POLISI Y'U RWANDA

Abakora umurimo wo gutwara abagenzi ku magare mu Karere ka Karongi bazwi ku izina ry?abanyonzi, basabwe kwirinda imyitwatrire itemewe ibashora mu byaha ahubwo bagakorana n?inzego z?umutekano mu kubikumira no guhangana na byo.

Ibi babisabwe kuri uyu wa Gatatu, tariki ya 2 Ugushyingo, n?Umuyobozi wa Polisi muri ako Karere (DPC), Superintendent (SP) Roger Muhodari, mu biganiro bagiranye  mu Murenge wa Bwishyura, Akagari ka Kiniha mu Mudugudu wa Maryohe.

Ni nyuma y?igikorwa cyabereye mu ruhame cyo kwangiza ibicuruzwa bitemewe n?ibitujuje ubuziranenge bitandukanye byafatiwe mu Karere ka Karongi mu mukwabu wahawe inyito ya Usalama VIII-2022 wakozwe muri Nzeri, uyu mwaka.

Ibicuruzwa byangijwe birimo litiro 1500 z'imitobe itujuje ubuziranenge, ibilo 300 by'ibiryo by'amatungo, ibisuguti, amavuta y?umusatsi n'ibinyobwa bidasembuye.

Ibyinshi mu bicuruzwa bya magendu n?ibitujuje ubuziranenge byagiye byinjizwa mu Rwanda, bigakwirakwizwa ahantu hatandukanye n?abatwara amagare.

Mu gihugu hose hafatiwe ibicuruzwa bifite agaciro ka miliyoni zisaga 76 Frw mu bikorwa bihuriweho na Polisi y'u Rwanda, Urwego rw?Igihugu rushinzwe Ubugenzacyaha (RIB), Ikigo cy?igihugu gishinzwe kugenzura ibiribwa n'imiti (RFDA) n'izindi nzego.

INKURU BIFITANYE ISANO: Hafashwe ibicuruzwa bitujuje ubuziranenge bifite agaciro k?arenga Miliyoni 76Frw

SP Muhodari yasabye abatwara amagare kwirinda kwifatanya n?abakora ubucuruzi bwa magendu n'abacuruza ibiyobyabwenge, abashishikariza kujya batanga amakuru igihe hari abagerageje kubaha akazi ko gutwara ibicuruzwa bitemewe.

DPC yongeye kubibutsa kugenda neza mu muhanda, bubahiriza amategeko kugira ngo birinde gukora cyangwa guteza impanuka.

Abatwara amagare ni bamwe mu bakoresha umuhanda bakunze kwibasirwa n?impanuka zo mu muhanda.