Kinyarwanda
English
Abayobozi mu ishami ry'umuryango w'abibumbye ritsura amajyambere basuye Polisi y’u Rwanda
Kuri uyu wa Gatanu tariki ya 12 Werurwe, Umuyobozi mukuru wa Polisi y’u Rwanda IGP Dan Munyuza yakiriye Maxwell Gomera, Umuyobozi w’Ishami ry’Umuryango w’Abibumbye ritsura Amajyambere mu Rwanda (UNDP) n’umwungirije Madamu Varsha Redkar Palepu. Baganiriye ku mikoranire myiza iri hagati y’uyu muryango na Polisi y’u Rwanda. Inkuru irambuye...
IGP Dan Munyuza yahaye impanuro abapolisi bagiye mu butumwa bw’umuryango w’abibumbye muri Sudani y’Epfo
Mu gitondo cyo kuri uyu wa Kabiri tariki ya 9 Werurwe umuyobozi mukuru wa Polisi y’u Rwanda, IGP Dan Munyuza yahaye impanuro itsinda ry’abapolisi b’u Rwanda bagiye mu butumwa bw’umuryango w’abibumbye bugamije kubungabunga amahoro mu gihugu cya Sudani y’Epfo ahitwa i Malakar. Ni itsinda rigizwe n’abapolisi 240 harimo abagore 45, iri tsinda riyobowe na Chief Superintendent of Police (CSP) Faustin Kalimba. Inkuru irambuye...
Abapolisi b’u Rwanda 240 batangiye gusimburanwa mu butumwa bwo kubungabunga amahoro muri Sudani y’Epfo
Mu gitondo cyo kuri uyu wa Gatatu tariki ya 10 Werurwe abapolisi b’u Rwanda 240 batangiye kujya mu gihugu cya Sudani y’Epfo i Malakal mu butumwa bw’umuryango w’abibumbye bwo kubungabunga amahoro muri icyo gihugu. Ni itsinda riyobowe na Chief Superintendent of Police (CSP) CSP Faustin Kalimba, kubera ibibazo by’icyorezo cya COVID-19 aba bapolisi baragenda mu byiciro aho ikiciro cya mbere hagiye abapolisi 80 bayobowe na Superintendent of Police (SP) Leon Niyomwungeri. Bagiye gusimbura bagenzi babo 240 bagize itsinda riyobowe na Senior Superintendent of Police (SSP) Fabien Musinguzi, aba nabo hakaba habanje kuza abapolisi 80 bayobowe na Superintendent of Police (SP) David Kalimba. Inkuru irambuye...
ACP Muhisoni yibukije abakobwa 20 barimo guhatanira ikamba rya Nyampinga w’u Rwanda 2021 ko nabo bafite inshingano ku mutekano w’Igihugu
Ku gicamunsi cyo kuri uyu wa Gatatu tariki ya 10 Werurwe umuyobozi wungirije mu ishami rya Polisi y'u Rwanda rishinzwe guhuza ibikorwa bya Polisi n'abaturage, Assistant Commissioner of Police (ACP) Rose Muhisoni yasuye abakobwa 20 baherutse gutoranywa ngo bahatanire ikamba rya Nyaminga w’u Rwanda 2021. Ubwo yaganiraga nabo aho bari mu mwiherero muri Hotel la Palisse iherereye mu Karere ka Bugesera mu Murenge wa Nyamata yagaragarije aba bakobwa ko buri muntu wese afite inshingano ku mutekano w’Igihugu kabone niyo yaba umukobwa. Ni mukiganiro cyari gifite insanganyamatsiko igira iti “Uruhare rw'Umwari mu kurinda umutekano we n'uw’abandi.” Inkuru irambuye...
Rubavu: Umunsi umwe abantu 6 bafatiwe mu bikorwa byo gukwirakwiza urumogi mu baturage
Abapolisi bo mu ishami rya Polisi y’u Rwanda rishinzwe kurwanya ibiyobyabwenge(ANU) kuri iki cyumweru tariki ya 7 Werurwe bafashe abantu 6 bacyekwaho gukwirakwiza urumogi mu baturage, bafatiwe mu Karere ka Rubavu mu Murenge wa Gisenyi n’uwa Rubavu. Bariya bantu bose uko ari 6 bafatanwe udupfunyika 2,610 tw’urumogi. Inkuru irambuye...
Rusizi: Polisi yafashe magendu y’insinga z’amashanyarazi ibizingo 258 n’amavuta atemewe mu Rwanda
Ku gicamunsi cyo kuri uyu wa Gatandatu tariki ya 6 Werurwe ahagana saa cyenda z'amanywa nibwo abapolisi bakorera mu ishami rya Polisi rishinzwe kurwanya abanyereza imisoro(RPU) ndetse n’abapolisi basanzwe bakorera mu Karere ka Rusizi mu Murenge wa Giheke bafashe imodoka ebyiri zipakiye insinga za magendu n’amavuta atemewe mu Rwanda yo kwisiga. Bafatiwe mu Karere ka Rusizi, Umurenge wa Giheke, Akagari ka Giheke. Inkuru irambuye...
Ngororero: Abantu babiri bafatanwe magendu y'amabuye y'agaciro ibiro 630
Ku mugoroba wo kuri uyu wa Gatanu tariki ya 12 Werurwe, Polisi y’u Rwanda ikorera mu Karere ka Ngororero mu Murenge wa Ndaro yafashe Murekeyimana Syliver w'imyaka 31 na Ngaboyishema Alex bakunze kwita Padiri w'imyaka 49. Bafatanwe magendu y'amabuye y'agaciro ibiro 630 yo mu bwoko bwa Koluta na Gasegereti, bari bayapakiye mu modoka yo mu bwoko bwa Land Cruiser. Inkuru irambuye...
