POLISI Y'U RWANDA

Intara y'i Burasirazuba: Itangazamakuru ryaganiriye n’Ubuyobozi bwayo na Polisi ku bufatanye mu iterambere no gukumira ibyaha

Ku itariki 8 z’uku Kwezi, Abanyamakuru b’Ibitangazamakuru bakorera mu Ntara y’i Burasirazuba baganiriye n’Ubuyobozi bwayo na Polisi y’u Rwanda ku bufatanye mu  gukangurira umuryango nyarwanda kwirinda ibyaha.

Icyo kiganiro nyunguranabitekerezo ku mikoranire  y'izo nzego cyayobowe n'Umuyobozi w'iyi Ntara, Judith Kazayire. Cyabereye ku Biro by'iyi Ntara  biri mu karere ka Rwamagana.

Mu bakitabiriye harimo Umuvugizi wa Polisi y’u Rwanda,  Assistant Commissioner of Police (ACP) Theos Badege, Umunyamabanga  Nshingwabikorwa w’Urwego rw'Abanyamakuru bigenzura (RMC) Emmanuel Mugisha, Kajangana Jean Aimé wari uhagarariye Urwego rw'Umuvunyi, Jean Bosco  Rushingabigwi uturuka mu Ishyirahamwe ry’uturere n’Umujyi wa Kigali (RALGA), n'Umuyobozi wa Polisi muri iyi Ntara, ACP Dismas Rutaganira. Soma inkuru irambuye

Uruhare rwanyu rurakenewe mu kubungabunga umutekano nk’inkingi y’iterambere- Guverineri Mureshyankwano

Abamotari bo mu karere ka Nyamagabe  bibumbiye mu makoperative COTRANYA, COTAMUNYA na COMUNYA ndetse n’abatwara abantu n’ibintu ku magare bose bagera kuri 400   basabwe gukomeza ubufatanye na Polisi y’u Rwanda n’izindi nzego mu gukumira no kurwanya ibyaha.

Ubu butumwa babuhawe na Guverineri w’Intara y’Amajyepfo, Marie Rose Mureshyankwano ari kumwe n’umuyobozi wa Polisi muri iyi ntara, Assistant Commissioner of Police(ACP) Gilbert Gumira  ndetse n’ubuyobozi bw’akarere ka Nyamagabe, kuri uyu wa kane taliki ya 8 Kamena ku karere ka Nyamagabe. Soma inkuru irambuye

Musanze: Umuyobozi w’Intara y’Amajyaruguru yasabye abayituye gufatanya gukumira iyinjizwa ry’ibiyobyabwenge mu gihugu

Umuyobozi w’Intara y’Amajyaruguru, Musabyimana Jean Claude yasabye abayituye kwirinda kwishora mu biyobyabwenge no  gufatanya kurwanya iyinjizwa ryabyo mu gihugu , icuruzwa n’ikoreshwa ryabyo batangira ku gihe amakuru yerekeye ababikora.

Ubu butumwa yabutanze ku itariki 8 z’uku kwezi mu gikorwa cyabereye mu kagari ka Kigombe, mu murenge wa Muhoza, akarere ka Musanze cyo kwangiza ibiyobyabwenge byahafatiwe mu bihe bishize.

Mu bitabiriye icyo gikorwa harimo Umuyobozi wa Polisi y’u Rwanda muri iyi Ntara, Assistant Commissioner of Police (ACP) Bértin Mutezintare n’Umuyobozi w’akarere ka Musanze wungirije ushinzwe imari n’ubukungu, Ndabereye Augustin. Soma inkuru irambuye

Ibikorwa by’icyumweru cya Polisi: Polisi y’u Rwanda yahaye abaturage 100 ubwisungane mu kwivuza muri Rutsiro

Mu rwego rwo gukomeza icyumweru cyahariwe ibikorwa bya Polisi y’u Rwanda, ku itariki ya 8 Kamena, Polisi y’u Rwanda ikorera mu karere ka Rutsiro ifatanyije n’abaturage bakoze umuganda udasanzwe aho hatunzwe amatafari n'umucanga byo kubaka inyubako ya Sitasiyo ya Polisi ya Kivumu iri mu mudugudu wa Tarafiporo, akagari ka Bunyunju, umurenge wa Kivumu inagenera abaturage 100 ubwisungane mu kwivuza.

Nyuma y’iki gikorwa, Umuyobozi wa Polisi mu ntara y’Uburengerazuba Assistant Commissioner of Police (ACP) Emmanuel Karasi ari kumwe n’umuyobozi w’akarere ka Rutsiro Madame Ayinkamiye Emerance, baganirije abaturage ku kwirinda ibyaha no gutangira ubwisungane mu kwivuza ku gihe. Soma inkuru irambuye

Ibikorwa by’icyumweru cya Polisi: Abanyerondo ry’umwuga muri Kicukiro bigishijwe kurwanya inkongi z’imiriro

Abakora irondo ry’umwuga bagera kuri 405 mu mirenge ya Gikondo, Kigarama na Gatenga yo mu karere ka Kicukiro, bahuriye mu nzu mberabyombi ya Maranatha Church I Gikondo,  bahawe amahugurwa kugukumira no kurwanya inkongi z’imiriro n’ibyaha muri rusange ku italiki ya 8 Kamena, aho basabwe  gutangira amakuru ku gihe ku kintu cyose cyahungabanya umutekano n’ikinyuranyije n’amategeko.

