Kinyarwanda
English
KIGALI: Abamotari basabwe gukora kinyamwuga bubahiriza amategeko y’umuhanda
Polisi y'u Rwanda, Ubuyobozi bw’Umujyi wa Kigali n’Ikigo Ngenzuramikorere (RURA) bagiranye inama n'abakora akazi ko gutwara abagenzi kuri moto bakorera mu Mujyi wa Kigali.
Ni inama yabereye kuri sitade yitiriwe Pele, i Nyamirambo mu Karere ka Nyarugenge kuri uyu wa Gatatu tariki ya 16 Kanama, yari igamije kwigira hamwe imbogamizi bahura nazo n’icyakorwa ngo impanuka zo mu muhanda zigabanuke.Inkuru irambuye
Hafashwe ibicuruzwa bitujuje ubuziranenge bifite agaciro k’arenga Miliyoni 100Frw
Mu gikorwa ngarukamwaka gihuriweho n’inzego zitandukanye cyakozwe mu gihugu hose kizwi nka 'Operation Usalama’, kigamije gukura ku isoko ibicuruzwa bitujuje ubuziranenge, ibitemewe mu Rwanda, ibya magendu n’ibyarengeje igihe, hafashwe ibifite agaciro k’amafaranga y’u Rwanda arenga miliyoni 100 (hafi USD 84,850).
Ni igikorwa kibaye ku nshuro ya 9, cyakozwe mu gihe cy’iminsi itanu, kuva ku wa Mbere tariki 14 kugeza ku wa Gatanu tariki 18 Kanama 2023.Inkuru irambuye
UMUTEKANO WO MU MUHANDA: Ibinyabiziga birenga 200 byafashwe bidacanye amatara
Polisi y’u Rwanda, Ishami rishinzwe umutekano wo mu muhanda, ku mugoroba wo ku wa Mbere tariki 14 Kanama, ryafashe ibinyabiziga 203 byakoreshaga umuhanda, abayobozi babyo badacanye amatara nk’uko biteganywa n’amategeko.
Ibinyabiziga byafashwe birimo imodoka 39 n’amapikipiki 164 byafatiwe mu mihanda itandukanye yo mu Mujyi wa Kigali, bidacanye amatara atandukanye arimo amatara magufi, amaremare, amatara ndanga ndetse n’amatara y’imbere mu binyabiziga ku modoka zitwara abagenzi mu buryo bwa rusange.Inkuru irambuye
KIGALI: Hafashwe ibindi binyabiziga 258 byagendaga bidacanye amatara
Polisi y'u Rwanda yafashe ibindi binyabiziga 258 birimo imodoka n'amapikipiki bitari bicanye amatara, mu bikorwa byakorewe mu mihanda itandukanye yo mu Mujyi wa Kigali.
Byafashwe mu ijoro ryo ku wa Kabiri tariki 15 no ku wa Gatatu tariki 16 Kanama, nyuma y'uko abapolisi bo mu Ishami rya Polisi rishinzwe umutekano wo mu muhanda basanze bigenda bidacanye amatara nk'uko biteganywa n'amategeko.Inkuru irambuye
GERAYO AMAHORO: Ba Nyir’amahoteli na resitora bihaye umukoro wo kurinda ababagana impanuka ziterwa n’ubusinzi
Kuri uyu wa Gatatu tariki ya 16 Kanama, ku cyicaro gikuru cya Polisi y’u Rwanda, ku Kacyiru, habereye inama yahuje Polisi y’u Rwanda n’Ihuriro ry’abatanga serivisi z’amahoteli na resitora yari igamije kubibutsa uruhare rwabo mu kurinda ababagana impanuka ziterwa no gutwara banyoye ibisindisha.
Ni inama yitabiriwe n’abagera ku 100 bahagarariye bagenzi babo, iyoborwa n’umuvugizi wa Polisi y’u Rwanda, Commissioner of Police (CP) John Bosco Kabera ari kumwe n’umuyobozi wungirije w’ihuriro rya ba nyir’amahoteli na resitora mu Rwanda (RHA), Kirenga Sarah.Inkuru irambuye
Police FC yerekanye abakinnyi bashya
Ikipe ya Polisi y’u Rwanda y’umupira w’amaguru (Police FC) yerekanye abakinnyi bashya 10, abatoza n’ikipe yose hamwe igizwe n’abagera kuri 27 izifashisha muri uyu mwaka w’imikino wa 2023/2024.
Ni mu muhango wabereye ku cyicaro gikuru cya Polisi ku Kacyiru kuri uyu wa Gatanu, tariki 18 Kanama ku isaha ya saa Kumi z’umugoroba.Inkuru irambuye
KAYONZA: Yafashwe atwaye kuri moto ibilo 15 by’urumogi
Polisi y’u Rwanda ku bufatanye n’izindi nzego z’umutekano mu karere ka Kayonza yafashe umugabo w’imyaka 35 y’amavuko, wari utwaye kuri moto ibilo 15 by’urumogi.
Yafatiwe mu mudugudu wa Kagoma, akagari k’Isangano mu murenge wa Ndego yerekeza aho atuye mu kagari ka Karambi mu rucyererera rwo ku Cyumweru tariki ya 13 Kanama. Inkuru irambuye
