Kinyarwanda
English
Abapolisi b’u Rwanda bakomeje igikorwa cyo gusimburana mu butumwa bw’amahoro muri Sudani y’Epfo
Kuri uyu wa mbere tariki ya 29 Werurwe abapolisi b’u Rwanda 80 bagize ikiciro cya 6 bagiye mu gihugu cya Sundani y’Epfo mu butumwa bw’umuryango w’abibumbye bugamije kubungabunga amahoro muri iki gihugu mu gace ka Malakar . Abapolisi 80 bagiye bayobowe na Chief Superintendent of Police (CSP) Faustin Kalimba ari nawe uzaba uyoboye iri tsinda ryose rizaba rigizwe n’abapolisi 240. Abapolisi 80 bagarutse baje bayobowe na Superintendent of Police (SP) Gilbert Ryumugabe. Inkuru irambuye...
Abaturage barasabwa gukomeza kubahiriza ingamba nshya zashyizweho zo kurwanya COVID-19
Abaturarwanda basabwe kudatezuka ku ngamba n’amabwiriza byashyizweho mu rwego rwo kwirinda icyorezo cya COVID-19, babyibukijwe ku gicamunsi cyo kuri uyu wa Kabiri tariki ya 30 Werurwe, mu kiganiro cyahuje abanyamakuru na Minisitiri w’Ubuzima Dr. Ngamije Daniel, Minisitiri w’Ubutegetsi bw’Igihugu Gatabazi Jean Marie Vianney, Minisitiri w’Uburezi , Dr. Uwamariya Valentine n’Umuvugizi wa Polisi y’u Rwanda, Commissioner of Police (CP) John Bosco Kabera. Inkuru irambuye...
Nyarugenge: Abantu 43 bafatiwe mu rugo rw’umuturage barimo gusenga barenze ku mabwiriza yo kurwanya COVID-19
Mu gitondo cyo kuri uyu wa Gatanu tariki ya 02 Mata ahagana saa yine abapolisi bafatanije n’abayobozi mu nzego z’ibanze n’abaturage basanze abantu 43 mu nzu y’uwitwa Mukamunzungu Claudine barimo gusenga barenze ku mabwiriza yo kurwanya COVID-19. Bafatiwe mu Karere ka Nyarugenge, Umurenge wa Kimisagara mu Kagari ka Kimisagara, Umudugudu wa Birama. Aba bafashwe nyuma y’iminsi ibiri gusa muri uyu murenge mu Kagari ka Katabaro naho hafatiwe abantu 41 bari mu masengesho barenze ku mabwiriza yo kurwanya ikwirakwira rya COVID-19. Inkuru irambuye...
Kamonyi: Polisi yafatiye mu cyuho umwe mu bari bamaze kwiba moto barimo kuyikuramo ibyuma
Mu ijoro rya tariki ya 31 Werurwe ahagana saa tatu za nijoro abapolisi bafashe uwitwa Nsengiyumva Jean Claude w’imyaka 24 arimo gukura ibyuma muri moto imwe abishyira mu yindi. Moto ifite ibirango RE 535 Y yari nshya yayikuragamo ibyuma abishyira muri Moto ifite ibirango RE 608 P, iyi yari ishaje. Nsengiyumva yafatiwe mu Karere ka Kamonyi, Umurenge wa Runda mu Kagari ka Ruyenzi mu isantire ya Kamuhanda. Inkuru irambuye...
Ubuyobozi bw’ikigo gikwirakwiza itumanaho mu Rwanda bwashimiye Polisi kuba basubijwe zimwe muri batiri zabo zari zaribwe
Kuri uyu wa 30 Werurwe nibwo Polisi y’u Rwanda yashyikirije ubuyobozi bw’ikigo gishinzwe gukwirakwiza mu Rwanda ibijyanye n’itumanaho( IHS Rwanda ltd) batiri 32 zari zaribwe muri iki kigo. Guhera tariki ya 25 Werurwe 2021 abapolisi bo mu ishami rya Polisi y’u Rwanda rishinzwe kurwanya ubujura nibwo batangiye igikorwa cyo gushakisha abantu bacyekwagaho kwiba batiri (Batteries) zabaga ku minara y’ikigo gishinzwe gukwirakwiza itumanaho mu Rwanda (IHS RWANDA LTD). Muri icyo gikorwa ku ikubitiro habanje gufatwa abantu bane, bafatanwa batiri 32 bakaba baraziguraga zibwe, bakazigura mu buryo bwo kugura ibyuma bishaje ibyo bakunze kwita inyuma. Inkuru irambuye...
