POLISI Y'U RWANDA

VOLLEYBALL: Amakipe ya Polisi yerekanye abakinnyi bashya

Amakipe ya Polisi y’u Rwanda y’umukino w’intoki wa Volleyball; Police VC na Police WVC yerekanye abakinnyi bashya 5, umutoza n’abagize amakipe yombi 29 bazifashishwa muri uyu mwaka w’imikino wa 2024/2025. 

Umuhango wo kuberekana wabereye ku cyicaro gikuru cya Polisi ku Kacyiru, kuri uyu wa Gatatu tariki ya 16 Ukwakira, ku isaha ya saa Kumi n’imwe z’umugoroba.  Inkuru irambuye... 

KURWANYA UBUJURA: Polisi yafashe abacyekwaho kwiba inka 17 zafatiwe mu Ntara y’Iburasirazuba

Polisi y’u Rwanda yatahuye inka 17 zari zaribwe mu duce dutandukanye two mu Ntara y’Iburasirazuba, hafatwa na bamwe mu bacyekwaho kuziba.

Izi nka zagarujwe ziri muri 25 zibwe hagati y’ukwezi kwa Nyakanga na Nzeri uyu mwaka, mu turere twa Kayonza, Gatsibo na Nyagatare, aho abagera kuri 63 bacyekwaho kuziba bahise batabwa muri yombi.  Inkuru irambuye...

Polisi yafashe batatu bacyekwaho kwiba ibikoresho by’ikoranabuhanga byafatiwe mu iduka

Polisi y’u Rwanda yagaruje ibikoresho by’ikoranabuhanga bitandukanye byari byibwe mu ngo zo mu Mujyi wa Kigali, hafatwa abantu batatu barimo n’umucuruzi bacyekwaho kugira uruhare muri ubwo bujura. 

Ibyafashwe birimo ibyari byibwe mu ijoro ryo ku wa Mbere tariki 14 Ukwakira, mu nzu y’uwitwa Mio Yamada, ufite ubwenegihugu bw’u Buyapani, akaba atuye mu mudugudu wa Mutara, akagari ka Kimihurura, Umurenge wa Kimihurura mu Karere ka Gasabo.  Inkuru irambuye...

Abapolisi b’u Rwanda 180 bari mu butumwa muri Centrafrique bambitswe imidali

Abapolisi b’u Rwanda 180 bari mu butumwa bw’Umuryango w’Abibumbye bwo kubungabunga amahoro muri Repubulika ya Centrafrique (MINUSCA), kuri uyu wa Kabiri tariki ya 15 Ukwakira 2024, bambitswe imidali y’ishimwe ku kazi bakoze kajyanye n’ubutumwa bw’uwo muryango.

Umuhango wo kwambika imidali abo bapolisi bagize itsinda RWAFPU 3-2 rikorera mu mujyi wa Bangassou, wayobowe n’Umuyobozi w’Ishami ry’abapolisi mu gace k’Iburasirazuba, Madamu Abigail Unaeze.  Inkuru irambuye...

Hafashwe imodoka zitwara abagenzi mu buryo bwa rusange binyuranyije n'amategeko

Polisi y'u Rwanda, Ishami rishinzwe umutekano wo mu muhanda (TRS), ryatangiye ibikorwa byo kurwanya abatwara abagenzi mu buryo bwa rusange batabifitiye uruhushya.

Umuvugizi w'Ishami rishinzwe umutekano wo mu muhanda, Superintendent of Police (SP) Emmanuel Kayigi, yavuze ko uyu mukwabu wo watangijwe mu cyumweru gishize ugamije gufata imodoka zose zikoreshwa mu gutwara abagenzi mu buryo rusange cyangwa gutwara abanyeshuri zitabifitiye uruhushya na bisi zikorera mu ntara zitwara abagenzi mu Mujyi wa Kigali.  Inkuru irambuye...