POLISI Y'U RWANDA

MUSANZE: Ba ofisiye 45 basoje amahugurwa ku mikorere ya kinyamwuga n’ubuyobozi

Ku wa Gatanu tariki ya 10 Mutarama 2025, mu Ishuri rikuru rya Polisi y’u Rwanda (NPC) mu Karere ka Musanze, habereye umuhango wo gusoza amahugurwa agamije kongerera ubumenyi abapolisi mu bijyanye n’imikorere ya kinyamwuga n’ubuyobozi (Police Tactical Command Course).

Aya mahugurwa agenerwa abapolisi bo ku rwego rwa ba ofisiye bato abaye ku nshuro yayo ya 15, yitabiriwe mu gihe cy’amezi atanu n’abagera kuri 45 barimo; 15 bakomoka mu gihugu cya Sudani y’Epfo, 21 bo muri Polisi y’u Rwanda, 3 bo mu Rwego rw’Igihugu rushinzwe iperereza n’umutekano (NISS), 4  bo mu Rwego rw’Igihugu rushinzwe Ubugenzacyaha (RIB) na babiri bo mu Rwego rw’Igihugu rushinzwe Igorora (RCS). Inkuru irambuye...

GERAYO AMAHORO: Abatwara moto basabwe kubahiriza Parikingi zashyizweho

Polisi y'u Rwanda irashishikariza abatwara moto kubahiriza amabwiriza agenga umuhanda birinda guparika ahatemewe mu rwego rwo kwirinda guteza impanuka n'akajagari mu muhanda.

Ni mu butumwa abatwara moto mu Mujyi wa Kigali bahawe kuri uyu wa Gatanu tariku ya 10 Mutarama 2024, ubwo basurwaga n'Ishami rya Polisi rishinzwe umutekano wo mu muhanda (TRS) muri parikingi zitandukanye zabashyiriweho mu Mujyi wa Kigali.  Inkuru irambuye...

KURWANYA MAGENDU: Abagore bane bafatanywe amabaro 10 ya magendu y'imyenda ya caguwa

Mu bikorwa bitandukanye byo kurwanya ubucuruzi bwa magendu mu Karere ka Rubavu na Nyabihu; Polisi y’u Rwanda yafashe abagore bane bacyekwaho kwinjiza mu gihugu amabaro 10 y’imyenda ya caguwa bayivanye muri Repubulika Iharanira Demokarasi ya Congo.

Babiri muri bo bafatiwe mu kagari ka Gikombe, Umurenge wa Rubavu w’akarere ka Rubavu ku mugoroba wo ku wa Kabiri tariki 7 Mutarama, bafite magendu y’amabaro atatu.  Inkuru irambuye...

KAMONYI: Batandatu bafatiwe mu bucukuzi bw’amabuye y’agaciro bunyuranyije n’amategeko

Polisi y’u Rwanda ku bufatanye n’inzego z’ibanze n’abaturage mu Karere ka Kamonyi mu bikorwa bitandukanye yafatiye mu cyuho kuri uyu wa Gatatu tariki ya 8 Mutarama, abantu batandatu bari mu bikorwa by’ubucukuzi bw’amabuye y’agaciro bunyuranyije n’amategeko.

Umuvugizi wa Polisi mu Ntara y’Amajyepfo; Superintendent of Police (SP) Emmanuel Habiyaremye yavuze ko bafatiwe ahantu habiri hatandukanye biturutse ku makuru yatanzwe n’abaturage.  Inkuru irambuye...