Kinyarwanda
English
Kuri uyu wa Kabiri tariki ya 21 Nzeri mu Karere ka Nyanza mu Murenge wa Busasamana habereye igikorwa cyo gutwika ibiyobyabwenge byafashwe na Polisi. Hatwitswe ibiro 43 by?urumogi, udupfunyika twarwo 8,778 na Litiro 329 za kanyanga, ibi biyobyabwenge byafashwe mu gihe kingana n?umwaka.
Igikorwa cyo gutwika ibi biyobyabwenge cyari gihagarariwe n?inzego zitandukanye z?umutekano n?iz?ubutabera. Ibi biyobyabwenge byafashwe mu bihe bitandukanye kuva mu mwaka wa 2020 muri Kanama kugeza mu mwaka wa 2021 Kanama. Byafatiwe mu mirenge ya Busasamana, Muyira, Cyabakamyi, Nyagisozi na Ntyazo.
Umuvugizi wa Polisi y?u Rwanda mu Ntara y?Amajyepfo, Superintendent of Police (SP) Theobald Kanamugire yashimiye abaturage bagize uruhare mu gutuma biriya biyobyabwenge bifatwa anongera kubakangurira kwirinda ibiyobyabwenge mu buryo bwose.
Yagize ati? Abaturage tubasobanurira ko ibiyobyabwenge biri mu bihungabanya umutekano w?Igihugu ndetse bikangiza ubuzima tukabasaba kubyirinda. Usibye n?ibyo, kwijandika mu biyobyabwenge ni icyaha gihanwa n?amategeko bityo ubifatiwemo arafungwa umuryango yitagaho ukamubura ndetse ntagire icyo afasha Igihugu mu iterambere.?
SP Kanamugire yongeye gukangurira abaturage kujya batanga amakuru y?aho babonye ibiyobyabwenge cyangwa abo bacyekaho kubikoresha.
Mu gikorwa cyo gutwika ibi biyobyabwenge hari Uwumukiza Eugene intumwa y?umushinjacyaha mukuru. Mu ijambo rye yavuze ko biriya biyobyabwenge byose byakorewe amadosiye 85, abantu 83 bo muri ayo madosiye bahamwe n?ibyaha ndetse inkiko zibakatira ibihano bitandukanye.
Uwumukiza yibukije abaturage ko amategeko y?u Rwanda yakajije ibihano ku byaha byo kwijandika mu biyobyabwenge abasaba kubyirinda.
Yagize ati? Mu rwego rwo kurwanya ibiyobyabwenge hashyizweho ibihano biremereye ku muntu wese uhamijwe n?icyaha kijyanye n?ibiyobyabwenge, muri ibyo bihano harimo no gufungwa burundu. Ariko igihe cyose ufunzwe burya uhomba byinshi, umuryango wawe urakubura kandi ari wowe wari uwubeshejeho.?
Abaturage bakanguriwe gushaka indi mirimo bakora yemewe n?amategteko bakareka ibikorwa bijyanye n?ibiyobyabwenge kuko nta mahirwe bazabigiriramo.
Iteka rya minisitiri n? 001/moh/2019 ryo ku wa 04/03/2019 rigena urutonde rw?ibiyobyabwenge n?ibyiciro byabyo rishyira ikiyobyabwenge cy?urumogi mu biyobyabwenge bihambaye.
Itegeko n?68/2018 ryo ku wa 30/08/2018 riteganya ibyaha n?ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw?imiti ikoreshwa nka byo mu buryo bunyuranije n?amategeko, aba akoze icyaha. Iyo abihamijwe n?urukiko ahanishwa igifungo cya burundu n?ihazabu y?amafaranga y?u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.
Ingingo ya 5 y?Iteka rya Minisitiri N?001/MoH/2019 ryo ku wa 04/03/2019 rigena urutonde rw?ibiyobyabwenge n?ibyiciro byabyo rishyira inzoga zikozwe mu buryo budakurikije ibisabwa n?amabwiriza y?ubuziranenge n?andi mategeko mu biyobyabwenge byoroheje.
Itegeko n?68/2018 ryo ku wa 30/08/2018 riteganya ibyaha n?ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw?imiti ikoreshwa nka byo mu buryo bunyuranije n?amategeko, aba akoze icyaha. Iyo abihamijwe n?urukiko ahanishwa igifungo kitari munsi y?imyaka irindwi (7) ariko kitarenze imyaka icumi (10) n?ihazabu y?amafaranga y?u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.
