Kinyarwanda
English
KIREHE: Yafashwe atwaye ikamyo irimo magendu y'ibyuma by'imodoka
Polisi y'u Rwanda ku bufatanye n'Ikigo cy'igihugu gishinzwe imisoro n'amahoro (RRA) yafatiye ku mupaka wa Rusumo, mu Karere ka Kirehe ikamyo yari itwaye amakarito 300 arimo ibyuma by'imodoka, amakara, inkweto n'amavuta yo kwisiga.
Mu mavuta yafatanywe harimo ayangiza uruhu, azwi ku izina rya mukologo, hamwe n'ibindi bicuruzwa yari yarengejeho amakara agamije kunyereza umusoro. Inkuru irambuye...
KWIRINDA IMPANUKA: Abatwara ibinyabiziga barasabwa kwitwararika muri ibi bihe by’imvura
Polisi y'u Rwanda iributsa abatwara ibinyabiziga kwitwararika muri ibi bihe by’imvura nyinshi mu rwego rwo kwirinda impanuka zishobora guterwa n’ubunyereri bw’imihanda, ibidendezi by’amazi, ibihu ndetse n’inkangu zigaragara mu mihanda imwe n’imwe.
Ikigo cy’igihugu gishinzwe ubumenyi bw’ikirere (Meteo Rwanda), gitangaza ko mu gice cya gatatu cy’ukwezi k’ Ugushyingo 2024 (kuva tariki ya 21 kugeza tariki ya 30), mu Rwanda hateganyijwe imvura iri hejuru y’ikigero cy’isanzwe igwa muri iki gihe; hagati ya milimetero 50 na milimetero 200. Inkuru irambuye...
SANTRAFURIKA: Abapolisi b'u Rwanda bari mu butumwa bafatanyije n'abaturage umuganda
Abapolisi b'u Rwanda bari mu butumwa bwo kubungabunga amahoro muri Repubulika ya Santrafurika (MINUSCA), kuri uyu wa Gatandatu tariki ya 30 Ugushyingo, bifatanyije n'abaturage mu muganda rusange, banatanga amazi meza ku baturage batishoboye.
Ni umuganda witabiriwe n'abo mu nzego z'umutekano imbere mu gihugu n'abaturage batuye mu gace ka 5e Arrondissement mu Mujyi wa Bangui, aho basukuye umuhanda n'inkengero zawo hakurwaho imyanda n'ibihuru biwukikije. Inkuru irambuye...
GASABO: Polisi yaburiye abishora mu bujura n'ubucuruzi bw'ibiyobyabwenge
Polisi y'u Rwanda yongeye gutanga umuburo ku bishora mu bujura bwiganjemo ubw'amatungo, ubucuruzi bw'ibiyobyabwenge n'inzoga zitujuje ubuziranenge.
Ni nyuma y'uko kuva uku kwezi k’Ugushyingo gutangiye, Polisi yafatiye mu murenge wa Jali, abantu 4 bacyekwaho kugira uruhare mu bujura bw’inka 3 zibwe muri uwo murenge zikabagirwa mu ishyamba, hakaba hagishakishwa abo bafatanyije. Inkuru irambuye...
RUBAVU: Yafatanywe ibilo birenga 50 by'urumogi
Umugabo w'imyaka 31 y'amavuko yafatiwe mu Karere ka Rubavu, afite ibilo 57 by'urumogi yari atwaye mu modoka aruvanye muri Repubulika iharanira Demokarasi ya Congo (RDC).
Yafatiwe mu mudugudu wa Kivu, akagari ka Nengo mu murenge wa Gisenyi, n'Ishami rya Polisi rishinzwe kurwanya magendu n'ibindi byaha (ASOC), ku gicamunsi cyo ku wa Gatandatu tariki ya 30 Ugushyingo. Inkuru irambuye...
HUYE: Hafashwe batanu bakurikiranyweho ubujura bwa moto
Kuri uyu wa Gatandatu tariki ya 30 Ugushyingo, Polisi y'u Rwanda mu Karere ka Huye yafashe abasore batanu bakurikiranyweho kwiba moto ebyiri bafatanywe.
Umuvugizi wa Polisi mu Ntara y'Amajyepfo; Superintendent of Police (SP) Emmanuel Habiyaremye yavuze ko bafatiwe mu bikorwa bya Polisi byo kurwanya no gufata abakora ubujura mu Karere ka Huye. Inkuru irambuye...
RUBAVU: Polisi yafashe amabalo 62 y'imyenda ya caguwa ya magendu
Polisi y'u Rwanda, Ishami rishinzwe kurwanya magendu n'ibindi byaha (ASOC), yafatiye mu Karere ka Rubavu amabalo 62 y'imyenda ya caguwa yari yinjijwe mu gihugu mu buryo bwa magendu, ivanywe muri Repubulika Iharanira Demokarasi ya Congo. Inkuru irambuye...
Ni amabalo abapolisi basanze mu nzu iherereye mu mudugudu w'Itangazamakuru, akagari ka Kivumu, mu murenge wa Gisenyi, ubwo bayisakaga kuri uyu wa Gatandatu tariki ya 23 Ugushyingo. Inkuru irambuye...