COVID-19: Polisi yongeye gukangurira abantu kugana insengero zujuje ibyangombwa aho kwica amabwiriza nkana
Mu gitondo cyo kuri uyu wa Gatatu tariki ya 31 Werurwe ahagana saa yine za mugitondo mu nzu y’uwitwa Liberite (izina rimwe rukumbi riri no mu ndangamuntu ye) hafatiwe abantu 41 barimo gusenga mu buryo bunyuranyije n’amabwriza yo kurwanya COVID-19. Bafatiwe mu Karere ka Nyarugenge, Umurenge wa Kimisagara mu Kagari ka Katabaro . Bari abagore 38 n’abagabo 3 bose baturuka mu madini n’amatorero atandukanye. Inkuru irambuye...
Kigali: Polisi yerekanye abantu 39 barimo umuhanzi bafashwe barenze ku mabwiriza yo kwirinda COVID-19.
Mu gitondo cyo kuri uyu wa Kabiri tariki ya 30 Werurwe, ku cyicaro cya Polisi ikorera i Remera mu Mujyi wa Kigali, Polisi yeretse itangazamakuru umuhanzi witwa Mugwaneza Lambert uzwi ku izina rya Social Mula n’abandi bantu yari yatumiye mu birori byo gutegura indirimbo ye yenda gusohora. Bose hamwe bari 39 barimo abanyamakuru ba Isibo TV, Murindahabi Irene na Phil Peter bose bakaba bafashwe bakora ibirori barengeje amasaha ndetse banarenze ku yandi mabwiriza yo kwirinda COVID-19. Inkuru irambuye...
Kigali: Polisi yagaruje batiri 32 zibwaga ku minara y’ikigo gikwirakwiza itumanaho mu Rwanda
Guhera tariki ya 25 Werurwe 2021 abapolisi bo mu ishami rya Polisi y’u Rwanda rishinzwe kurwanya ubujura nibwo batangiye igikorwa cyo gushakisha abantu bacyekwagaho kwiba batiri (Batteries) zabaga ku minara y’ikigo gishinzwe gukwirakwiza itumanaho mu Rwanda (IHS RWANDA LTD's). Muri icyo gikorwa ku ikubitiro habanje gufatwa abantu bane, bafatanwa batiri 32 bakaba baraziguraga zibwe, bakazigura mu buryo bwo kugura ibyuma bishaje ibyo bakunze kwita inyuma. Nyuma haje gufatwa n’abandi bantu batatu bacyekwaho kugira uruhare kuba aribo bafunguraga izo batiri ku minara bakajya kuzigurisha, aba bose bafatiwe mu Mujyi wa Kigali mu Karere ka Gasabo mu mirenge itandukanye ari naho bibaga izo batiri. Inkuru irambuye...
Huye: Polisi yafashe umuryango wakoraga ikiyobyabwenge cya Kanyanga
Polisi y’u Rwanda ifatanije n’abaturage n’izindi nzego zo mu Karere ka Huye mu Murenge wa Karama mu Kagari ka Kibingo kuri uyu wa Gatatu tariki ya 31 Werurwe bafashe uwitwa Nkundumukiza Christophe w’imyaka 39 n’umugore we Murebwayire Florence w’imyaka 35 barimo gukora ikiyobyabwenge cya kanyanga. Babafatanye litiro 20, izindi 15 bari bamaze kuziranguza abakiriya babo. Muri uru rugo kandi hafatiwe ibikoresho bifashishaga bakora icyo kiyobyabwenge birimo, ingunguru n’inzoga zitemewe zitwa muriture. Inkuru irambuye...
