Kinyarwanda
English
U Rwanda na Qatar byashyize umukono ku masezerano y’ubufatanye mu bijyanye no kurwanya ubucuruzi bw’ibiyobyabwenge ndetse n’indi miti igira ingaruka mbi mu mubiri w’umuntu.
Aya masezerano yashyizweho umukono n’Umuyobozi w’ishami rirwanya ibiyobyabwenge muri Minisiteri y’umutekano muri Qatar, Brigadier Ahmed Khalifa al-Kuwari naho ku ruhande rw’u Rwanda rwari ruhagarariwe n’Umuyobozi ushinzwe ishami rya Polisi mpuzamahanga mu Rwanda, ACP Tony Kuramba.
Aya masezerano hagati y’u Rwanda na Qatar yashyiriweho umukono mu nama ya mbere mpuzamahanga ku kurwanya ibiyobyabwenge yateguwe n’igihugu cya Qatar, yatangiye imirimo yayo kuwa mbere mu mujyi wa Doha.
Polisi y’u Rwanda imaze igihe yarahagurukiye kurwanya icuruzwa ry’ibiyobyabwenge dore ko n’abagiye bagerageza kubinyuza ku butaka bw’u Rwanda babijyana mu bindi bihugu batawe muri yombi, hamwe na bamwe babicururiza mu gihugu imbere bakaba barafashwe.
