POLISI Y'U RWANDA

Ku munsi wa 14 wa Shampiyona, Ikipe y’umukino w’intoki ya Polisi y’u Rwanda (Police Handball Club) yakinnye na  Ecole Secondaire Urumuri.

Uwo mukino wabereye mu karere ka Gicumbi ku cyumweru  tariki  25 Nzeri. Warangiye Police Handball Club itsinze ES Urumuri  ibitego 57 kuri 12.

Iyi ntsinzi yatumye Police Handball Club iguma ku mwanya wa mbere muri Shampiyona n’amanota 42 kuri 42 nyuma yo gutsinda imikino 14 yikurikiranya.

Umutoza wa Police Handball Club wungirije, Sergeant Alphonse Rudahemuka yavuze ko yizeye gutsinda imikino ine isigaye.

Muri ibyo bitego 42, harimo 11  byatsinzwe na  Haruna Bizimana n’10 bya Kapiteni wayo (Police Handball Club), Gilbert Mutuyimana.

Sgt Rudahemuka yagize ati:"Intsinzi twayigize intego.Twiteguye gutsinda imikino ine isigaye. "

Yashimye abakinnyi, kandi abasaba kurangwa n’ishyaka mu mikino isigaye.