POLISI Y'U RWANDA

U Rwanda rwesheje umuhigo mu kwegukana imidali mu mikino ya EAPCCO

Kuri uyu wa Mbere tariki ya 27 Mutarama, muri BK Arena i Remera mu Karere ka Gasabo, habereye umuhango wo gusoza imikino yaberaga mu Rwanda, ihuza abapolisi bo mu bihugu bigize umuryango w'abayobozi ba Polisi mu Karere k'Afurika y'Iburasirazuba (EAPCCO Games).

U Rwanda rwitwaye neza rubasha gutsinda imikino 9 kuri 13 yitabiriwe muri iri rushanwa ribaye ku nshuro ya Kane.Inkuru irambuye

[MU MAFOTO]: Ishusho y’uko imikino ya EAPCCO ku nshuro ya 4 yagenze

Ku nshuro ya 4 y'imikino ihuza abapolisi bo mu bihugu bigize umuryango w’abayobozi ba Polisi mu Karere k’Afurika y’Iburasirazuba (EAPCCO Games) yaberaga mu mu Rwanda, yasojwe ku wa Mbere tariki ya 27 Werurwe 2023, mu gihe cy’icyumweru yamaze yaranzwe n’ibikorwa bya siporo byuzuye urugwiro, n’ubusabane.

Yagaragaje ubuvandimwe hagati y’abayitabiriye bo mu bihugu umunani byari bihagarariwe n’amakipe 83 arimo ay'abagabo n’ay'abagore, nk’ikimenyetso cyo guhuza imikoranire mu rwego rwo gushimangira ubufatanye mu kurwanya ibyaha byambukiranya imipaka.Inkuru irambuye

Abanyeshuri ba Kepler College basuye Polisi y’u Rwanda

Abanyeshuri 50 biga muri Kaminuza ya Kepler College iherereye i Kinyinya mu Karere ka Gasabo, kuri uyu wa Gatanu tariki ya 31 Werurwe, basuye Polisi y’u Rwanda ku cyicaro gikuru ku Kacyiru muri gahunda y’urugendoshuri bagirira mu nzego zitandukanye kugira ngo babashe kugira ubumenyi kuri serivisi zitangwa n’izo nzego.

Umuvugizi wa Polisi y’u Rwanda, Commissioner of Police (CP) John Bosco Kabera, wabakiriye, yabasobanuriye imitwe n’amashami agize Polisi y’u Rwanda, inshingano ndetse n’ imikorere ya Polisi mu gucunga umutekano w’abaturarwanda.Inkuru irambuye

NGOMA: Hafashwe uwatwaraga abagenzi kuri moto afite uruhushya rw’urwiganano

Polisi y’u Rwanda, Ishami rishinzwe umutekano wo mu muhanda (TRS), ku wa Kabiri tariki 28 Werurwe, yafatiye mu Karere ka Ngoma umusore w’imyaka 21, ukora akazi ko gutwara abagenzi kuri moto wari ufite uruhushya rwo gutwara ibinyabiziga rw’urwiganano.

Yafatiwe mu mudugudu wa Rugenda I, akagari ka Rubona mu murenge wa Rukumberi, atwaye moto ifite nimero RC 581 P, afite uruhushya rwo gutwara ibinyabiziga rwa burundu rw’urwiganano rugaragaza ko yemerewe gutwara ibinyabiziga byo ku rwego  A na B. Inkuru irambuye

GICUMBI:Yafatanywe imyenda ya caguwa ya magendu n’amasashe 24000

Polisi y’u Rwanda, Ishami rishinzwe kurwanya abanyereza imisoro (RPU), ryafatiye mu Karere ka  Gicumbi, kuwa Gatanu tariki ya 31 Werurwe, umugabo  w’imyaka 39 wari winjije mu gihugu magendu y’imyenda ya caguwa n' amashashe.

Yafatiwe mu mudugudu wa Gisiza, akagari ka Nyamabuye  mu murenge wa Byumba, atwaye kuri  moto umufuka urimo imyenda 46  ya caguwa  n’amapaki 120 arimo amasashe ibihumbi 24, yari avanye mu gihugu cy’abaturanyi cya Uganda. Inkuru irambuye

RUBAVU: Abantu batatu bafatiwe mu burobyi bunyuranyije n’amategeko

Polisi y’u Rwanda ku bufatanye n’izindi nzego z’umutekano mu Karere ka Rubavu, ku wa Gatatu tariki 29 Werurwe, yafatiye abantu batatu mu kiyaga cya Kivu, bari barimo kuroba amafi mu buryo bunyuranyije n’amategeko, banakoresha imitego itemewe.

Bafatiwe mu gice cy’ikiyaga giherereye mu murenge wa Nyamyumba, akagari ka Busoro mu mudugudu wa Buhanga, bafite imitego itemewe ibiri izwi ku izina rya Kaningini bifashishaga mu burobyi. Inkuru irambuye