko abatwara amagare.Inkuru irambuye  

HUYE: Hangijwe inzoga z’inkorano zitujuje ubuziranenge

Mu bikorwa byo kurwanya inzoga z’inkorano zitujuje ubuziranenge, Polisi y’u Rwanda ku bufatanye n’izindi nzego n’abaturage, yafashe kandi yangiza litiro 885 z’inzoga zizwi ku izina rya Muriture mu Karere ka Huye.

Mu zafashwe harimo litiro 585 z’inzoga za Muriture zafatanywe abantu batandatu bo mu tugari dutandukanye two mu murenge wa Maraba na litiro 300 zafatiwe ku bantu babiri bahise batoroka, mu mudugudu wa Gahenerezo, akagari ka Rukira mu murenge wa Huye, ku mugoroba wo ku wa Gatatu tariki ya 20 Nzeri. Inkuru irambuye 

NYAGATARE: Babiri bafatanywe amasashe arenga ibihumbi 500

Kuri uyu wa Gatatu tariki 20 Nzeri, Polisi y’u Rwanda ku bufatanye n’izindi nzego z’umutekano n’abaturage mu Karere ka Nyagatare yafashe abagabo babiri bari batwaye mu modoka amasashe ibihumbi 540.

Abafashwe ni umugabo w’imyaka 31 y’amavuko ari we nyirayo na mugenzi we w’imyaka 40, wari umutwaye mu modoka yo mu bwoko bwa RAV 4 ifite nimero RAE 326 Y, mu mudugudu wa Nshuri, akagari ka Gatengure mu murenge wa Tabagwe saa Kumi n’imwe za mu gitondo.Inkuru irambuye  

KAMONYI: Babiri bafatanywe ibihumbi 380Frw bacyekwaho kwiba

Polisi y’u Rwanda ku bufatanye n’izindi nzego z’umutekano mu Karere ka Kamonyi, yafatanye abasore babiri igikapu kirimo  ibihumbi 380Frw bacyekwaho kwiba umuturage.

Uko ari babiri, umwe w'imyaka 28 y'amavuko na mugenzi we w'imyaka 23, bafatiwe mu mudugudu wa Rugobagoba, akagari ka Kigembe mu murenge  wa Gacurabwenge, kuri iki icyumweru tariki 17 Nzeri, ahagana ku isaha ya saa kumi za mu gitondo. Inkuru irambuye