Ibi babyigishijwe n’umuyobozi w’ishami rya Polisi y’u Rwanda rishinzwe kurwanya inkongi z’imiriro n’ubutabazi, Assistant Commissioner of Police(ACP) Jean Baptiste Seminega ari kumwe n’umuvugizi wa Polisi mu Mujyi wa Kigali, Superintendent of Police (SP) Emmanuel Hitayezu n’uwari uhagarariye ubuyobozi bw’umurenge wa Gikondo, Hanyurwimfura Jean de Dieu. Soma inkuru irambuye

[AMAFOTO]: Gasabo: Polisi y’u Rwanda n’abafatanyabikorwa bayo bahaye amazi meza n’amashanyarazi abaturage

Minisitiri w’Ubutabera akaba n’intumwa nkuru ya Leta Johnston Busingye wari n’umushyitsi mukuru mu gutaha ku mugaragaro ibyo bikorwa, yagarutse ku bikorwa byo kwibohora byaranze abanyarwanda mu bihe byashize. Yavuze ko kimwe mu byari bigamijwe harimo no gusezerera burundu imibereho mibi bari bafite icyo gihe yatumaga ubuzima n’imibereho byabo biba bibi bitewe n’ubukene, kutiga, ubujiji, n’ibindi. Yavuze ko ibi bikorwa byiza by’iterambere bitandukanye abaturage bagenda bagezwaho na Polisi y’u Rwanda ndetse n’izindi nzego bifitanye isano n’uko kwibohora. Soma inkuru irambuye

Ishuri rya Polisi rya Gishari ryahaye imiryango 166 amashanyarazi aturuka ku mirasire y’izuba

Mu gihe icyumweru cyahariwe ibikorwa bya Polisi y’u Rwanda gikomeje hirya no hino mu gihugu, ishuri rya Polisi y’u Rwanda riri i Gishari (Police Training School -PTS) rifatanyije n’ishuri ry’imyuga rya Gishari (Gishari Polytechnic - GIP) mu murenge wa Gishari akarere ka Rwamagana, nayo yahaye amashanyarazi aturuka ku mirasire y’izuba imiryango 166 yo muri uwo murenge wa Gishari akagari ka Gati umudugudu wa Agatare.

Uyu muhango wo guha aba baturage amashanyarazi wayobowe na Minisitiri w’Uburezi Dr Musafiri Papias Malimba ari kumwe n’ umuyobozi w’ishuri rya Polisi rya Gishari Commissioner of Police (CP) Vianney Nshimiyimana, akaba yari ahagarariye umuyobozi mukuru wa Polisi y’u Rwanda.

Minisitiri Musafiri mu ijambo rye, yavuze ko guha abaturage amashanyarazi aturuka ku mirasire y’izuba biri muri gahunda yo kwihutisha iterambere. Soma inkuru irambuye

[AMAFOTO]: Ingo 177 zo mu turere twa Rubavu na Nyamasheke zahawe amashanyarazi aturuka ku mirasire y’izuba

Mu gihe icyumweru cyahariwe ibikorwa bya Polisi y’u Rwanda gikomeje hirya no hino mu gihugu, ingo 177 zo mu turere twa Rubavu na Nyamasheke zagejejweho amashanyarazi aturuka ku mirasire y’izuba.

Ubwo bayashyikirizwaga ku mugaragaro kuwa kabiri tariki ya 6 Kamena, abaturage b’uturere twombi basabwe kuyabungabunga neza kandi bakayabyaza umusaruro bityo akabafasha kwiteza imbere.

Mu karere ka Rubavu, uyu muhango wo guha abaturage ayo mashanyarazi wayobowe n’Umuyobozi w’Intara y’I Burengerazuba Munyantwari Alphonse ari kumwe n’Umuyobozi mukuru wa Polisi y’u Rwanda wungirije ushinzwe ubuyobozi n’abakozi DIGP Juvenal Marizamunda. Soma inkuru irambuye

[AMAFOTO]: Gasabo: Abakorera ibikorwa byabo ahagenewe inganda bagejejweho ubutumwa bwo kwirinda inkongi z’umuriro

Minisitiri wo kurwanya ibiza no gucyura impunzi, Madamu Mukantabana Seraphine ubwo yaganiraga n’abo bakozi bo mu nganda n’abandi bahakora akazi gatandukanye, yashimiye Polisi y’u Rwanda kuba yahisemo kujya kuganira n’abakora muri izo nganda agira ati:” inganda ni umutima w’igihugu mu iterambere. Haramutse habayeho kurangara gato, ibi  bikorwa byose byaba umuyonga tukagira igihombo gikomeye. Ni ngombwa rero ko buri wese ukora mu nganda amenya ubukana bw’umuriro bityo hakabaho gufata ingamba zo gukumira ndetse no mu gihe hari ikibaye tukamenya gutabara vuba hakagira ibyo turokora byinshi”. Soma inkuru irambuye