Kinyarwanda
English
Kuri uyu wa kane tariki ya 26 Nyakanga, abapolisi 170 basoje amasomo atandukanye bahererwaga mu Ishuri rikuru rya Polisi (National Police College -NPC) riri mu karere ka Musanze mu Ntara y’Amajyaruguru.
Muri aba 178 barangije, 30 muri bo bari bagize icyiciro cya 6 cy'amasomo yo ku rwego rwo hejuru y' ubuyobozi mu bya gipolisi yahabwaga abapolisi bakuru barimo 20 bo muri Polisi y’u Rwanda, batatu bo mu rwego rw’Igihugu rw’Imfungwa n’Abagororwa (RCS), n’abandi 10 baturutse mu bihugu byo muri Afurika. Aba bose banahawe impamyabumenyi y'icyiciro cya gatatu cya kaminuza mu gukumira amakimbirane no kwimakaza umuco w’amahoro.
Abandi barangije amasomo yabo kuri uyu munsi ni abanyeshuri 148 basoje amasomo y’icyiciro cya kabiri cya kaminuza, aho 33 bahawe impamyabushobozi mu bijyanye n’igipolisi cy’umwuga, 43 bahabwa impamyabushobozi y'icyiciro cya kabiri cya Kaminuza mu mategeko, 35 bahabwa impamyabushobozi mu ikoranabuhanga n’umutekano, naho 37 bahawe iyo mpamyabushobozi muri Siyansi yo gushakisha ibimenyetso.
