Kinyarwanda
English
Kacyiru hasojwe amahugurwa yerekeranye no kurengera ubuzima
Kuri uyu wa Gatatu tariki ya 23 Ugushyingo, ku cyicaro gikuru cya Polisi y?u Rwanda ku Kacyiru, habereye umuhango wo gusoza amahugurwa yari maze iminsi 10 yerekeranye no kurengera ubuzima yitabiriwe n?abagera kuri 45 baturutse mu nzego zitandukanye.
Aya mahugurwa yateguwe ku bufatanye na Carabinieri yo mu Butaliyani, yitabiriwe n?abakora mu nzego zishinzwe kubahiriza amategeko, izishinzwe kurengera ubuzima n?izishinzwe ibirebana no gushyiraho ibipimo bigamije guteza imbere ubucuruzi no kurengera abaguzi, zirimo Polisi y?u Rwanda, Urwego rw?igihugu rw?Ubugenzacyaha (RIB), Laboratwari y'u Rwanda y'Ibimenyetso bya Gihanga byifashishwa mu butabera (RFL), Ikigo cy'Igihugu gishinzwe Ubugenzuzi bw'ubuziranenge, Ihiganwa mu bucuruzi no kurengera abaguzi (RICA), Ikigo cy?igihugu gishinzwe ubuziranenge (RSB), Ikigo gishinzwe ubugenzuzi bw'ibiribwa n'imiti (FDA), Ikigo cy?igihugu gishinzwe ubuhinzi n?ubworozi (RAB), Minisiteri y?Ubuzima, Minisiteri y?ubuhinzi n?ubworozi, Minisiteri y?Ubutabera na Minisiteri y?Ubucuruzi. Inkuru irambuye...
Abakora ubucuruzi basabwe kubahiriza amategeko no kwirinda kunyereza imisoro
Ibi byagarutsweho kuri uyu wa Gatanu tariki ya 25 Ugushyingo, ku cyicaro gikuru cy?ikigo cy'igihugu gishinzwe imisoro n'amahoro (RRA) ubwo haberaga ikiganiro cyahuje abayobozi batandukanye n?abanyamakuru.
Mu bayobozi bitabiriye ikiganiro harimo Batamuriza Hajara, Komiseri w?imisoro y?imbere mu Gihugu, umuvugizi wa Polisi y?u Rwanda; Commissioner of Police (CP) John Bosco Kabera, Mugabe Emmanuel, ushinzwe kurengera inyungu z?umuguzi muri RICA, na Rubegasa Walter uhagarariye urugaga rw?abikorera PSF. Inkuru irambuye...
Polisi y'u Rwanda yegereje serivisi yo gusuzuma ubuziranenge bw'ibinyabiziga abo mu Karere ka Rubavu
Kuva ku wa Mbere tariki 21 Ugushyingo, Polisi y'u Rwanda iregereza serivisi zo gusuzuma ubuziranenge bw'ibinyabiziga abatuye n'abakorera mu Karere ka Rubavu mu rwego rwo kubafasha kubona iyi serivisi mu buryo buboroheye.
Umuvugizi wa Polisi y'u Rwanda, Commissioner of Police (CP) John Bosco Kabera, yavuze ko biri muri gahunda ya Polisi yo kwegereza abaturage serivisi kugira ngo bazibonere hafi badakoze ingendo ndende. Inkuru irambuye...
Polisi iraburira abakoresha uruhushya rwo gutwara ibinyabiziga rw?undi muntu
Polisi y'u Rwanda yatanze umuburo ku batwara ibinyabiziga, bagendera ku ruhushya rwo gutwara ikinyabiziga rutari urwabo.
Ni nyuma y?uko abantu babiri batwara abagenzi kuri moto bazwi nk?abamotari, batawe muri yombi mu bikorwa bitandukanye byakorewe mu Mujyi wa Kigali, bafite uruhushya rwo gutwara ibinyabiziga rwanditse mu mazina y?abandi bantu. Inkuru irambuye...
BUGESERA: Babiri bafatiwe mu cyuho batetse kanyanga
Polisi y?u Rwanda ku bufatanye n?inzego z?ibanze n?abaturage mu Karere ka Bugesera, kuri uyu wa gatatu tariki 23 Ugushyingo, yafashe abantu babiri bari batekeye Kanyanga mu rugo, bafatanwa n?izindi litiro 10 zayo n?ibikoresho bifashishaga mu kuyiteka.
Abafashwe ni Musabyimana Marie Claire ufite imyaka 34 y?amavuko na Mukaririma Donatha w?imyaka 39, bafatiwe mu mudugudu wa Rwimpyisi, mu Kagari ka Rwinume mu murenge wa Juru. Inkuru irambuye...
Abapolisi bari mu mahugurwa y'ubunyamwuga n'ubuyobozi bari mu rugendoshuri
Ba ofisiye 45 bitabiriye icyiciro cya 12 cy'amahugurwa y'ubunyamwuga n'ubuyobozi atangirwa mu ishuri rikuru rya Polisi y'u Rwanda riherereye mu Karere ka Musanze mu gihe cy'amezi atanu, batangiye urugendoshuri rugamije guhuza amasomo bigira mu ishuri na serivisi zitangirwa mu kazi.
Barimo abo muri Polisi y'u Rwanda, abo mu rwego rw'igihugu rw'Ubugenzacyaha (RIB),
Urwego rushinzwe imfungwa n'abagororwa (RCS), n'abo muri Polisi yo muri Malawi (MPS). Inkuru irambuye...
RUBAVU: Imodoka zirenga 100 zakorewe isuzuma ry'ubuziranenge umunsi umwe
Kuri uyu wa Kabiri tariki 22 Ugushyingo, umunsi wa kabiri imashini isuzuma ubuziranenge bw'ibinyabiziga yimurwa itangiye gukorera mu Karere ka Rubavu, iyi serivisi yitabiriwe cyane ugereranyije no ku munsi wa mbere aho imodoka zakorewe isuzuma zavuye kuri 78 zigera ku 117.
Iyi servisi irimo gukorera mu Karere ka Rubavu kuva kuwa Mbere kuzageza ku wa Gatandatu tariki 26 Ugushyingo 2022, mu rwego rwo gufasha ba nyir'ibinyabiziga bo muri aka Karere n'abagaturiye kuyibona mu buryo buboroheye. Inkuru irambuye...
