Kinyarwanda
English
Abapolisi barenga 800 basoje amahugurwa y’ibanze yihariye
Umuyobozi Mukuru wa Polisi y'u Rwanda (IGP), CG Felix Namuhoranye, ku wa Gatanu tariki ya 16 Gicurasi, yasoje ku mugaragaro icyiciro cya kabiri cy’amahugurwa y'ibanze y'ibikorwa bya Polisi byihariye mu gucunga umutekano (Basic Police Special Forces course).
Ni amahugurwa yari amaze amezi atatu (3), mu kigo cya Polisi gitangirwamo amahugurwa yo kurwanya iterabwoba (Counter-Terrorism Training Center-CTTC) giherereye i Mayange mu Karere ka Bugesera, yitabiriwe n'abagera kuri 833 barimo abapolisikazi 205. Inkuru irambuye...
Abapolisi b’u Rwanda bari mu butumwa muri Sudani y’Epfo bambitswe imidari y’ishimwe
Ku wa Kabiri tariki ya 13 Gicurasi, abapolisi b’u Rwanda 240 bagize itsinda RWAFPU1 riri mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS) bambitswe imidari y’ishimwe.
Ni mu muhango wabereye mu mujyi wa Malakal, witabirwa n’abayobozi batandukanye barimo abo muri Leta ya Sudani y’Epfo, abakozi b’umuryango w’Abibumbye bakomoka mu bindi bihugu n’abahagarariye inzego z’umutekano muri icyo gihugu. Inkuru irambuye...
Menya imikorere y’Ishami rya Polisi rishinzwe umutekano wo mu mazi
N’ubwo u Rwanda ari igihugu kidakora ku nyanja, gifite ibiyaga, inzuzi n’imigezi biri hirya no hino, bigizwe n’amazi yifashishwa mu buryo butandukanye burimo ingendo, uburobyi, ubukerarugendo, ubushakashatsi n’ibindi, bikenera ingamba zihoraho kugira ngo bikorwe mu ituze n’umutekano.
Ikigo cy’u Rwanda gishinzwe Umutungo Kamere w’Amazi (Rwanda Water Resources Board) gitangaza ko ubuso bw’igihugu bungana na kilometero kare 2143 ari amazi, byumvikana neza ko amazi afata ahantu hanini kandi hahurira abantu benshi umunsi ku munsi mu bikorwa bitandukanye. Inkuru irambuye...
Ikoranabuhanga muri Polisi y’u Rwanda nyuma y’imyaka 25
Isi ya none irimo kwihuta mu iterambere ku buryo hari n’abavuga ko abayituye begeranye nk’abatuye mu mudugudu umwe, bitewe n’uko nta we ugikenera uri mu mahanga ya kure ngo bifate igihe kinini kubera ikoranabuhanga ryabyoroheje.
Nk’uko umubyeyi abyara umwana akanezezwa no kumubona akura mu bwenge no mu gihagararo, ni nako Polisi y’u Rwanda nayo ikomeje guteza imbere amashami yayo. Inkuru irambuye...
Ba ofisiye bakuru biga mu Ishuri rikuru rya Polisi bakoze urugendoshuri mu Mujyi wa Kigali
Ku wa Gatanu tariki ya 16 Gicurasi, ba ofisiye bakuru biga mu ishuri rikuru rya Polisi (NPC) riherereye mu Karere ka Musanze, bakoze urugendoshuri mu rwego rwo guhuza ibyo bigira mu ishuri n'ibikorerwa mu kazi.
Basuye ahantu hatandukanye harimo Urwibutso rwa Jenoside rwa Kigali ku Gisozi, Ingoro ndangamurage y'amateka y'urugamba rwo guhagarika Jenoside n'Ishami rya Polisi rishinzwe ibizamini no gutanga impushya zo gutwara ibinyabiziga. Inkuru irambuye...
