Kinyarwanda
English
Ikipe ya Polisi y'u Rwanda y'umukino w'intoki wa Handball yabigezeho nyuma y'umukino wabaye kuri iki cyumweru tariki ya 10 Nyakanga, wabereye mu Karere ka Gicumbi, aho yatsinze Gicumbi Hand ball club amanota 41 kuri 35.
Biteganyijwe ko hagomba gukinwa imikino itatu hagati y'aya makipe ngo hamenyekane ikipe itwara igikombe cya shampiyona ya Hand ball. Police Hand ball club igitwaye kikaba ari igikombe cya munani izaba itwaye.
Ikipe ya Police Handball irashaka kwisubiza igikombe kuko ari yo ifite igiheruka yatwaye mu mwaka wa 2019 kuko ari nabwo iyi shampiyona iheruka gukinwa mbere yo guhagarara bitewe n'icyorezo cya Covid-19.
Imikino ya nyuma 2 isigaye izahuza Police Hand ball club na Gicumbi Hand ball club izabera mu mujyi wa Kigali mu kigo cy'urubyiruko cya Kimisagara.
Umukino wa kabiri uteganyijwe kuba ku cyumweru tariki ya 17 Nyakanga, Polisi Hand ball Club iwutsinze izahita ihabwa igikombe cya shampiyona ya Hand ball 2022, kuko nta mpamvu yo gukina umukino wa gatatu uteganijwe kuba tariki ya 22 Nyakanga.
