Kinyarwanda
English
CTTC MAYANGE: Abarenga 1600 basoje amahugurwa y’ibanze yihariye mu gucunga umutekano
Umuyobozi Mukuru wa Polisi y'u Rwanda wungirije ushinzwe ibikorwa (DIGP), CP Vincent Sano, ku wa Gatanu tariki ya 24 Mata, yasoje ku mugaragaro icyiciro cya kane cy’amahugurwa y'ibanze y'ibikorwa bya Polisi byihariye mu gucunga umutekano (Basic Police Special Forces course 04/2026).
Ni amahugurwa yari amaze amezi atatu (3), abera mu kigo cya Polisi gitangirwamo amahugurwa yo kurwanya iterabwoba (Counter-Terrorism Training Center-CTTC) giherereye i Mayange mu Karere ka Bugesera, ari naho habereye uyu muhango, akaba yaritabiriwe n'abagera ku 1697 barimo abapolisikazi 312 na 38 b’Urwego rw’igihugu rushinzwe igorora (RCS). Inkuru Irambuye...
Abapolisi b’u Rwanda bari mu butumwa bw'amahoro muri Santrafurika bambitswe imidali y’ishimwe
Ku wa Gatanu tariki ya 24 Mata, Umuryango w’Abibumbye wambitse imidali abapolisi b’u Rwanda bari mu butumwa muri Repubulika ya Santrafurika (MINUSCA), yo kubashimira umuhate n’ubwitange byabaranze mu gihe cy’amezi 11 bamaze mu kazi ko gucungira umutekano abaturage b’abasivili muri icyo gihugu.
Abambitswe imidali ni abapolisi bagize amatsinda abiri; RWAFPU I-11, n’itsinda RWAPSU I-10 ndetse n’abandi bapolisi b’u Rwanda badakorera mu matsinda, bose hamwe bagera kuri 315 harimo abapolisikazi 65. Inkuru Irambuye...
Abapolisi barenga 500 bakorera mu Ishuri rya Polisi ry'amahugurwa batanze amaraso ku bushake
Mu gitondo cyo ku wa Gatandatu tariki ya 25 Mata, abapolisi 550 bakorera mu ishuri rya Polisi ry'amahugurwa riherereye i Gishari mu Karere ka Rwamagana bazindukiye mu gikorwa cyo gutanga amaraso.
Muri iki gikorwa bafashijwemo n’ikigo cy’Igihugu cy' Ubuzima (RBC), abapolisi bacyitabiranye ubushake, bagaragaza ko ari ngombwa kugira umutima w’urukundo batanga amaraso azafasha benshi barimo bagenzi babo, abavandimwe, inshuti ndetse na bo ubwabo igihe byaba bibaye ngombwa. Inkuru Irambuye...
Uruhare rw’ishami rya Polisi rishinzwe kugenzura ubuziranenge bw’ibinyabiziga mu kubungabunga ubuzima bw’abakoresha umuhanda
Iterambere ry’ubwikorezi ryiyongera umunsi ku munsi bikagendana n’ubwiyongere bw’urujya n’uruza rw’ibinyabiziga mu mihanda bisaba gufata ingamba zigamije kugabanya ingaruka zibikomokaho zirimo impanuka zihitana ubuzima bw’abantu benshi buri mwaka zikanangiza ibikorwaremezo ndetse n’ibidukikije biturutse ku myuka ihumanya ikirere bisohora.
Abatwara ibinyabiziga bashishikarizwa kwitwararika bakirinda uburangare n’amakosa yose ateza impanuka ariko ntibihagije kuko n’ubwo umushoferi yaba azi cyangwa amenyereye bihagije imodoka atwara, bitamushobokera mu gihe yaba ifite feri zidakora, amapine ashaje, idafite amatara n’andi makossa ya tekiniki. Inkuru Irambuye...
Police VC yatangiranye intsinzi mu irushanwa rihuza amakipe yitwaye neza ku mugabane
Ku gicamunsi cyo ku wa Kane tariki ya 23 Mata, ikipe ya Polisi y’u Rwanda mu mukino wa Volleyball (Police VC) yatsinze umukino wayo wa mbere mu irushanwa Nyafurika rihuza amakipe yabaye aya mbere iwayo mu bagabo (African men’s volleyball club championship), ribera mu Rwanda ku nshuro yaryo ya 47.
Ni umukino Police VC yanyagiyemo ikipe ya Prisons VC yo mu gihugu cya Tanzania amaseti atatu ku busa (3-0), biyiha icyizere cyo kuyobora itsinda. Inkuru Irambuye...
