Kinyarwanda
English
[AMAFOTO]: Polisi y’u Rwanda yatangije ibigo bishya bisuzuma ubuziranenge bw’ibinyabiziga
Kuri uyu wa Gatanu tariki ya 20 Ugushyingo 2020 Polisi y'u Rwanda yafunguye ku mugaragaro ibigo bishya bitatu bizajya bisuzumirwamo ubuziranenge bw’ibinyabiziga. Mu Ntara y'Amajyepfo ikigo cyafunguwe giherereye mu Karere ka Huye, mu Ntara y'Amajyaruguru ikigo kiri mu Karere ka Musanze naho mu Ntara y'Iburasirazuba iki kigo giherereye mu Karere ka Rwamagana. Ibi bigo bije kunganira ikigo cyari gisanzwe mu Mujyi wa Kigali, ibi bigo bishya Polisi y'u Rwanda yabitangije mu rwego rwo kurushaho kwegereza serivisi abatunze ibinyabiziga. Inkuru irambuye
Polisi y'u Rwanda yakiriye imashini yangiza imbunda zishaje
Kuri uyu wa Kane tariki ya 19 Ugushyingo ubuyobozi bwa Polisi y'u Rwanda bwakiriye imashini yangiza imbunda zishaje. Ni imashini yatanzwe n'umuryango wo mu Karere K'Afurika y'Iburasirazuba ushinzwe kurwanya ikwirakwira ry'intwaro ntoya n'iziciriritse mu Karere (RECSA), ni imashini izajya yifashishwa mu kwangiza imbunda zishaje n'ibiturika. Inkuru irambuye
Nyarugenge: Abantu bagera ku 130 bafatiwe muri Motel barenze ku mabwiriza yo kurwanya COVID-19
Mu ijoro rya tariki ya 14 Ugushyingo rishyira tariki ya15, Polisi y'u Rwanda yafatiye abantu 130 mu nyumabako icuruza amacumbi ndetse n'izindi serivisi zirimo akabari na resitora (Laguna Motel). Aba bantu 130 harimo abafashwe barimo kubyina mu kabyiniro (Night Club). Bamwe barimo kunywa inzoga banabyina abandi banywaga bicaye mu kabyiniro bakomera amashyi abari kubyina bateza urusaku rwinshi ruvanze n’umuziki, ndetse n’abandi bari bishyize hamwe mu cyumba cy’icumbi bagera nko kuri 50. Inkuru irambuye
[AMAFOTO]: Kigali: Polisi yerekanye itsinda ry’abakekwaho kwiba mu maduka hirya no hino mu gihugu
Mu gitondo cyo kuri uyu wa Mbere tariki ya 16 Ugushyingo, ku cyicaro cya Polisi ikorera mu Mujyi wa Kigali i Remera ahazwi nko kuri Metropolitan, Polisi y’u Rwanda yeretse itangazamakuru itsinda ry’abantu 5 bakekwaho ubufatanye mu kwiba abaturage amafaranga bakoresheje imodoka yo mu bwoko bwa Hyundai/Santafe RAD 995Y. Inkuru irambuye
[AMAFOTO]: Nyarugenge: Urubyiruko rw'abakorerabushake barishimira ibyo barimo kugeza ku gihugu
Kuri iki Cyumweru tariki ya 15 Ugushyingo, abagize ihuriro ry'urubyiruko nyarwanda rw'abakorerabushake mu bikorwa by'umutekano n'iterambere bo mu Karere ka Nyarugenge bagize inama yo kurebera hamwe ibikorwa bagezeho cyane cyane muri ibi bihe byo kurwanya icyorezo cya COVID-19.Inkuru irambuye
Rwamagana: Umwe mu bacuruza serivisi zo guhererekanya amafaranga arakekwaho gukoresha amahimbano
Mu gitondo cyo kuri uyu wa Kabiri tariki ya 17 Ugushyingo, Polisi y’u Rwanda ikorera mu Karere ka Rwamagana, Umurenge wa Kigabiro yafashe umucuruzi (Agent) ukorana na kimwe mu bigo bicuruza serivisi zo kohereza no kwakira amafaranga hakoreshejwe ikoranabuhanga. Uwafashwe yitwa Mutabazi Jean Luc w’imyaka 28, yafatanwe amafaranga y'u Rwanda y’amahimbano ibihumbi 100 yahaga abakiriya bamugana. Inkuru irambuye
Rubavu: Polisi yafashe ukekwaho gukwirakwiza urumogi yigize umunyeshuri
Polisi y'u Rwanda ikorera mu Karere ka Rubavu mu Murenge wa Busasamana mu Kagari ka Gihonga yafashe Umulisa Josiane w'imyaka 25. Abapolisi bamufashe kuri uyu wa Kane tariki ya 19 Ugushyingo, bamufashe yambaye umwambaro w'ishuri ndetse afite igikapu kirimo ibitabo n'udupfunyika 1000 tw'urumogi. Inkuru irambuye
