Kinyarwanda
English
Polisi n'abafatanyabikorwa bayo bunguranye ibitekerezo ku kurwanya ihohotera rishingiye ku gitsina
Mu gitondo cyo kuri uyu wa Kabari tariki ya 28 Nzeri ku cyicaro gikuru cya Polisi y'u Rwanda ku Kacyiru habereye ibiganiro bigamije kurebera hamwe uko harwanywa ihohotera rishingiye ku gitsina. Ni ibiganiro byahuje Polisi y'u Rwanda n'abafatanyabikorwa bayo aribo ishami ry'umuryango w'ibibumbye ryita ku muryango n'iterambere ry'umugore (UN Women), itangazamakuru n' urubyiruko rw'abakorerabushake. Ibi biganiro by'umunsi umwe bifite insanganyamatsiko igira iti "Uruhare rw'itangazamakuru mu gukumira no gutangaza inkuru ku ihohotera rishingiye ku gitsina." Abanyamakuru barenga 100 baturutse mu bitangazamakuru bitandukanye bari bitabiriye ibi biganiro. Inkuru irambuye...
Sudani y'Epfo: Abapolisi bari mu butumwa bwo kubungabunga amahoro bambitswe imidali y'ishimwe
Kuri uyu wa Kabiri tariki ya 28 Nzeri Umuryango w'abibumbye wambitse abapolisi b'u Rwanda bari mu butumwa bwo kubungabunga amahoro mu gihugu cya Sudani y'Epfo imidali y'ishimwe. Abambitswe imidali ni abapolisi b'u Rwanda 158 bagize itsinda ry'abapolisi bari mu butumwa bw 'umuryango w'abibumbye muri iki gihugu cya Sudani y'Epfo(RWAFPU-3) baba mu Mujyi wa Juba kuva muri Ugushyingo 2020 n'abandi bapolisi 23 bihariye(IPOs). Inkuru irambuye...
Kicukiro:Abantu 11 bafatiwe mu buvumo barenze ku mabwiriza yo kurwanya COVID-19
Kuri uyu wa mbere tariki ya 27 Nzeri abantu 11 bafatiwe mu Karere ka Kicukiro barenze ku mabwiriza yo kurwanya COVID-19, bafashwe barimo gusenga binyuranijwe n'amabwiriza yo kurwanya COVID-19.
Ni mu gihe amasengesho agomba kubera mu nsengero zujuje ibisabwa mu rwego rwo kwirinda COVID-19. Inkuru irambuye...
Kigali: Polisi yagaruje amafaranga miliyoni Eshatu yari yibwe umuturage
Abapolisi bo mu ishami rishinzwe kurwanya ubucuruzi bwa magendu n?ibindi byaha (ASOC) kuri uyu wa Gatanu tariki ya Mbere Ukwakira bafashe Nshamihigo Abdul w?imyaka 38 na Iyakaremye Amad w?imyaka 37. Aba bombi baracyekwaho kwiba amafaranga y?u Rwanda Miliyoni Eshatu, bayiba uwitwa Ndayishimiye Bravo Patrick. Inkuru irambuye...
Rubavu: Polisi yerekanye abantu 7 bafatanwe ibicuruzwa bya magendu n?ibitemewe
Kuri uyu wa Gatandatu tariki ya 25 Nzeri Polisi y?u Rwanda yeretse itangazamakuru abantu Barindwi bafashwe bacuruza ibicuruzwa bya magendu n?ibitemewe mu Rwanda. Berekaniwe ku biro bya Polisi mu Ntara y?Iburengerazuba. Aba bantu bafatiwe mu bikorwa byagutse bya Polisi birimo kubera mu gihugu hose bigamije kurwanya ubucuruzi bwa magendu n?ibicuruzwa bitemewe mu Rwanda, ni ibikorwa byatangiye tariki ya 20 Nzeri. Inkuru irambuye...
Musanze: Bamwe mu bacyekwaho kwiba inka bakazihisha mu mazu bafatanwe 6
Polisi y?u Rwanda ikorera mu Karere ka Musanze iraburira abacyekwaho kwiba inka z?abaturage bakajya kuzihisha mu mazu nyuma bakazazibaga. Kuri uyu wa Gatandatu tariki ya 25 na tariki ya 26 Nzeri abantu Barindwi Polisi yabafatanye inka 6. Abafashwe ni Turatsinze w?imyaka 28, Maniraguha Celestin w?imyaka 21, Turikumwenimana w?imyaka 21, Uwizeyimana Francine w?imyaka 24, Uwabareka Charles w?imyaka 34, Mugarukira Samuel w?imyaka 42 na Uwimana Felicien w?imyaka 38. Bafatiwe mu Karere ka Musanze, Umurenge wa Gacaca, mu tugari twa Gakoro na Rwasa mu midugudu ya Nkomero na Sarasi. Inkuru irambuye...
