Kinyarwanda
English
Mu mukino wa shampiyona y’umupira w’amaguru mu Rwanda, Police FC yitwaye neza ku munsi wa munani w’iyo shampiyona maze itsindira ikipe ya Mukura ku kibuga cyayo cya Sitade ya Kamena ibitego bibiri ku busa. Umukino ntiwari woroshye kuko ikipe ya Mukura Victory Sports ariyo yabanje gufungura amazamu mu gice cya mbere ku gitego cyatsinzwe na rutahizamu wayo Ndahimana Claude bakunze kwita Papa Claude.
Igice cya mbere cyaje kurangira gutyo ari igitego kimwe cya Mukura VS ku busa bwa Police FC.
Mu gice cya kabiri Police FC yahinduye umukino ndetse ibasha kwishyura igitego yari yatsinzwe, kikaba cyaritsinzwe na myugariro wa Mukura VS Ntakirutimana Claude ku munota wa 87 w’umukino w’igice cya kabiri.
Ibintu byaje gukomerana Mukura VS kuko yaje gutsindwa igitego umukino uri hafi kurangira ku munota wa 91 gitsinzwe na rutahizamu wa Police FC Sebanani Emmanuel bita Crespo.
Umukino waje kurangira gutyo ari ibitego bibiri bya police FC kuri kimwe cya Mukura VS.
Kugeza ubu , Police FC iza ku mwanya wa karindwi muri shampiyona y’umupira w’amaguru mu Rwanda n’amanota 14 naho ku mwanya wa mbere hakaba hari AS Kigali n’amanota 21. Ku munsi wa cyenda wa shampiyona Police FC izakina kuwa kabiri tariki ya 12 Ugushyingo na Kiyovu FC umukino ukazabera kuri Sitade ya Mumena i Nyamirambo mu karere ka Nyarugenge.
Dore uko indi mikino yagenze muri shampiyona y’ u Rwanda mu mupira w’amaguru ku munsi wa munani.
APR –RayonSports1-0
Kiyovu Sports- Muhanga SC 2-0
Gicumbi – Etincelles 2-0
ASKigali – Esperance2-0
Espoir – Amagaju 1-0
Marines – Musanze 0-2
