Kinyarwanda
English
Polisi y’u Rwanda (RNP) na Polisi ya Koreya y’Epfo (KNPA), kuri uyu wa Kane tariki ya 20 Kanama 2026, Inzego zombi, zashyize umukono ku masezerano y’imikoranire (MoU) agamije guteza imbere ubufatanye mu bikorwa bitandukanye.
Ni amasezerano yashyiriweho umukono mu murwa mukuru i Seoul, muri Repubulika ya Koreya y’Epfo, n’abayobozi bakuru ba Polisi zombi; CG Felix Namuhoranye ku ruhande rwa Polisi y'u Rwanda na Commissioner General YOO Jae-Sung, ku ruhande rwa Polisi ya Koreya y’Epfo.
Umuhango wo gusinya aya masezerano wanitabiriwe n’Ambasaderi w’u Rwanda muri Repubulika ya Koreya y’Epfo, Nkubito Manzi Bakuramutsa.
Aya masezerano akubiyemo ubufatanye bw’inzego zombi za Polisi mu bijyanye no kurwanya ibyaha byambukiranya imipaka bikorwa n’imitwe y’abagizi ba nabi, gusangira amakuru n’ubumenyingiro, amahugurwa ndetse n’izindi gahunda zo kongerera ubushobozi Polisi, hagamijwe kurushaho guteza imbere ubushobozi bw’inzego za Polisi z’ibihugu byombi.
