Kinyarwanda
English
Ba Ofisiye bakuru 38 bo mu bihugu by’Afurika basoje amasomo mu ishuri rikuru rya Polisi
Ku wa Gatanu tariki ya 19 Kamena, mu Ishuri Rikuru rya Polisi (NPC) riherereye mu Karere ka Musanze, habereye umuhango wo gusoza amasomo ya ba Ofisiye Bakuru 38 bakomoka mu bihugu icumi (10) bitandukanye byo muri Afurika.
Abofisiye bakuru basoje bagize icyiciro cya 14 cy’amasomo ajyanye n’ubuyobozi, baturutse mu nzego zishinzwe kubahiriza amategeko barimo 23 bo mu Rwanda na 15 baturutse mu bihugu by’inshuti by’Afurika icyenda ari byo; Eswatini, Gambia, Kenya, Malawi, Namibia, Repubulika ya Santrafurika, Somalia, Sudani y'Epfo na Uganda. Inkuru Irambuye...
DIGP Ujeneza yakiriye ku meza ba Ofisiye bakuru bitegura gusoza amasomo mu ishuri rikuru rya Polisi
Mu Ishuri rikuru rya Polisi (NPC) riherereye mu Karere ka Musanze, ku wa Gatandatu tariki ya 13 Kamena, habereye ibirori byo kwakira ku meza ba Ofisiye bakuru 38 bagize icyiciro cya 14 cy'amasomo ajyanye n'ubuyobozi (Police Senior Command and Staff Course) atangirwa muri iri shuri mu gihe cy'umwaka.
Ibi birori byo gusangira byabahuje n'imiryango yabo, abayobozi bakuru ba Polisi y'u Rwanda n'abandi batumirwa batandukanye, byateguwe mu rwego rwo kwifatanya no gusabana bishimira ibyo bagezeho mu gihe cy'umwaka bamaze bakurikirana aya masomo bitegura gusoza. Inkuru Irambuye...
Amahugurwa y'abazigisha abandi kugenza ibyaha by'ihohoterwa rishingiye ku gitsina yasojwe basabwa kuzibanda ku kwimakaza imikorere ya kinyamwuga
Umuyobozi Mukuru ushinzwe ubugenzacyaha mu rwego rw'Igihugu rushinzwe ubugenzacyaha (RIB) Jean Marie Twagirayezu, ku wa Gatanu tariki ya 19 Kamena, yasoje ku mugaragaro amahugurwa yihariye yari agenewe abapolisi n’abagenzacyaha bazigisha abandi mu bihugu byabo ku bijyanye no kugenza ibyaha by'ihohoterwa rishingiye ku gitsina (SGBV).
Ni amahugurwa yamaze iminsi 10 abera ku cyicaro gikuru cya Polisi ku Kacyiru, yitabiriwe na ba ofisiye 20 baturutse mu bihugu 9 bihuriye mu muryango uhuza Ingabo zihora ziteguye gutabara aho rukomeye mu Karere k’Afurika y’Iburasirazuba (EASF) aribyo; u Burundi, Ethiopia, Kenya, Djibouti, Somalia, Ibirwa bya Comores, Sudani, Uganda n’u Rwanda rwayakiriye, hagamijwe kongerera ubumenyi n’ubushobozi inzego z’umutekano muri Afurika y’Iburasirazuba mu rwego rwo kurandura burundu ihohotera rishingiye ku gitsina. Inkuru Irambuye...
Itsinda ry’abanyeshuri baturutse muri Nigeria basuye Polisi y’u Rwanda
Umuyobozi Mukuru wa Polisi y’u Rwanda wungirije ushinzwe ibikorwa (DIGP), CP Vincent Sano, ku gicamunsi cyo ku wa Kabiri tariki ya 16 Kamena 2026, ku cyicaro gikuru cya Polisi ku Kacyiru, yakiriye itsinda ry’abanyeshuri 12 n’ababaherekeje bari baje mu rugendoshuri baturutse mu Kigo cy’Igihugu gitanga Amasomo mubyerekeye Umutekano (National Institute for Security Studies – NISS) muri Repubulika ya Nigeria.
Iri tsinda ryaje riyobowe na Madamu Halima Ibrahim Zanna, Umuyobozi ushinzwe amasomo; baje mu Rwanda mu rugendoshuri ruzamara iminsi irindwi, rufite insanganyamatsiko igira iti: “Imitwe y’Inyeshyamba ishingiye ku Moko no guhanganira umutungo kamere muri Afurika: Ingaruka zabyo ku mutekano w’Ibihugu.” Inkuru Irambuye...
