POLISI Y'U RWANDA

PTS GISHARI: Abarenga 70 basoje amahugurwa abatoza guhugura abandi

Kuri uyu wa Kane tariki ya 13 Gashyantare 2025, mu ishuri ry’amahugurwa rya Polisi (PTS) riherereye i Gishari mu Karere ka Rwamagana, habereye umuhango wo gusoza amahugurwa ahabwa abapolisi bazahugura abandi mu rwego rwo kuzamura ireme ry’imyigishirize no guteza imbere ubunyamwuga.

Ni amahugurwa yitabiriwe n’abagera kuri 73, akubiye mu byiciro bibiri bitandukanye ari byo; Instructional Technology Course (ITC) mu rurimi rw’icyongereza, ku nshuro yayo ya 10 yitabiriwe n’abagera kuri 34 bo ku rwego rwa ba ofisiye bato, mu gihe kingana n’amezi 3, biga amasomo abongerera ubushobozi mu gutegura, gutanga amahugurwa ndetse no gusuzuma umusaruro bawuhuza n’intego zayo.  Inkuru irambuye...

Ibyo mwize bizatanga umusaruro witezwe ari uko mwabikurikije uko bikwiye-DIGP Ujeneza

Umuyobozi Mukuru Wungirije wa Polisi y’u Rwanda (DIGP) ushinzwe ubutegetsi n'abakozi, DCG Jeanne Chantal Ujeneza yabigarutseho kuri uyu wa Kane tariki ya 13 Gashyantare 2025, mu butumwa yagejeje ku bapolisi basoje amahugurwa yerekeranye no gutwara amapikipiki mu bihe by’ubutabazi (Motorcycle driving in emergency situations course), abasaba kuzakoresha neza ubumenyi bayungukiyemo kugira ngo abashe kugera ku ntego zayo.

Ni amahugurwa yateguwe ku bufatanye na Carabinieri yo mu gihugu cy’u Butaliyani, yitabiriwe n’abagera kuri 25, barimo abapolisi 20 na batanu bo mu ngabo z’u Rwanda (RDF), yari amaze igihe kingana n’ukwezi kumwe mu Ishuri ry’amahugurwa rya Polisi (PTS) i Gishari mu Karere ka Rwamagana.  Inkuru irambuye...  

BUGESERA: Yafatiwe mu cyuho atekeye Kanyanga mu rugo

Polisi y’u Rwanda ku bufatanye n’inzego z’ibanze n’abaturage mu Karere ka Bugesera yafatiye mu cyuho umusore w’imyaka 21 y’amavuko, wari utetse ikiyobyabwenge cyo mu bwoko bwa Kanyanga.

Yafashwe ku mugoroba wo kuri uyu wa Mbere tariki ya 10 Gashyantare, ubwo yari amaze kwarura litiro zigera kuri 30 zayo, yitegura guteka indi muri melase yifashishaga ingana na litiro 80. Inkuru irambuye... 

GASABO: Yafatanywe ibihumbi 47Frw y’amiganano yari agiye gukwirakwiza mu baturage

Polisi y’u Rwanda ku bufatanye n’izindi nzego z’umutekano n’abaturage mu Karere ka Gasabo, yafatanye umusore w’imyaka 30 y’amavuko, amafaranga y’u Rwanda ibihumbi 47 y’amiganano.

Yafashwe mu ijoro ryo kuri uyu wa Kane tariki ya 13 Gashyantare, ahagana saa tanu z’ijoro, mu mudugudu wa Gatagara, akagari ka Gasanze mu murenge wa Nduba.  Inkuru irambuye...