Kinyarwanda
English
Abapolisi barenga 1200 basoje amahugurwa y’ibanze yihariye mu byo gucunga umutekano
Abapolisi 1,238 basoje ku wa Gatandatu tariki ya 13 Nzeri, amahugurwa y'ibanze yihariye ahabwa abapolisi (Basic Police Special Forces Course), mu Kigo cya Polisi gitanga amahugurwa yo Kurwanya iterabwoba (Counter Terrorism Center-CTTC) giherereye i Mayange mu Karere ka Bugesera.
Ni amahugurwa y’icyiciro cya 3, yari amaze amezi atatu (3), aho abayitabiriye barimo ab’igitsinagore 220, bize amasomo atandukanye arimo imyitozo njyarugamba, amasomo ajyanye no kurinda ituze rusange, gutabara abari mu kaga, ubuhanga mu gukoresha intwaro, kunyura mu nzitizi n’ubumenyi n’ubushobozi bwo gutegura no gushyira mu bikorwa ibikorwa byihariye bya Polisi mu kubungabunga umutekano. Inkuru Irambuye...
Abapolisi 24 basoje amahugurwa yihariye mu bijyanye no gukoresha intwaro
Ku wa Kabiri tariki ya 9 Nzeri, mu Kigo gitangirwamo amahugurwa yo kurwanya iterabwoba (Counter Terrorism Center-CTTC) giherereye i Mayange mu Karere ka Bugesera, habereye umuhango wo gusoza amahugurwa yihariye ahabwa abapolisi mu bijyanye no gukoresha intwaro n’amayeri yo guhangana n’ibihungabanya umutekano (SWAT Course).
Ni amahugurwa y’icyiciro cya 5, yitabiriwe n'abagera kuri 24 mu gihe cy'amezi atatu (3), bize amasomo atandukanye arimo imyitozo ikomeza umubiri (physical fitness), kumasha no guhamya intego (skills at arms), amayeri y’urugamba (tactics), kunyura mu nzitane (obstacle course) no guhangana n’abahungabanya umutekano ahantu hatuwe (combat in built up areas). Inkuru Irambuye...
IGP Namuhoranye yasabye amakipe ya Polisi ya Volleyball kuzitwara neza mu mikino y'irushanwa rya KAVC
Umuyobozi Mukuru wa Polisi y’u Rwanda (IGP), CG Felix Namuhoranye, ku wa Gatatu tariki ya 10 Nzeri, yahaye impanuro amakipe ya Polisi y’Umukino w’intoki wa Volleyball, zibutsa abakinnyi kwitwara neza mu mikino y'irushanwa ribera i Kampala muri Uganda.
Ni irushanwa mpuzamahanga ryitwa Kampala Amateur Volleyball Championship (KAVC) 2025 rizasozwa ku ya 15 Nzeri, aho Polisi y’u Rwanda ifite ikipe mu bagabo no mu bagore. Inkuru Irambuye...
Ubushobozi buhagije burahari, abakora ibyaha nk’ibi nta bwihisho bafite mu Rwanda-ACP Rutikanga
Ku wa Gatandatu, tariki ya 13 Nzeri, Polisi yagaragaje abantu batatu bari hagati y’imyaka 33 na 40, bakekwaho kwiba no gukomeretsa umugore bakoresheje umuhoro, byabereye mu karere ka Nyarugenge, mu ijoro ryo ku wa Kane tariki ya 11 Nzeri.
Ni nyuma y’uko ubwo bugizi bwa nabi mu mashusho yatambutse ku mbuga nkoranyambaga, abafashwe bagaragaye mu bikorwa byo gukubita, gutemesha umuhoro no kwambura agakapu na telefone; umugore wavaga mu kazi ku Kimisagara yerekeza iwe mu kagari ka Rwampara, mu murenge wa Nyarugenge. Inkuru Irambuye...
