POLISI Y'U RWANDA

Hafashwe abantu 45 bakurikiranyweho kwiba bakoresheje telefone arenga miliyoni 424Frw

Abantu 45 bari hagati y’imyaka 20 na 35 y’amavuko, bacyekwaho kwambura abaturage amafaranga bifashishije telefone ngendanwa, bafatiwe hirya no hino mu gihugu mu bikorwa bitandukanye byakozwe ku bufatanye bwa Polisi y’u Rwanda n’Urwego rw’Igihugu rushinzwe Ubugenzacyaha (RIB).

Beretswe itangazamakuru mu gitondo cyo kuri uyu wa Mbere tariki 9 Nzeri 2024, ku cyicaro gikuru cy’Urwego rw’Igihugu rushinzwe ubugenzacyaha ku Kimihurura mu Karere ka Gasabo.  Inkuru irambuye...

Abapolisi 25 basoje amahugurwa yo gucunga umutekano wo mu mazi

Kuri uyu wa Mbere tariki ya 9 Nzeri, mu Karere ka Rubavu habereye umuhango wo gusoza amahugurwa y’ibanze yo gucunga umutekano wo mu mazi, yari amaze ukwezi n’igice abera mu kiyaga cya Kivu.

Yitabiriwe n’abapolisi 25 bo mu ishami rya Polisi rishinzwe umutekano wo mu mazi, bahawe amasomo atandukanye arimo; Ubumenyi bwo koga, ubunararibonye n’ubutabazi bwo mu mazi, Ubumenyi mu gukumira no kurwanya inkongi, Ubutabazi bw’ibanze, Imyitwarire mbonezamurimo na disipuline, imikorere ya moteri y’ubwato n’andi atandukanye.   Inkuru irambuye...

KIREHE: Babiri bafashwe batwaye mu modoka magendu y’imyenda ya caguwa

Polisi y’u Rwanda mu Karere ka Kirehe, yafashe abagabo babiri bari batwaye mu modoka yo mu bwoko bwa Hiace, amabalo arindwi y’imyenda ya caguwa, bari binjije mu gihugu mu buryo bwa magendu.

Ni imodoka yari itwawe n’umwe muri bo w’imyaka 36 y’amavuko wari kumwe na mugenzi we w’imyaka 32, bafatiwe mu mudugudu wa Rwanteru, akagari ka Rwanteru mu murenge wa Kigina, ahagana ku isaha ya saa munani z’amanywa yo kuri uyu wa Kabiri tariki ya 10 Nzeri.   Inkuru irambuye...