POLISI Y'U RWANDA

Hatangijwe ibikorwa by'ubufatanye bwa Polisi n’Ingabo z’u Rwanda bigamije guteza imbere abaturage

Ku bufatanye bwa Polisi y’u Rwanda n’Ingabo z’igihugu (RDF), kuri uyu wa Mbere tariki ya 17 Werurwe 2025, hatangijwe ibikorwa bigamije guteza imbere imibereho myiza y’abaturage (Citizen Outreach Programme-COP25).

Ni ibikorwa bizakorerwa mu gihugu hose ku nsanganyamatsiko igira iti: “Ubufatanye bw’abaturage n’inzego z’umutekano mu kwizihiza kwibohora31 n’imyaka 25 y’imikoranire na Polisi y’u Rwanda”.  Inkuru irambuye...

Hasojwe imikino ihuza amashami ya Polisi mu mupira w'amaguru

Kuri uyu wa Gatandatu tariki ya 22 Werurwe 2025, kuri sitade ya Kigali yitiriwe Pele, i Nyamirambo mu Karere ka Nyarugenge, hasojwe irushanwa rihuza amashami ya Polisi y'u Rwanda ( RNP Inter-Units Competition).

Iri rushanwa ryasojwe n'umukino wa nyuma (Final) wahuje ikipe y'Ishuri ry'amahugurwa rya Polisi (PTS) Gishari yatsinze ikipe y'Ishuri Rikuru rya Polisi (NPC) ryo mu Karere ka Musanze ibitego 2-1.  Inkuru irambuye...

RUBAVU: Abapolisi basoje amahugurwa y'ibanze mu gucunga umutekano wo mu mazi

Kuri uyu wa Kane tariki ya 20 Werurwe, mu Karere ka Rubavu habereye umuhango wo gusoza amahugurwa ajyanye n'ibikorwa byo gucunga umutekano wo mu mazi no kurohora abarohamye (Basic diving course), yari amaze amezi atatu abera mu kiyaga cya Kivu.

Ni amahugurwa yitabiriwe n’abapolisi 10 bo mu ishami rya Polisi rishinzwe umutekano wo mu mazi (Marine Unit), bahawe amasomo atandukanye abongerera ubuhanga n’ubumenyi byihariye mu butabazi bukorewe mu bujyakuzimu bw'amazi.  Inkuru irambuye...

KAYONZA: Polisi yaburijemo ikwirakwizwa ry’urumogi rupima Kg30

Polisi y'u Rwanda ku bufatanye n'abaturage mu Karere ka Kayonza, yaburijemo igikorwa cyo gukwirakwiza ikiyobyabwenge cy’urumogi rungana n'ibiro 30,  rwafatanywe umugabo w’imyaka 40 y’amavuko.

Yafashwe aruhetse kuri moto yo mu bwoko bwa TVS, ifite nimero RG 852 V, mu murenge wa Kabare, akagari ka Rubumba mu mudugudu wa Gakenyeri, ahagana saa tatu z’ijoro ryo ku wa Gatanu tariki ya 21 Werurwe. Inkuru irambuye...