Kinyarwanda
English
Ku munsi wa kane wa shampiyona Police FC yatsinze Gicumbi ibitego bibiri ku busa, umukino wabaye kuri uyu wa gatanu taliki ya 4Ugushyingo, kuri Stade ya Kicukiro .
Ni umukino waranzwe n'ishyaka ryinshi ku ruhande rwa Police FC yatangiye
isatira cyane , aho nyuma y'iminota 12 gusa Danny Usengimana yafunguye amazamu , iki cyabaye igitego cya gatatu atsinze muri shampiyona.
Police FC yakomeje kotsa igitutu ikipe ya Gicumbi ku buryo ku munota wa 38, Mico Justin aherejwe na Jean Paul Uwihoreye, yatsinze igitego cya kabiri ,bakaba bagiye kuruhuka ku bitego 2-0.
Mu gice cya kabiri Gicumbi yagerageje gushaka uko yagombora ariko ba myugariro ba Police FC bahagarara neza, umukino urangira ku ntsinzi ya Police FC .
Uyu ukaba ubaye umukino wa gatatu Police FC itsinze yikurikiranya aho igize amanota 9 kuri 12.
Nyuma y'umukino, umutoza wa Police FC, Innocent Seninga yavuze ko ari intambwe ikomeye ikipe iteye kandi yizeyeko bizakomeza.
Yagize ati:"Ibi birerekana uburyo aba basore bafite ishyaka kandi bashoboye kwishakamo intsinzi , bizadufasha mu bihe bizaza ndizera ko no ku mukino utaha imbere ya Mukura bazitwara neza"
Umunsi wa kane wa shampiyona imikino izakomeza aho kuwa gatandatu amakipe akurikira azahura:
Mukura VS vs SC Kiyovu (Huye, 15:30)
Kirehe Fc vs Etincelles Fc (Kirehe, 15:30)
Musanze Fc vs APR Fc (Nyakinama, 15:30)
Espoir Fc vs Amagaju Fc (Rusizi, 15:30)
Marines Fc vs Rayon Sports (Umuganda, 15:30)
AS Kigali vs Bugesera Fc (Stade de Kigali, 15:30)
Naho ku cyumweru Pepiniere Fc yakire Sunrise FC ku Ruyenzi
