Kinyarwanda
English
Hasojwe ukwezi kwahariwe ibikorwa bya Polisi byatwaye asaga Miliyari 2Frw
Polisi y'u Rwanda yateye inkunga ibikorwa biteza imbere imibereho myiza y?abaturage bifite agaciro k?asaga miliyari 2 z'amafaranga y'u Rwanda mu gihugu hose, mu kwezi kwahariwe ibikorwa byayo (Police Month) mu rwego rwo kwizihiza isabukuru y?imyaka 22 imaze ishinzwe.
Ni ibikorwa byakozwe Ku bufatanye na Minisiteri y'ubutegetsi bw'igihugu, Minisiteri y'ibidukikije, Ikigo gishinzwe guteza imbere ibikorwa by'iterambere mu nzego z'ibanze (LODA) n'Ikigo cy'igihugu gishinzwe imikurire no kurengera umwana (NCDA) birimo gucanira ingo 7,500 hifashishijwe ingufu zikomoka ku mirasire y?izuba, inzu 65 zubakiwe imiryango itishoboye ndetse n?amarerero 30 y?abana bato (ECD) yubatswe mu turere twose tw?igihugu byashyikirijwe ku mugaragaro abagenerwabikorwa kuri uyu wa Gatanu tariki 16 Ukuboza. Inkuru irambuye...
Abapolisi 30 batangiye amahugurwa yo kubungabunga amahoro
Ku wa mbere, tariki ya 12 Ukuboza, ku cyicaro gikuru cya Polisi y?u Rwanda ku Kacyiru, habereye umuhango wo gutangiza amahugurwa y?ibyumweru bibiri yerekeranye no kurengera abaturage b?abasivili.
Ni amahugurwa yateguwe ku bufatanye n?Ikigo cy?Umuryango w?Abibumbye gishinzwe amahugurwa n?ubushakashatsi (UNITAR) yitabiriwe n?abapolisi 30 batoranyijwe mu mashami ya Polisi atandukanye. Inkuru irambuye...
KIGALI: Hasojwe irushanwa ryo kurwanya ibiyobyabwenge ryahuzaga amashuri mpuzamahanga
Kuri iki Cyumweru tariki ya 11 Ukuboza, hasojwe irushanwa ry?umukino w?intoki wa Basket Ball ryahuzaga amashuri mpuzamahanga muri gahunda y?ubukangurambaga bwo kwigisha abanyeshuri kwirinda no kurwanya ibiyobyabwenge, mu muhango wabereye muri BK Arena mu murenge wa Remera mu Karere ka Gasabo.
Ni ubukangurambaga bwatangijwe na Polisi y?u Rwanda ku itariki 17 Ugushyingo, aho amashuri mpuzamahanga 12 yo mu Mujyi wa Kigali yahuriye mu irushanwa ryo kurwanya ibiyobyabwenge mu bahungu n?abakobwa, aho kuri uyu munsi hakinwe imikino ya nyuma Riviera High School yegukana igikombe mu bahungu naho mu bakobwa cyegukanwa na Wellspring Academy. Inkuru irambuye...
Ibizamini by?impushya zo gutwara ibinyabiziga byatangijwe mu gihugu hose
Ibizamini byo gukorera uruhushya rwo gutwara ibinyabiziga rw?agateganyo n?urwa burundu byatangiye kuri uyu wa Mbere tariki ya 12 Ukuboza, mu Mujyi wa Kigali no mu ntara zose, hasabwa abiyandikishije kwitegura neza kugira ngo umubare w?abatsindwa ibizamini ubashe kugabanuka.
Polisi y'u Rwanda yegereje abaturage serivisi z?ibizamini byo gutwara ibinyabiziga aho ibigo 16 byafunguwe hirya no hino mu gihugu kugira ngo byorohereze umubare munini w'abiyandikishije, nyuma y?uko no kwiyandikisha byafunguwe mu buryo buhoraho. Inkuru irambuye...
GERAYO AMAHORO: Abanyamaguru bakanguriwe gukoresha neza umuhanda hirindwa impanuka
Ubukangurambaga bwa Gerayo amahoro buherutse gusubukurwa mu cyumweru gishize nyuma y'uko bwari bwarahagaritswe n'icyorezo cya Covid-19, kuri uyu wa Kabiri tariki 13 Ukuboza, bwakomeje hirya no hino mu gihugu, hashyirwa mu mihanda imirongo y'ahagenewe kwambukira abagenda n'amaguru izwi nka 'Zebra crossing' aho itari iri, hanasiburwa itakigaragara neza ndetse no kwigisha abanyamaguru uburenganzira bwabo ndetse n'ibyo basabwa mu rwego rwo gukumira impanuka.
Polisi y'u Rwanda ifatanyije n'abafatanyabikorwa bayo bahuriye n'ibyiciro byose by'abakoresha umuhanda barimo abatwara imodoka, amapikipiki n'amagare ndetse n'abanyamaguru mu mihanda itandukanye, bakangurira buri wese gufata ingamba mu rwego rwo gukumira umubare munini w'abanyamaguru bavutswa ubuzima bwabo bitewe n'impanuka zo mu muhanda. Inkuru irambuye...
Polisi yafashe magendu y?imyenda ya caguwa amabalo 11 n?ibilo 195
Polisi y?u Rwanda ku bufatanye n?inzego z?ibanze n?abaturage yafashe imyenda ya caguwa ingana n?amabalo 11 n?ibilo 195 yari yinjijwe mu Rwanda mu buryo bwa magendu ivanywe mu gihugu cy?abaturanyi cya Uganda mu bikorwa byakorewe mu turere twa Burera na Nyagatare ku wa Mbere tariki 12 no ku wa Kabiri tariki 13 Ukuboza.
Hafashwe uwitwa Seminega Gilbert ufite imyaka 50 y?amavuko, wafatiwe mu mudugudu wa Byimana mu kagari ka Rwimiyaga mu murenge wa Rwimiyaga mu Karere ka Nyagatare wari utwaye amabalo 11 mu modoka, mu gihe imifuka ine irimo ibilo 195 yafatiwe mu mudugudu wa Mubaya akagari ka Kayenzi mu murenge wa Kagogo mu Karere ka Burera nyuma y?uko abari bayikoreye bayitaye bakiruka. Inkuru irambuye...
Polisi iraburira abakora uburiganya mu gusuzumisha ubuziranenge bw?ibinyabiziga
Polisi y?u Rwanda iraburira bakora uburiganya mu gusuzumisha ubuziranenge bw?ibinyabiziga batira ibyuma by?imodoka nyuma yo gutsindwa igenzura rya mbere bagamije kubona icyemezo cy?ubuziranenge kuko bishobora kuba intandaro y?impanuka zo mu muhanda zihitana ubuzima bwabo, ubw?abandi bakoresha umuhanda ndetse no kwangiza ibikorwaremezo. Inkuru irambuye...
