POLISI Y'U RWANDA

Ubukangurambaga bwa Turindane bwakomereje mu Karere ka Musanze hitswa ku bufatanye mu gusigasira umutekano wo mu muhanda

Ku wa Kane tariki ya 27 Ugushyingo, Ubukangurambaga bw'umutekano wo mu muhanda mu isura ya Turindane Tugereyo Amahoro' bwakomereje mu Karere ka Musanze, abakoresha Umuhanda bibutswa gukaza ingamba zo kwirinda no kurinda bagenzi babo basangiye umuhanda amakosa yateza impanuka.

Bwabereye mu Kigo abagenzi bategeramo imodoka (Gare) mu Murenge wa Muhoza, ahari hateraniye ibyiciro byose by'abakoresha umuhanda basaga 1000.  Inkuru Irambuye... 

RUBAVU: Hasojwe amahugurwa yihariye mu gucunga umutekano wo mu mazi

Ku wa Gatanu tariki ya 28 Ugushyingo 2025, mu Karere ka Rubavu habereye umuhango wo gusoza amahugurwa ajyanye no gucunga umutekano wo mu mazi, ku mikoreshereze y’amato, gusaka no gufatira, yari amaze ibyumweru bibiri abera mu Kiyaga cya Kivu. 

Ni amahugurwa, yitabiriwe n’abagera kuri 16 barimo abapolisi 12 n’abasirikare bane bo mu ngabo z’u Rwanda (RDF), yateguwe ku bufatanye n’Ikigo cy’Umuryango w’Abibumbye gishinzwe amahugurwa n’ubushakashatsi (UNITAR), hagamijwe kubongerera ubumenyi n’ubushobozi mu rwego rwo kurushaho kunoza akazi kabo ka buri munsi.  Inkuru Irambuye...  

Abapolisi barenga 170 bo ku rwego rwa ofisiye bari mu mahugurwa bakoze urugendoshuri

Ku wa Kane tariki ya 27 Ugushyingo, abapolisi 177 bo ku rwego rwa ofiisiye bari mu mahugurwa mu Kigo cya Polisi gitangirwamo amahugurwa yo Kurwanya iterabwoba (Counter Terrorism Center-CTTC) giherereye i Mayange mu Karere ka Bugesera, bakoze urugendoshuri rugamije kubafasha guhuza amasomo bigira mu ishuri n'ibikorerwa mu kazi.

Rwitabiriwe n'abapolisi b'u Rwanda 167 n’icumi (10) bakomoka mu gihugu cya Liberia, bose bakurikirana aya mahugurwa y'icyiciro cya mbere, bazamaramo igihe cy'amezi 3, biga ibijyanye n’imiyoborere ya sitasiyo no gukemura amakimbirane.  Inkuru Irambuye...   

KURENGERA IBIDUKIKIJE: Abapolisi bifatanyije n’abaturage mu muganda rusange usoza ukwezi

Ku wa Gatandatu tariki ya 29 Ugushyingo, Polisi y’u Rwanda yifatanyije n’inzego z’ibanze n’abaturage bo mu murenge wa Ndera mu Karere ka Gasabo, mu muganda ngarukakwezi wahariwe gutera ibiti hagamijwe kurwanya isuri no kubungabunga ibidukikije.

Ni umuganda waranzwe no gucukura imyobo no gutera ibiti 10,000 ku gasozi 'Ubwiza bwa Gasogi' kakunze kurangwa no kwibasirwa n'ibiza birimo n’inkangu mu rwego rwo kuzikumira no kubungabunga ibidukikije muri rusange. Inkuru Irambuye...