Kinyarwanda
English
Kigali: Polisi yagaragaje abakurikiranweho gukora ibyaha biyitirira inzego z’umutekano
Abagabo 5 nibo beretswe itangazamakuru kuri uyu wa Kabiri tariki ya 13 Ukwakira, ni igikorwa cyabereye ku cyicaro cya Polisi yo Mujyi wa Kigali i Remera. Bakurikiranweho gukora ibyaha birimo uburiganya, kwiyitirira icyo batari cyo, gushimuta no gufunga umuntu mu buryo bunyuranyije n'amategeko byose babikora biyitirira inzego z’umutekano n’izindi nzego za Leta.Inkuru irambuye
Polisi iraburira abahindura ahandikwa ibirango by’ibinyabiziga
Kuri uyu wa Kabiri tariki ya 13 Ukwakira Polisi yerekanye Moto 8 ndetse n’abamotari bazo, Izi moto zari zarahinduwe ku buryo bitakoroha kumenya imibare igize ibirango byazo (Pulake) mu gihe hari amakosa cyangwa ibyaha zikoze. Ubusanzwe ibirango bya Moto (Plate number) inyuguti n’imibare biba byandikishije ibara ry’umutuku byanditse ku buso bw’ibara ry’umuhondo. Inkuru irambuye
Musanze: Polisi yasanze abapadiri basomera misa abakirisitu batubahirije amabwiriza yo kurwanya COVID-19
Kuri iki cyumweru tariki ya 11 Ukwakira nibwo Polisi ikorera mu ntara y'Amajyaruguru yakoze igikorwa cyo kugenzura ko amadini n'amatorero bikorera muri iyi ntara byubahiriza amabwiriza yo kwirinda ikwirakwira rya COVID-19 mu gihe bari mu mihango y'amasengesho. Iki gikorwa cyabereye mu turere twose twegereye umujyi wa Musanze.Inkuru irambuye
Rubavu: Batatu bafatanwe udupfunyika 1801 tw’urumogi bacuruzaga mu baturage
Kuri uyu wa Gatandatu tariki ya 10 Ukwakira ishami rya Polisi rishinzwe kurwanya ibiyobyabwenge (ANU) ryafashe abantu 3 bakwirakwizaga urumogi mu baturage. Abafashwe ni Niyonzima Fidele w’imyaka 25 yafatanwe udupfunyika 301 abandi Niragire Console w’imyaka 31 na Ntagisanimana Liliane w’imyaka 30, aba bombi bakoranaga, bafatanwe udupfunyika tw’urumogi 1500. Aba bantu bose bafatiwe mu Kagari kamwe ka Terimbere mu Murenge wa Nyundo mu Karere ka Rubavu. Inkuru irambuye
Gatsibo: Polisi yafashe uwakoraga inzoga zitujuje ubuziranenge
Kuri uyu wa Kabiri tariki ya 12 Ukwakira Polisi ikorera mu karere ka Gatsibo mu Murenge wa Rugarama yafashe umuturage witwa Habimana Jean Damascene w’imyaka 40 wakoraga inzoga zitujuje ubuziranenge. Abapolisi basanze yari afite igisa nk’uruganda akora ikinyobwa kitwa Akeza k’ibimera. Inkuru irambuye
Rusizi: Polisi yafashe ibizingo by'insinga z'amashanyarazi n'inzoga byinjizwaga mu gihugu mu buryo bwa magendu
Polisi ikorera mu Karere ka Rusizi yafashe ibinzigo 250 by'insinga z'amashanyarazi n'amakarito 3 y'inzoga za likeri (liquor) byinjizwaga mu Rwanda mu buryo bwa magendu bivanywe mu gihugu cya Repubulika iharanira demokarasi ya Congo (DRC). Ibi bicuruzwa byafashwe kuri iki Cyumweru tariki ya 11 Ukwakira, bifatirwa mu Kagari ka Gahinga mu Murenge wa Mururu. Insinga z'amashanyarazi zari zahishwe mu mifuka irindwi ndetse n'izo nzoga za likeri (Liquor). Inkuru irambuye
