Kinyarwanda
English
Abanyarwanda bahagurukiye kurwanya ihohoterwa rishingiye ku gitsina ndetse n’irikorerwa abana kuko byagaragaye ko ari bimwe mubyaha bikunze gukorwa muri rubanda.
Kuri uyu wa mbere taliki ya 25 kanama 20014 nibwo Minisitiri Oda Gasinzigwa yayoboye umuhango wo gufungura ku mugaragaro gahunda yo kurwanya ihohoterwa rishingiye kugitsinda ndetse n’ihohoterwa rikorerwa abana uwo muhango ukaba wabereye mu karere ka Musanze. ukaba wari wanitabiriwe na minisitiri w’ubutegetsi bw’igihugu Francis Kaboneka, Prosecutor General Richard Muhumuza,abanyeshuri ndetse n’abaturage ba Musanze.
Iyi gahunda ikaba yarateguwe na polisi y’u Rwanda mu bufatanye na minisiteri y’umuryango n’iterambere ry’abari n’abategarugori,minisiteri y’ubuzima na minisiteri y’ubutabera.
Intego izo minisiteri zihaye ikaba igira iti”twese hamwe turwanye ihohoterwa rishingiye kugitsinda ndetse n’irikorerwa abana”.
Minisitiri Gasinzigwa yagize ati “birahagije ,birahagije mureke tuvuge,kandi turangwe n’ibikorwa byo kurwanya ihohoterwa rishingiye kugitsina n’irikorerwa abana”yongeyemo kadi agira ati” Polisi yateye intambwe ya mbere mukurwanya ihohoterwa rishingiye kugitsina ndetse n’irikorerwa abana ariko kugirango iki gikorwa kizagende neza biri mu mahoko no mu mitima yacu twese aho twese tugomba guhagurukira rimwe tukirinda ndetse tukarirwanya n’umuntu wese warishyigikira ".
yavuzer kandi ko leta y’u Rwanda yafashe ingamba zo kurwanya ihohoterwa rishingiye kugitsina harimo no kuba yarashyizeho ikigo cya insange one stop center mugihugu hose.
Ubu hakaba hamaze kwakirwa ibirego 700 kuva aho iki kigo kigiriyeho
Mu 2012 kikaba cyarahawe igihembo ku rwego mpuzamahanga kubera kurwanya ihohoterwa rishingiye kugitsina( United Nations Public Service Award)
Minister Gasinzigwa yashimiye urubyiruko n’imiryango y’abakoranabushake kubera intambwe bateye mukurwanya ihohoterwa rishingiye kugitsina iki kigo kikaba kimaze kugira abanyamuryango barenga 7000 kikaba gifasha imiryango itishoboye gitanga ubwisungane mu kwivuza,amatungo ndetse kikaba gifite na gahunda mu mashuri yo kwigisha gukumira ibyaha,kwirinda ibiyobyabwenge, ruswa ,ihohoterwa rikorerwa mungo n’ibindi.
Minisitiri yakanguriye abanyarwanda bose bafatanyije na polisi kurwanya icuruzwa ry’abantu kandi bakarinda abana ibisindisha.
Umuyobozi mukuru wa polisi Emmanuel K. Gasana yavuze ko mu Rwanda hari umutekano ndetse n’iterambere bityo tukaba tudakwiye kurangwa n’ibikorwa by’ihohotera rishingiye kugitsina ndetse n’irikorerwa abana aha yavuze ko mu 2012 hakiriwe ibirego 1682 naho mu 2013 hakirwa 1445 byo gusanmbanya abana n’ibirego 244 na 281 muri iri iriya myaka twavuze haruguru.
