Kinyarwanda
English
DIGP Sano yahaye impanuro abapolisi bitegura kujya mu butumwa bw’amahoro muri Centrafrique
Kuri uyu wa Kabiri tariki ya 18 Mata, ku cyicaro gikuru cya Polisi y’u Rwanda ku Kacyiru, Umuyobozi wa Polisi wungirije ushinzwe ibikorwa, DIGP Vincent Sano yahaye impanuro abapolisi 320 bitegura kujya gusimbura bagenzi babo mu butumwa bw’umuryango w’Abibumbye muri Centrafrique.
Abapolisi bahawe impanuro bari mu matsinda abiri, RWAFPU II-8, rigizwe n’abapolisi 180 riyobowe na Chief Superintendent of Police (CSP) Jean Bosco Rudasingwa, biteganyijwe ko bazahaguruka I Kigali, ejo ku wa Gatatu tariki 19 Mata, gusimbura bagenzi babo bamaze umwaka mu butumwa bwo kubungabunga amahoro ahitwa Kaga Bandoro muri icyo gihugu. Inkuru irambuye...
MINUSCA: U Rwanda rwasimbuje abapolisi mu butumwa bw’amahoro muri Centrafrique
Mu gitondo cyo kuri uyu wa Gatatu tariki ya 19 Mata, abapolisi b’u Rwanda 180 bagize itsinda RWAFPU II-8, riyobowe na Chief Superintendent of Police (CSP) Jean Bosco Rudasingwa, bahagurutse i Kigali berekeza muri Repubulika ya Centrafrique, gusimbura bagenzi babo mu butumwa bw’umuryango w’Abibumbye bwo kubungabunga amahoro muri icyo gihugu (MINUSCA).
Itsinda RWAFPU II-7 basimbuye ryari rimaze igihe cy’umwaka rikorera mu gace ka Kaga-Bandoro mu bilometero bisaga 300 uturutse mu murwa mukuru Bangui, ryasesekaye ku kibuga cy’indege Mpuzamahanga cya Kigali, ahagana ku isaha ya saa kumi n’imwe z’umugoroba riyobowe n’Umuyobozi waryo wungirije, Senior Superintendent of Police (SSP) John Niyibizi. Inkuru irambuye...
CENTRAFRIQUE: CSP Habintwari yatowe nk’umupolisi w’indashyikirwa mu butumwa bw’Umuryango w’Abibumbye
Chief Superintendent of Police (CSP) Vincent B. Habintwari, Umuyobozi w’umutwe w’abapolisi b’u Rwanda (RWAPSU 1-7) bari mu butumwa bwo kubungabunga amahoro mu gihugu cya Repubulika ya Centrafrique (MINUSCA) yatowe nk’umupolisi w’indashyikirwa.
CSP Habintwari ni umuyobozi w’umutwe w’abapolisi b’u Rwanda (RWAPSU) ugizwe n’abagera ku 140, ushinzwe kurinda abanyacyubahiro bo muri iki gihugu cya Repubulika ya Centrafrique, barimo abayobozi bakuru muri Guverinoma, ab’Umuryango w’Abibumbye bakorera muri iki gihugu ndetse na bimwe mu bikorwaremezo bikomeye byo mu gihugu. Inkuru irambuye...
GAKENKE: Babiri bafashwe bagiye kugurisha moto bacyekwaho kwiba
Polisi y’u Rwanda ku bufatanye n’izindi nzego z’umutekano n’abaturage mu Karere ka Gakenke, yafashe abasore babiri bacyekwaho kwiba moto yo mu bwoko bwa TVS bagamije kuyigurisha.
Bafashwe ku wa Gatatu tariki ya 19 Mata, saa saba n’igice z’ijoro bari kuri iyo moto, mu mudugudu w’Umujyi, akagari ka Rusagara mu murenge wa Gakenke. Inkuru irambuye...
Polisi yafatanye umusore arenga miliyoni 1,4Frw yari yibye umucuruzi
Polisi y'u Rwanda ku bufatanye n’inzego z’ibanze n’abaturage yagaruje amafaranga y'u Rwanda miliyoni imwe n’ibihumbi 430 (Frw 1,430,000) muri miliyoni ebyiri zari zibwe umucuruzi ahazwi nko muri Quartier Commercial mu Mujyi wa Kigali.
Yafatanywe umusore w’imyaka 20 mu mudugudu w’Akabukara, akagari k’Umubuga, mu murenge wa Ruramira mu Karere ka Kayonza ari naho avuka, washyikirijwe ubutabera ngo akurikiranwe, amafaranga yafatanywe asubizwa nyirayo kuri uyu wa Mbere tariki ya 17 Mata, mu gikorwa cyabereye ku cyicaro cya Polisi y’Umujyi wa Kigali mu Karere ka Gasabo. Inkuru irambuye...
RUSIZI: Polisi yegereje abaturage imodoka izifashishwa mu kurwanya inkongi
Kuri uyu wa Gatanu tariki ya 21 Mata, Polisi y'u Rwanda, Ishami rishinzwe kurwanya inkongi n'ubutabazi (FRB) ryashyikirije abaturage batuye mu Karere ka Rusizi imodoka izajya yifashishwa mu kuzimya inkongi no gutabara abaturage bari mu kaga.
Umuhango wo kwakira iyi modoka wabereye mu murenge wa Kamembe witabiriwe n'Umuyobozi w'Akarere ka Rusizi Dr. Anicet Kibiriga n'abandi bayobozi batandukanye mu Karere. Inkuru irambuye...
KICUKIRO: Polisi yafashe abacyekwaho gukora ubucuruzi bwa magendu y'inzoga za liqueur
Polisi y'u Rwanda, Ishami rishinzwe kurwanya magendu (ASOC), ku wa Gatanu tariki ya 21 Mata, ryafashe abantu bane bacyekwaho gukora ubucuruzi bwa magendu, hafatwa amakarito y'imivinyu n'amacupa y'inzoga za liqueur zifite agaciro ka miliyoni Frw 15.
Bafatiwe mu rugo aho bari baragize ububiko bwazo mu mudugudu wa Rukiri mu kagari ka Kabeza mu murenge wa Kanombe, ahagana ku isaha ya saa mbiri z'ijoro. Inkuru irambuye...
