POLISI Y'U RWANDA

Musanze: Abapolisi bagera kuri 40 basoje amasomo yo kubongerera ubumenyi mu buyobozi

Mu gitondo cyo kuri uyu wa Gatanu tariki ya 5 Werurwe 2021 mu ishuri ryisumbuye  rya Polisi y'u Rwanda riherereye mu Karere ka Musanze (NPC) hasojwe icyiciro cya 10 cy'amasomo agenewe abofisiye bato. Ni amasomo agamije kubongerera ubumenyi mu by'ubuyobozi ku rwego rw'ibanze (Police Tactical Command Course), aya masomo yitabiriwe n'abapolisi 40 n'abacungagereza babiri,  ni amasomo bari bamazemo ibyumweru 16 bingana n’amezi 4. Inkuru irambuye...

Nyarugenge: Polisi yafashe magendu amabalo 20 y’imyenda ya caguwa

Ishami rya Polisi y'u Rwanda rishinzwe kurwanya  magendu(ASOC) n’irishinzwe kurwanya abanyereza imisoro(RPU) kuri uyu wa Gatanu tariki ya 5 Werurwe ku bufatanye n’abaturage bafashe abantu bane bafite magendu  y’imyenda ya caguwa  amabalo 20.  Inkuru irambuye...

Kigali: Polisi yerekanye urubyiruko 37 rwarenze ku mabwiriza yo kurwanya COVID-19

Mu ijoro ryo kuri iki cyumweru tariki ya 28 Gashyantare Polisi yafashe urubyiruko rw’abasore n’inkumi 37 barenze ku mabwiriza yo kurwanya COVID-19 bahurira mu makoraniro atemewe. 27 bafatiwe mu nzu barimo gutegura filime abandi 10 bafatirwa mu rugo rw’umuturage bari mu birori. Bose bafatiwe mu Karere ka Gasabo mu Murenge wa  Kimironko mu Kagari ka Kibagabaga.  Inkuru irambuye...

Kigali: Polisi yerekanye abantu 4 bafatanwe amavuta yangiza uruhu

Mu gitondo cyo kuri uyu wa Kabiri tariki ya 02 Werurwe ku cyicaro cya Polisi y’Umujyi wa Kigali giherereye mu Karere ka Gasabo mu Murenge wa Remera, Polisi yerekanye abantu bane bafatanwe amavuta yangiza uruhu azwi ku izina rya Mukorogo afite agaciro k'amafaranga y'u Rwanda miliyoni 2,659,000. Abayafatanwe ni Munyantore Jean Claude w’imyaka 38, Hategekimana Jean Paul w’imyaka 33, Tuyisenge Valens w’imyaka 30 na Turatsinze Eric w’imyaka 27.  Inkuru irambuye...

Karongi: Polisi ikomeje ibikorwa byo gufata abangiza ibidukikije bavuga ko barimo gushaka zahabu

Mu rukerera rwa tariki ya 28 Gashyantare Polisi ikorera mu Karere ka Karongi mu Murenge wa Rugabano yafashe abantu bane aribo Ndahimana Damascène w’imyaka 23, Mudatinya Viateur w’imyaka 30, Rwanzegushira w’imyaka  42 na  Nduhura Claude w’imyaka 28. Bafashwe barimo gushakisha amabuye y’agaciro mu mugezi witwa Butita uhereye mu Mudugu wa Karambi mu Kagari ka Tyazo mu Murenge wa Rugabano, bafashwe batarabona ayo mabuye y’agaciro.  Inkuru irambuye...

Nyanza: Abantu babiri bafatanwe ibicuruzwa bya magendu

Kuri uyu wa Gatanu tariki ya 26 Gashyantare ahagana saa munani z’amanywa nibwo abapolisi bakorera mu Karere ka Nyanza mu Murenge wa Busasamana bafashe uwitwa Ukwigize Daniel  w’imayaka 44 na Ndayiragije Milliam w’imyaka 28. Bafatanwe magendu y’ibitege 465, ikarito irimo  litiro 5 za divayi n’ibizingo 25 by’insinga z’amashanyarazi. Bari babitwaye mu modoka ifite Pulake 9792AB22 yo mu gihugu cya Repubulika iharanira Demokarasi ya Congo ari naho bari bakuye ibyo bicuruzwa ahitwa i Bukavu.  Inkuru irambuye...

Nyabihu: Polisi yafatanye abantu 2 udupfunyika turenga ibihumbi 4 tw'urumogi

Polisi y'u Rwanda ikorera mu Karere ka Nyabihu muri sitasiyo ya Jomba kuri uyu wa Gatatu tariki ya 3 Werurwe yafashe uwitwa Muragijimana Adelphine w'imyaka 18 na Niyonambaza Fidele w'imyaka 24, bafatanwe udupfunyika ibihumbi 4,700 tw'urumogi bafatirwa mu Murenge wa Jomba mu Kagari ka Nyamitanzi mu Mudugudu wa Kivumu.  Inkuru irambuye...

Rubavu: Abantu barenga 100 bafatiwe mu bikorwa bya Polisi barenze ku mabwiriza yo kurwanya COVID-19 bari mu tubari

Guhera mu mpera z’icyumweru gishize kuva tariki ya 26 Gashyantare 2021 kugeza tariki ya 03 Werurwe Polisi y’u Rwanda ikorera mu Karere ka Rubavu mu mirenge ya Rugerero, Rubavu na Gisenyi yakoze igikorwa cyo  kugenzura abantu barenga ku mabwiriza bagakingura utubari bagacuruza inzoga. Muri icyo gikorwa mu tubari 6 hafatiwe abantu 108, bose bafashwe barenze ku mabwiriza yo kurwanya ikwirakwira rya COVID-19 bari mu tubari  banywa inzoga.  Inkuru irambuye...

Rubavu: Polisi yazimije inkongi yari ifashe ikamyo yari itwaye amavuta akoreshwa mu ndege

Ku gicamunsi cyo  kuri uyu wa Kane tariki ya 4 Werurwe ishami rya Polisi rishinzwe ubutabazi no kurwanya inkongi (Fire and Rescue Brigade)  bazimije inkongi yari ifashe imodoka y’ikamyo yari ivuye mu Mujyi wa Kigali yerekeza mu gihugu cya Repubulika iharanira Demokarasi ya Congo mu Mujyi wa Goma. Iyi modoka yari ihetse meterokibe ibihumbi 41,500 by'amavuta akoreshwa mu gutwara indege (Benzine).  Inkuru irambuye...