Kinyarwanda
English
Polisi y’u Rwanda yashyikirijwe kizimyamoto na Rusumo Power Company Limited
Ku wa Gatanu tariki ya 13 Gashyantare 2026, ku cyicaro gikuru cya Polisi y’u Rwanda ku Kacyiru, habereye umuhango wo kwakira ku mugaragaro impano y’imodoka ya kizimyamoto yatanzwe n'ikigo gishinzwe gucunga, kugenzura, no gukoresha urugomero rw’amashanyarazi rwa Rusumo (Rusumo Power Company Limited-RPCL) mu rwego rwo kurwanya inkongi, kongera ubutabazi no guteza imbere imibereho myiza n’iterambere ry’abaturage.
Ni igikorwa kigamije gushimangira ubufatanye hagati y'Iyi sosiyete itanga amashanyarazi mu bihugu by’u Rwanda, Tanzania n’u Burundi no guhuza inshingano zo gutanga amashanyarazi n’iza Polisi y’u Rwanda ishami rishinzwe kurwanya inkongi n’ubutabazi. Inkuru Irambuye...
U Rwanda rwasimbuje abapolisi mu butumwa bw'amahoro muri Sudani y’Epfo
Ku gicamunsi cyo ku wa Kane tariki 12 Gashyantare, Abapolisi b’u Rwanda bagize itsinda RWAFPU3-7 bageze ku kibuga cy’indege Mpuzamahanga cya Kigali i Kanombe, bavuye mu butumwa bw'Umuryango w'Abibumbye bwo kubungabunga amahoro muri Sudani y’Epfo (UNMISS), aho bari bamaze igihe kingana n'umwaka.
Iri tsinda ryiganjemo umubare munini w’abapolisikazi bari bayobowe na Senior Superintendent of Police (SSP) Donatha Nyinawumuntu, basimbuwe na bagenzi babo bagize itsinda RWAFPU3-8 riyobowe na Senior Superintendent of Police (SSP) Dative Iribagiza, nabo bazamara igihe kingana n’umwaka muri icyo gihugu. Inkuru Irambuye...
Polisi iributsa abatunze ibinyabiziga bitabanditseho kubikorera ihererekanya
Mu kwezi gushize Polisi y'u Rwanda ku bufatanye n'Ikigo cy'Igihugu cy’Imisoro n’Amahoro (RRA), batangije ubukangurambaga bumenyesha abantu bose batakoze ihererekanya ry’ibinyabiziga baguze cyangwa bagurishije rizwi nka mutation, n’abatarandukuje ibyavuye mu muhanda, ko boroherejwe bashyirirwaho gahunda yo kubafasha mu gihe kingana n’ukwezi ku ma site atandukanye hirya no hino mu gihugu.
Umuvugizi wa Polisi y’u Rwanda, Assistant Commissioner of Police (ACP) Boniface Rutikanga avuga ko n'ubwo abantu barimo kwitabira iyi serivisi hakiri abakomeje kugorana ntibafashe bagenzi babo gukora mitasiyo. Inkuru Irambuye...
Polisi y'u Rwanda yegukanye umudari wa Bronze mu irushanwa rihuza inzego z'umutekano ku Isi
Mu irushanwa ryamaze iminsi itanu kuva tariki ya 7 kugeza ku ya 11 Gashyantare, ribera i Dubai muri Leta Zunze ubumwe z'Abarabu (UAE), ikipe ya mbere ya Polisi y'u Rwanda (RNP SWAT Team 1) yongeye kwitwara neza yegukana umwanya wa gatatu n'umudari wa bronze mu gace ko kunyura mu nzitane (Obstacle course).
Ni irushanwa ryahuzaga inzego z'umutekano zo mu bihugu 48 byo hirya no hino ku Isi, aho Polisi y'u Rwanda yari ihagarariwe n'amakipe abiri, iya mbere ikaba yaje ku mwanya wa 6 muri rusange n'amanota 484. Inkuru Irambuye...
Abapolisi 160 biteguraga kujya mu butumwa bw’amahoro muri Sudani y'Epfo bahawe impanuro
Ku cyicaro gikuru cya Polisi ku Kacyiru, ku wa Kabiri tariki ya 10 Gashyantare 2026, Umuyobozi Mukuru wa Polisi y’u Rwanda Wungirije ushinzwe ibikorwa, DIGP Vincent Sano, yahaye impanuro abapolisi 160 biteguraga kujya mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS).
Bagize itsinda RWAFPU3-8, riyobowe na Senior Superintendent of Police (SSP) Dativa Iribagiza, ryagiye gusimbura bagenzi babo bari basanzwe bakorera mu Mujyi wa Juba, mu gihe kingana n’umwaka aho bari bafite inshingano zo gucungira umutekano abaturage bakuwe mu byabo n'intambara, abakozi b’Umuryango w’Abibumbye ndetse n’ab’indi miryango mpuzamahanga ikorera muri icyo gihugu. Inkuru Irambuye...
