Kinyarwanda
English
Shampiyona y’Umukino w’intoki (Handball) mu Rwanda y’uyu mwaka wa 2017 yatangiye ku cyumweru tariki 15 Mutarama; umukino wabimburiye iyindi ukaba warahuje Polisi y’u Rwanda na Kaminuza y’u Rwanda- Ishami ry’Uburezi.
Uwo mukino wabereye muri iri Shami ry’uburezi riri i Remera warangiye Ikipe ya Polisi y’u Rwanda itsinze iya Kaminuza y’u Rwanda- Ishami ry’Uburezi ibitego 54 kuri 24.
Mu gice cya mbere cyonyine, Polisi y’u Rwanda yatsinze iri Shami ibitego 28 ku 9.
Imikino yose yahuje aya makipe yombi muri Shampiyona zitandukanye yatsinzwe na Polisi y’u Rwanda.
Ikipe ya Polisi y’u Rwanda yatwaye Shampiyona enye zikurikiranye; ikaba ifite intego yo kwegukana n’iy’uyu mwaka wa 2017. Itangiranye iyi Shampiyona n’abakinnyi bashya batandatu; uku kongera amaboko bikaba bigamije gutegura iyi Kipe guhatana no gutsinda imikino mpuzamahanga.
