Kinyarwanda
English
Kuri uyu wa Gatandatu tariki ya 2 Ugushyingo, Umuvugizi wa Polisi y'u Rwanda, Assistant Commissioner of Police (ACP) Boniface Rutikanga yagiranye ikiganiro n’abanyamakuru bakorera mu Ntara y’Iburengerazuba.
Ni ikiganiro cyagarutse ku ishusho y'uko umutekano wifashe no gukomeza imikoranire mu bijyanye no gukumira no kurwanya ibyaha.
ACP Rutikanga yasabye abanyamakuru gufatanya na Polisi mu kurwanya ibyaha no gusigasira ituze rya rubanda mu gihe batangaza amakuru.
Yagize ati: "Polisi yuzuzanya n'abanyamakuru mu kubaka umuryango utekanye kandi ufite iterambere kandi ibyo bigerwaho mu gihe abaturage bagezwaho amakuru y'ukuri azira ibihuha kandi agaragaza ubutumwa bw'impande zombi zirebwa nayo."
Yakanguriye abanyamakuru gushyigikira ibikorwa bigamije kurwanya magendu, ubucuruzi bw'ibiyobyabwenge, kurwanya ubusinzi mu rubyiruko (Tunywe Less), ubukangurambaga bwa Gerayo Amahoro n'ibindi bikorwa bijyanye n'umutekano n'iterambere ry'ubukungu bw'igihugu.
Ku bijyanye n'ubunyamwuga bwa Polisi na disipuline, ACP Rutikanga yavuze ko Polisi y'u Rwanda itajya yihanganira abapolisi bitwara nabi kandi ko abagiye bagaragaza imyitwarire mibi mu kazi babibazwa mu rwego rwa disipuline abakoze ibyaha bagakurikiranwamu butabera kuko nta muntu n'umwe uri hejuru y'amategeko.
