Kinyarwanda
English
Ba ofisiye bakuru biga mu Ishuri rikuru rya Polisi bakoreye urugendoshuri muri Algeria
Ku Cyumweru tariki ya 3 Gicurasi, ba ofisiye bakuru biga mu ishuri rikuru rya Polisi (NPC) riherereye mu Karere ka Musanze, batangiye urugendoshuri mu gihugu cya Algeria mu rwego rwo guhuza amasomo bigira mu ishuri n'ibikorerwa mu kazi.
Ni urugendoshuri rw'iminsi itanu, rwitabiriwe n'itsinda ry’abagera kuri 47 barimo abagize ubuyobozi bw’Ishuri, abarimu ndetse n’abanyeshuri bakurikirana amasomo y’ icyiciro cya 14 ahabwa ba ofisiye bakuru mu gihe cy’umwaka umwe, mu bijyanye n’ubuyobozi no gukemura amakimbirane, bakomoka mu bihugu 10 by’Afurika aribyo; Eswatini, Gambia, Kenya, Malawi, Namibia, Repubulika ya Santrafurika, Somalia, Sudani y’Epfo, Uganda n’u Rwanda rwabakiriye. Inkuru Irambuye...
https://police.gov.rw/rw/amakuru/amakuru-ya-polisi/news-detail/news/ba-ofisiye-bakuru-biga-mu-ishuri-rikuru-rya-polisi-bari-mu-rugendoshuri-muri-algeria/?tx_news_pi1%5Bcontroller%5D=News&tx_news_pi1%5Baction%5D=detail&cHash=1231557db10956fa86a0577a6f3da794Abapolisi b’u Rwanda bari mu butumwa muri Sudani y’Epfo bambitswe imidali y’Ishimwe
Abapolisi b’u Rwanda 160 bagize itsinda RWAFPU1-10 riri mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS), bambitswe imidali y’ishimwe ku bw’umuhate n’ubwitange bagaragaje mu gihe cy’amezi 10 bamaze bacunga umutekano w’abaturage b’abasivili muri icyo gihugu.
Uyu muhango wabereye mu mujyi wa Malakal, ahari icyicaro cy’iri tsinda, ku wa Kane tariki ya 7 Gicurasi, wayobowe na Bwana Alfred Orono Orono ukuriye ubutumwa bw’Umuryango w’Abibumbye muri ako gace, witabirwa n’abandi bayobozi barimo abo ku rwego rw’igihugu, abo mu nzego z’umutekano z’imbere mu gihugu n’abandi bakozi b’Umuryango w’abibumbye muri Sudani y’Epfo. Inkuru Irambuye...
https://police.gov.rw/rw/amakuru/amakuru-ya-polisi/news-detail/news/abapolisi-bu-rwanda-bari-mu-butumwa-muri-sudani-yepfo-bambitswe-imidali-yishimwe/?tx_news_pi1%5Bcontroller%5D=News&tx_news_pi1%5Baction%5D=detail&cHash=3859c3c084daf7b7676fcd3d8e7b9678Abanyeshuri ba Green Hills Academy bigishijwe ibijyanye n'imikoreshereze y’umuhanda yimakaza umutekano
Polisi y'u Rwanda, ku wa Gatatu tariki ya 6 Gicurasi, yakiriye abanyeshuri biga mu ishuri rya Green Hills Academy ryo mu murenge wa Kacyiru, mu Karere ka Gasabo, bari mu rugendoshuri rugamije kubungura ubumenyi ku mikoreshereze y’umuhanda ifasha mu kwirinda impanuka.
Aba banyeshuri biga mu mwaka wa Gatanu w'amashuri abanza, bari baherekejwe n’abarezi babo n'ababyeyi, bagaragaje ko bahisemo by'umwihariko Ishami rya Polisi rishinzwe umutekano wo mu muhanda kugira ngo babashe gusobanukirwa byimbitse ibibazo abakoresha umuhanda bahura nabyo, n'ingamba Polisi ifata mu rwego rwo guhangana n'impanuka zo mu muhanda. Inkuru Irambuye...
Abanyeshuri ba Light Angels Academy basuye Polisi y’u Rwanda
Mu gitondo cyo ku wa Gatanu tariki ya 8 Gicurasi, abanyeshuri biga mu kigo cya ‘Light Angels Academy’ giherereye mu murenge wa Jabana mu karere ka Gasabo, bakoreye ku Cyicaro gikuru cya Polisi y'u Rwanda, ku Kacyiru, urugendoshuri rugamije kubafasha kumenya inshingano n'ibikorwa byayo binyuze mu mashami atandukanye ayigize.
Ni uruzinduko rwitabiriwe n'abasaga 50 bagizwe n’abanyeshurli biga mu mashuri y’incuke n'amashuri abanza bari baherekejwe n’abarezi babo. Inkuru Irambuye...
Abapolisi b’u Rwanda batatu basoje amasomo muri Leta zunze ubumwe z’Amerika
Abapolisi b’u Rwanda batatu (3) bo ku rwego rwa ba ofisiye, kuri uyu wa Kane tariki ya 7 Gicurasi, basoje amasomo y’icyiciro cya gatatu cya kaminuza (Master's) muri Kaminuza ya Kent State University yo muri Leta zunze ubumwe z'Amerika (USA).
Abasoje amasomo ni Inspector of Police (IP) Solange Iragena na Assistant Inspector of Police (AIP) Gloria Uwimbabazi bahawe impamyabumenyi y’icyiciro cya gatatu cya Kaminuza mu bijyanye n’ikoranabuhanga mu gucunga umutekano hakoreshejwe mudasobwa (Computer Security), mu gihe IP Louis Ntwali yahawe impamyabumenyi y’icyiciro cya gatatu cya Kaminuza mu bijyanye n’ikoranabuhanga rikoresha ubwenge buhangano (Master's of Science of Artificial Intelligence (MS-AI). Inkuru Irambuye...
