POLISI Y'U RWANDA

CORwanda24: Abaturage bashyikirijwe inkunga yo kubafasha kwiteza imbere

Kuri uyu wa Gatatu tariki ya 19 Kamena, Ingabo na Polisi z'u Rwanda ku bufatanye n'izindi nzego basoje ku mugaragaro ibikorwa bigamije gufasha abaturage mu mibereho myiza n'iterambere (CORwanda24) bikubiyemo imishinga n’inkunga yo kubafasha mu iterambere.

Ibi bikorwa byakorewe mu gihugu hose mu gihe cy'amezi atatu ku bufatanye n'inzego z'ibanze, ku nsanganyamatsiko igira iti: “Imyaka 30 yo Kwibohora: Ubufatanye bw'Ingabo z'Igihugu, Inzego z'Umutekano n'Abaturage mu Iterambere ry'u Rwanda". Inkuru irambuye  

RUBAVU: Hasojwe amahugurwa ajyanye no kubungabunga umutekano wo mu mazi

Kuri uyu wa Gatanu tariki 21 Kamena 2024, abapolisi 14 n’abasirikare bane bo mu ngabo z'u Rwanda (RDF), basoje amahugurwa yaberaga mu kiyaga cya Kivu mu Karere ka Rubavu, ajyanye no gukoresha ubwato, gusaka no gufatira ibifitanye isano n'icyaha.

Ni amahugurwa bamazemo igihe cy'ibyumweru bibiri, yateguwe ku bufatanye n’ikigo cy’Umuryango w’Abibumbye gishinzwe ubushakashatsi n’amahugurwa (UNITAR).Inkuru irambuye 

GERAYO AMAHORO: Abakoresha umuhanda bo mu Karere ka Musanze basabwe kwirinda amakosa ateza impanuka

Kuri uyu wa Kane tariki ya 20 Kamena 2024, Polisi y'u Rwanda yakomereje ubukangurambaga bw’umutekano wo mu muhanda buzwi ku izina rya 'Gerayo Amahoro' mu Karere ka Musanze.

Abakoresha umuhanda biganjemo abashoferi n’abagenzi bari bateraniye mu kigo abagenzi bategeramo imodoka (Gare) mu Mujyi wa Musanze, bagejejweho ubutumwa bubibutsa kwirinda amwe mu makosa akunze guteza impanuka ziteza ubumuga ndetse zikanahitana ubuzima bw’abantu.Inkuru irambuye  

HANDBALL: Police HC yatangiye imikino yo kwishyura ya Shampiyona yitwara neza

Ikipe ya Polisi y’u Rwanda y’umukino w’intoki wa Handball (Police HC) yatangiye imikino yo kwishyura (Phase retour) yitwara neza ikomeza kuguma ku mwanya wa mbere wa Shampiyona n’amanota 30.

Mu gutangira imikino yo kwishyura, kuri uyu wa Gatandatu tariki ya 15 Kamena, ikipe ya Police HC yakinnye imikino ibiri, yayihuje n’amakipe abiri ari yo; ES Kigoma HC na UR Rukara, yose iyitwaramo neza itsinda izi kipe zombi, imikino yabereye mu Karere ka Ruhango.Inkuru irambuye