Kinyarwanda
English
Abakozi b?ibitaro barenga 210 bahawe amahugurwa yo gukumira no kurwanya inkongi
Kuri uyu wa Gatanu, tariki ya 30 Ukuboza, Polisi y'u Rwanda, ishami rishinzwe kurwanya inkongi n'ubutabazi (Fire and Rescue Brigade) ryasoje amahugurwa yahabwaga abakozi b'ibitaro bitandukanye nyuma yo guhugura abakozi 219 mu gihe cy?iminsi itatu.
Mu bahuguwe muri iki cyumweru barimo abakozi 68 bo mu bitaro bya Gahini mu Karere ka Kayonza bahuguwe Kuwa Gatatu tariki 28 ukuboza, Kuwa kane tariki 29 hahugurwa abakozi 41 bo ku bitaro bya Kirinda mu Karere ka Karongi mu gihe kuri uyu wa Gatanu, hahuguwe abakozi 110 bo ku bitaro bya Kibogora biherereye mu murenge wa Kanjongo mu Karere ka Nyamasheke. Inkuru irambuye...
Imodoka 411 zakorewe isuzuma ry'ubuziranenge mu Karere ka Rusizi
Ku wa Gatandatu tariki 24 Ukuboza, Polisi y'u Rwanda, Ishami rishinzwe kugenzura imiterere y'ibinyabiziga ryasoje serivisi yo gusuzuma ubuziranenge bw?ibinyabiziga yatangirwaga mu Karere ka Rusizi mu gihe cy?iminsi itandatu hifashishijwe imashini yimurwa.
Iyi servisi yakoreraga muri aka Karere kuva kuwa Mbere, mu rwego rwo gufasha ba nyir'ibinyabiziga bahatuye n'abahakorera kuyibona mu buryo buboroheye badakoze ingendo ndende, aho yabashije gukorera imodoka zigera kuri 411. Inkuru irambuye...
MINUSCA: Abapolisi b'u Rwanda bari mu butumwa bw?amahoro batanze ubuvuzi n?ibikoresho by'ubuhinzi ku baturage
Kuri uyu wa Gatanu tariki 30 ukuboza, Itsinda ry?abapolisi b'u Rwanda (RWAFPU2-7) bari mu butumwa bw'umuryango w?Abibumbye bwo kugarura amahoro mu gihugu cya Centrafrique (MINUSCA) bakorera mu Ntara ya Nana Gribizi muri Komini ya Kaga Bandoro, batanze ibikoresho by'ubuhinzi kuri koperative 3 z'abakora umurimo w?ubuhinzi batuye mu nkambi ya Lazaret, igikorwa cyakurikiwe no gutanga ubuvuzi ku buntu ku batuye muri iyo nkambi.
Ibikoresho by'ubuhinzi byatanzwe bigizwe n'ifumbire mvaruganda, ingorofani, ibikoresho byifashishwa mu kuhira imyaka (Arrosoirs), ibyifashishwa mu gutera imiti (Pompes), imiti y'imyaka, amasuka, ibitiyo, imbuto zitandukanye zo gutera, amajerekani n'ibikoresho by'isuku birimo indobo, isabune n?ibindi. Inkuru irambuye...
GICUMBI: Hangijwe ibiyobyabwenge n?inzoga z'inkorano zitujuje ubuziranenge
Kuwa Gatatu tariki ya 28 Ukuboza, Polisi y?u Rwanda ku bufatanye n?izindi nzego z?umutekano, ubuyobozi bw?inzego z?ibanze n'abaturage mu Karere ka Gicumbi hangijwe ku buryo bwabigenewe ibiyobyabwenge bitandukanye n?inzoga z'inkorano zitujuje ubuziranenge zitemewe gucururizwa hano mu Rwanda.
Ibiyobyabwenge byangijwe birimo urumogi ibilo 34, udupfunyika 11,530 n?ibiti byarwo 158, Kanyanga litiro zigera kuri 235, ibilo bine by?ikiyobyabwenge cya Heroine n?inzoga z?inkorano zitujuje ubuziranenge zagiye zifatirwa mu bikorwa bitandukanye. Inkuru irambuye...
BURERA: Polisi yafashe amasashe atemewe arenga ibihumbi 56
Polisi y?u Rwanda ifatanyije n?izindi nzego z?umutekano n?abaturage mu Karere ka Burera, ku Cyumweru tariki 25 Ukuboza, mu bikorwa bitandukanye yafashe amapaki 283 (angana n'amasashe 56,600) yari yinjijwe mu Rwanda n'abantu babiri bayavanye mu gihugu cy'abaturanyi cya Uganda banyuze mu nzira zitemewe.
Hafashwe uwitwa Niyigena Pascal ufite imyaka 22 y'amavuko wafatiwe mu mudugudu wa Bungwe, akagari ka Bungwe mu murenge wa Bungwe afite amasashe 16,400 mu gihe andi masashe angana na 40,200 yafatiwe mu mudugudu wa Kanyenzugi mu kagari ka Nyirataba ko murenge wa Kivuye uwari uyikoreye amaze kuyata ariruka. Inkuru irambuye...
KIREHE: Yafatiwe mu cyuho atwaye magendu y?imyenda ya caguwa
Kuri uyu wa Kabiri tariki 27 Ukuboza, Polisi y?u Rwanda ku bufatanye n?izindi nzego z'umutekano n'abaturage mu Karere ka Kirehe yafashe amabalo atatu n'igice y'imyenda ya caguwa yari yinjijwe mu Rwanda mu buryo bwa magendu ivanywe mu gihugu cy?abaturanyi cya Tanzania.
Uwayifatanywe ni uwitwa Manigena Fran?ois ufite imyaka 25 y?amavuko, ubwo yari amaze kuyambutsa mu bwato mu mudugudu wa Rama mu kagari ka Nyankurazo mu murenge wa Kigarama. Inkuru irambuye...
Polisi yagaruje moto yari yibwe mu Karere ka Nyagatare
Ku wa Kabiri tariki 27 Ukuboza, Polisi y?u Rwanda ifatanyije n?inzego z?ibanze n?abaturage mu karere ka Nyagatare, yafashe abagabo babiri bacyekwaho kwiba moto yo mu bwoko bwa Bajaj Boxer RE 519 D ubwo bari barimo kuyishakira umukiriya.
Abafashwe ni Byiringiro Gilbert na Hasengimana Emmanuel bafatiwe mu mudugudu wa Remera, akagari ka Nyendo mu murenge wa Rwimiyaga nyuma y?uko undi ucyekwaho kwifatanya na bo muri ubwo bujura yari amaze gucika. Inkuru irambuye...
