POLISI Y'U RWANDA

Ishuri Rikuru rya Polisi y’u Rwanda (National Police College), ku itariki 13 z’uku Kwezi ryateguye ku nshuro ya kane Inama nyunguranabitekerezo ku Mahoro, Umutekano n’Ubutabera. Mu bayitabiriye harimo Abofisiye bakuru ba Polisi baturuka mu bihugu byo muri aka karere baryigamo ibijyanye n’inshingano zabo nk’Abayobozi.

Iyo nama nyunguranabitekerezo y’umunsi umwe yabereye ku Cyicaro Gikuru cya Polisi y’u Rwanda ku Kacyiru. Yari ifite Insanganyamatsiko igira iti:"Umutekano mu guteza imbere imiyoborere myiza; inkingi ya mwamba y’iterambere rirambye."

Mu batanze ibiganiro muri iyo nama harimo Impuguke mu nzego n’ibyiciro bitandukanye zirimo Abarimu muri Kaminuza zo muri aka karere no hanze yako n’Abayobozi mu nzego zitandukanye baturuka mu bihugu byo muri aka karere bafite ubunararibonye mu Mutekano, Amahoro n’Ubutabera.