POLISI Y'U RWANDA

Irushanwa ry’igikombe cyo Kwibohora mu mukino w’intoki wa Volleyball ryaberaga kuri Petit Stade Amahoro i Remera, nyuma yo kuyivugurura, kuva ku wa Gatanu, ryasojwe kuri iki Cyumweru tariki ya 28 Nyakanga, ikipe ya Polisi y’u Rwanda muri uyu mukino mu cyiciro cy’abagore (Police WVC) ari yo yegukanye igikombe.

Ikipe ya Police WVC ku mukino wa nyuma wayihesheje igikombe yatsinze APR WVC amaseti 3-1; aho iseti ya mbere yarangiye ku manota 27-25 n’iseti ya kabiri ku manota 25-13. Yaje kwishyurwa iseti imwe ifite amanota 16 kuri 25 ya APR, hanyuma iza gushyira akadomo ku mukino itsinda iseti ya nyuma n’amanota 25-20.