Ubuyobozi bwa Polisi y?u Rwanda bwasuye ikipe ya Police FC aho iri mu mwiherero
Mu gitondo cyo kuri iki Cyumweru tariki ya 26 Nzeri Umuyobozi wa Polisi y?u Rwanda wungirije ushinzwe imiyoborere n?abakozi, DIGP/AP Jeanne Chantal Ujeneza yasuye ikipe ya Police FC aho iri mu mwiherero mu myitozo mu Karere ka Ngoma. Ni uruzinduko rugamije kuba hafi abakinnyi n?abayobozi b?iyi kipe mu rwego rwo gukomeza kwitegura neza amarushanwa ari imbere. Inkuru irambuye...
Kigali: Abantu 25 bafashwe batwaye ibinyabiziga banyoye ibisindisha
Mu bikorwa bya Polisi byabaye mu mihanda itandukanye yo mu Mujyi wa Kigali hagati ya tariki ya 23 na 26 Nzeri nibwo Polisi yafashe bariya bantu 25 batwaye ibinyabiziga banyoye ibisindisha. Bose bari bafite igipimo kirenze 0.8 by'umusemburo wa Alukolo. Inkuru irambuye...
Gicumbi: Abantu 33 bafatiwe mu masengesho barenze ku mabwiriza yo kurwanya COVID-19
Kuri iki cyumweru tariki ya 26 Nzeri na tariki ya 25 ku makuru yatanzwe n?abaturage bo mu Karere ka Gicumbi, Polisi yafashe abantu 33 barimo gusenga barenze ku mabwiriza yo kurwanya ikwirakwira ry?icyorezo cya COVID-19. Bafatiwe mu Murenge wa Kageyo mu tugari twa Nyamiyaga na Kageyo. 27 bafatiwe mu Kagari ka Nyamiyaga abandi 6 bafatiwe mu Kagari ka Kageyo bari mu ishyamba. Inkuru irambuye...
Gasabo: Abantu 59 bafatiwe mu kabari katemerewe gufungura
Kuri iki Cyumweru tariki ya 26 Nzeri Polisi yafashe abantu 59 bari mu kabari kitwa Bonk Bar gaherereye mu Murenge wa Kacyiru mu Karere ka Gasabo. Nyirako yari yagafunguye binyuranijwe n?amabwiriza ajyanye no gufungura utubari muri ibi bihe byo kurwanya icyorezo cya COVID-19. Inkuru irambuye...
Kigali: Polisi yerekanye abateguraga ibikorwa by?iterabwoba mu Mujyi wa Kigali
Ku gicamunsi cyo kuri uyu wa Gatanu tariki ya Mbere Ukwakira Polisi ku cyicaro cyayo cyo mu Mujyi wa Kigali mu Karere ka Gasabo mu Murenge wa Remera yeretse itangazamakuru abantu 13 barimo umugore umwe bafatiwe mu bikorwa byo gutegura ibikorwa by?iterabwoba mu bice bitandukanye by?Umujyi wa Kigali. Bafatanwe bimwe mu bikoresho biturika birimo uruvange rw?ibinyabutabire(Chimie), imisumari bari kuzashyiramo bikayiturikana n?ingufu nyinshi ikajomba abantu. Inkuru irambuye...
Huye: Hatwitswe ibiyobyabwenge by'amoko atandukanye
Kuri uyu wa Gatatu tariki ya 29 Nzeri Polisi ikorera mu Karere ka Huye ku bufatanye n'izindi nzego zo muri aka Karere batwitswe amoko atandukanye y'ibyobyabwenge byafatiwe mu bikorwa bya Polisi. Hatwitswe ibiro 25.5 by'urumogi n'udupfunyika twarwo 806, udupfunyika 14 tw'ikiyobyabwenge cyo mu bwoko bwa Heroyine, hanatwitswe litiro 247,700 za Kanyanga. Igikorwa cyo kubitwika cyabereye mu mu Karere ka Huye, Umurenge wa Ngoma ,mu Kagari ka Butare, mu Mudugudu wa Bukinanyana. Byafashwe mu bihe bitandukanye bifatirwa mu mirenge ya Tumba, Ngoma na Gishamvu, hari hashize umwaka bifashwe. Inkuru irambuye...
